कधी वर मिळाले

कधी शाप जहरी, कधी वर मिळाले
मला जे मिळाले, भयंकर मिळाले

तिने आसवे सांडली ओढणीवर
जणू आरमारास लष्कर मिळाले

तुझे अंगप्रत्यंग घामेजलेले
हवेला नवे एक अत्तर मिळाले

तुझ्या अडचणी सर्व तिसर्‍याच होत्या
सुगंधात तिसरेच उत्तर मिळाले

घरे देशदेशी, स्वतःचे न कोणी
असे आजवर खूप बेघर मिळाले

प्रवाहीपणाने किती घुसमटावे
नदी पाहिजे तर सरोवर मिळाले

करावे घरी ते घरी फक्त केले
मिळावे घरी ते घरोघर मिळाले

हवे ते मिळो ना मिळो, फक्त म्हण तू
मला जे हवे ते बरोबर मिळाले

कधी वाक्य पुरते न बोलायची जी
तिचे पत्र त्याला सविस्तर मिळाले

तहानून मी खोदली व्यर्थ सारी