नकोसे वाटते सारे

नकोसे वाटते सारे, उसवते वीण एखादी
मनाला आणते...ताजी गझलही...शीण एखादी

पिठोरी चांदणे पाहू, उपाशी जागते राहू
जगावी वाटते आहे कथा ग्रामीण एखादी

उदासीची मुळे जोपास आनंदात जगताना
जशी ठेक्यात पान्हवते कलावंतीण एखादी

तिला माहीत नाही की कुणी देणार नाही ओ
पुकारे देत पिल्लांना उडे पक्षीण एखादी

जिथे कर्कश्य हाकांनी कुणी विचलीत होईना
तिथे स्थित्यंतरे घडवेल हाळी क्षीण एखादी

तुला आधार रस्त्याचा तरी ना भान आलेले
झुले दोरीवरी बेभान डोंबारीण एखादी

जिथे एका विचाराचे हजारो लोक जमलेले
तिथे चर्चा कशी होईल सर्वांगीण एखादी

हवा आहे कुणाला मी, नको आहे कुणाला मी