स्त्री आरोग्य

इंटरनेट विश्वात होणार्‍या चर्चा असोत किंवा लोकलमधल्या लेडिज डब्यातल्या चर्चा, ऑफिसमध्ये लंच टाईमला घडणार्‍या चर्चा असोत किंवा किटी पार्टीमधल्या चर्चा. हल्लीच्या स्त्रिया स्त्रीवाद, मुलांचे संगोपन, गर्भारपणातला आहार विहार, नोकरी-व्यवसाय, मेकअप, कपडे, साड्या, शूज, दागिने या व्यतिरिक्त स्वतःचे वाढते घटते वजन , व्यायाम, पोषक आहार अशा आरोग्याशी निगडित चर्चा करताना दिसतात. ही आरोग्य सजगता उल्लेखनीय आहे. मात्र अजूनही कित्येक घरांतील स्त्रिया घरातील सदस्यांच्या आहाराबद्दल, शुश्रुषेबद्दल काळजी करताना स्वतःच्या तब्येतीकडे बरेचदा दुर्लक्ष करतात, दुखणी अंगावर काढतात.