आर्यन

The Ba***ds of Bollywood - द आर्यन (शाहरुख) खान शो!

जेव्हा शाहरुखने आपल्या मुलाचे नाव आर्यन ठेवले तेव्हापासून मी आर्यनला ओळखत आहे. शाहरुख प्रचंड आवडीचा. अपवादानेच त्याचा एखादा चित्रपट बघितला नसावा. तरी एका हिंदु-मुस्लिम जोडप्याने आपल्या मुलाचे नाव आर्यन ठेवावे याचे कौतुक वाटण्यापलीकडे तो मुलगा काय कसा आहे याची फार कल्पना नव्हती. मध्यंतरी ड्र्ग्स केसमध्ये तो अडकला तेव्हाही त्याच्याबद्दल फार जाणून घ्यावेसे वाटले नाही. किंबहुना त्यावरून त्याला जज न करता शाहरुख या बापाबद्दल वाईट वाटले होते. थोडक्यात लाडक्या बापाचीच पहिली इनिंग संपली नसल्याने त्याच्या मुलाबद्दल शून्य उत्सुकता होती.

आज शाहरूखच्या मुलाचा आर्यनचा व्हॉटस्सप ग्रूपवर विषय निघाला. ग्रूपवर एक आर्यन नावाचा मुलगाही आहे. अर्थात तो मराठी मुलगा आहे. त्याला शाहरूख बिलकुल आवडत नाही. किंबहुना जिथे त्याला शाहरूखवर टिका करायची संधी मिळते, ती तो सोडत नाही. आणि दरवेळी मी त्याला चिडवतो, लाज नाही वाटत, बाबांना असे बोलतोस