|| तथ्य ||
Submitted by शिवाजी उमाजी on 12 December, 2018 - 02:02
|| तथ्य ||
वठविती सोंग । करीत भक्त गोळा ।
घालुनी त्यां माळा । दंभी बुवा ।।
नामा ज्ञाना तुका । वेठीला धरून ।
पाजळती ज्ञान । गावोगावी ।।
मारूनीया थापा । भरताती पोट ।
उठवीती मठ । स्वकल्याणे ।।
ऐशा भोंदू लोकां । पाडोनी उघडे ।
जाहीर वाभाडे । काढावेत ।।
परमेश्वर एक । आहे जो सर्वत्र ।
ठेवा ध्यनी मात्र । अंतर्यामी ।।
वसलाय ईश्वर । परस्परी जाणा ।
हेची सत्य माना । विश्वासाने ।।
अनुभूती घेता । उमगते सत्य ।
तव माना तथ्य । म्हणे शिवा ।।
विषय:
शब्दखुणा: