संगीतक हे नवे मायबोली गणेशोत्सव २०१६

कार्यालयातील वरिष्ठ अधिकारी व कनिष्ठ अधिकारी यांच्यातील संवाद

बॉस म्हणजे बॉस म्हणजे बॉस असतो
कधीही, कसाही वागला तरी नेहमी 'राईटच' असतो

क्वचित उशीर होताच चार -चार फोन करतो
वेळेत पोहोचते तेव्हा याचा पत्ताच नसतो

कंपनीची भिस्त सारी याच्यावरच आहे
मालकासही नाही इतकी काळजी याला आहे

डोक्यावरचे, हाताखालचे सगळेच मेले कामचुकार
एकटा जीव खपत असतो, याच्यावरच सारी मदार

ऐकवतो नेहमी, "माझ्या सुट्ट्या जातात वाया
विकेंडालाही नेहमीच मी तयार रिपोर्ट द्याया

काय करु? कसे करु? वेळ मला पुरत नाही"
"नका घाबरु सर तुम्ही, काम सारे संपवले आम्ही"