निरोप ३

आता समोर दोघेही उभे होते, संकेत आणि आशंका. तिने बोलायला सुरुवात केली.
"प्रिय मित्रांनो, याआधी संकेत जे काही बोलला ते सर्व माझ्याही मनात होतं. त्यामुळे आता मी ज्या कामासाठी पुढे आलेय त्याला सुरुवात करते. सर्वप्रथम आम्ही या आमच्या शाळेला आमच्या वर्गातर्फ़े छोटीशी भेट प्रदान करतो." असे म्हणुन तिने आधीच बाजुला आणून ठेवलेल्या चार खुर्च्या समोर आणण्यास सांगितले. आणखी चार मुलामुलींना पुढे बोलावून त्या खुर्च्या प्रशालेचे मुख्याध्यापक श्री. चव्हाण सर यांच्याकडे सुपूर्द करण्यात आल्या. सर्व शिक्षक आणि कर्मचारी यावेळी उभे रहिले होते. भेटवस्तूचा स्वीकार केल्यावर पुढे संकेत बोलू लागला.