भिती कुणाची
Submitted by शिवाजी उमाजी on 22 July, 2017 - 11:13
भिती कुणाची
का वाटते मनाला ऊगा भिती कुणाची
आहे तुझे तुझ्याशी चिंता तुला कुणाची
कोणी कसे लिहावे ज्याची तयास चिंता
ऊगा पिळून जीवा त्वा खंत ती कुणाची
झाले कितेक मोठे होऊन थोर गेले
का ती फुका करावी चिंता इथे कुणाची
आस्वाद लेखनाचा चाखून छान घ्यावा
खोडी उगा कशाला काढायची कुणाची
लोकांस काय त्याचे तूम्ही कसे लिहावे
लावून बोल कोणा का हाय घ्या कुणाची
©शिवाजी सांगळे, मो.+91 9545976589
विषय:
शब्दखुणा:
