वाचून नाही होत ती कादंबरी आहेस तू

===============================

खुलते तुझ्या रंगात ती अलवार साडी नेस तू
झटकायला येऊन जा गच्चीत ओले केस तू

कोणी घडी मोडायची करणार नाही धाडसे
माझी गझल नेसेल इतकी भरजरी आहेस तू

एकेक पानाची नशा कित्येक वर्षे राहते
वाचून नाही होत ती कादंबरी आहेस तू

हज्जारदा शोधूनही मी सापडत नाही मला
तेव्हा कुठे मी भेटतो जेव्हा मला दिसतेस तू

हे सांग ना, म्हणतेस तितकी जर खरी आहेस तू
त्याची तरी आहेस का ज्याच्या घरी आहेस तू

================================

अजून ती तिथेच राहते म्हणे
अजून केशरात नाहते म्हणे

उदास चेहरा करून हासते
मनातल्या मनात साहते म्हणे