पहिली रात्र

पहिली रात्र
=====================================================================
पहिली रात्र !...
अर्थात , लग्नानंतरची पहिली रात्र .
अशी रात्र, जिची अतिशयोक्त वर्णनं कथा-कादंबऱ्यांमधून, गीतांमधून वर्णिलेली असतात .
अर्थात, हेही खऱं की दोन विजा लखलखणार असतात. एकमेकांना टक्करणार असतात.
अशा त्या रात्रीची वाट पाहण्यात रात्रीमागून रात्री लोटलेल्या असतात.
प्रत्येकाची रात्र वेगळी.
प्रत्येकाच्या मनातली रात्र वेगळी.
अन प्रत्येकाच्या आयुष्यातली ?... रात्र वेगळी.
वेगळी ?
अर्थातच वेगळी. जशी ती आता चंद्रकांतच्या आयुष्यात होती...

मित्रहो, लेखाच्या शीर्षकावरून लेखाबद्दल काय अंदाज वाटतोय? तुम्ही चाणाक्ष असल्याने बहुधा ओळखलेच असेल. अहो, जेव्हा एखादा मध्यमवयीन पांढरपेशा माणूस ‘पहिल्या रात्री’चे वर्णन करायला उत्साहाने बसलाय तेव्हा ‘ती’ रात्र ही त्याच्या लग्नानंतरचीच पहिली रात्र असणार, दुसरे काय ! माझ्या आयुष्यातील तो प्रसंग अगदी नाट्यमय आणि रंजक होता. काही पारंपरिक गोष्टींना छेद देऊन आम्ही दोघांनी ती रात्र मस्तपैकी साजरी केली होती. त्याचेच हे अनुभवकथन.