साधना ..
Submitted by डॉ.विक्रांत प्र... on 22 August, 2014 - 13:32
तुला भेटू तरी कसे
मज काहीच कळेना
जन्म चालला उगाच
मज थांबणे घडेना |
ही वाट जन्मांतरीची
कि आताच चालण्याची
कोडे सुटेना काहीच
भूल नकळे कश्याची |
तुवा मानुनी सर्वस्व
जीव ओतला सगुणी
केले सायास कितीक
काही येईना घडुनी |
सत्य सांगतात इथे
हात उभारुनी कुणी
खरे मानावे ते कसे
न ये डोळा जे दिसुनी |
दाह अंतरात असा
मज जाळे दिनरात
वाट सोडूनी धावतो
कुठकुठल्या वनात |
जरी रंगतो जगाच्या
कधी सुख सोहळ्यात
भोग भोगतांना उर
तळमळे अंतरात |
ग्रंथ वाचले अपार
माथी बांधीयला भार
ज्योत पेटलीच नाही
तेल ओतले अपार |
जाता संताना शरण
आड आला अभिमान
विषय:
शब्दखुणा: