पतिचे विवाह बाह्य संबंध

हा डुप्लिकेट आयडी आहे. आज मला तुमचा " तुझा तू नीट विचार करून निर्णय घे" असा सल्ला नकोय, तर तुम्ही माझ्या जागी असता तर काय केले असते ते ऐकायचं आहे. मी फार मोकळ्या मनाने सर्व काही लिहिले आहे. कृपया कसलाही गैरसमज करून घेऊ नका आणि समजून घ्या.

मी सध्या एका मोठ्या त्रासातून जात आहे. मी व माझा नवरा दोघे इंजिनिअर आहोत. आम्ही दोघे 44 वर्षांचे आहोत आणि लग्नाला 21 वर्षे पूर्ण झाली आणि आमचा प्रेमविवाह झालेला आहे. माझ्या घरच्यांचा विरोध पत्करून मी हे लग्न केले होते. आजही ती decision मला चूक वाटत नाही.
एक आम्हाला 7 वर्षांचा मुलगा आहे. पति मोठ्या कंपनीत CEO आहेत. मागच्या चार वर्षांपूर्वी पतिची नोकरी व शहर बदलले, म्हणून मला माझी चांगल्या पदावरची, मोठ्या कंपनीतली नोकरी सोडावी लागली. पती खूप busy असल्याने आणि मुलगा लहान असल्याने मी घरी राह्यचा निर्णय घेतला.