कवेत माझ्या अखेरचे भिजून तू विरघळून जा - तरही

नवीन तरही गझलेत माझा नम्र सहभाग! कवी रसप यांची आकर्षक ओळ त्यांनी तरहीसाठी योजायला दिल्याबद्दल त्यांचे व धाग्यासाठी डॉ. कैलासराव यांचे आभार!

-'बेफिकीर'!
===================================================

पुन्हा कधी ना म्हणेन मी... भरून ये.. कोसळून जा
कवेत माझ्या अखेरचे... भिजून तू विरघळून जा

नकोत कुठले उपाय अन् नकोत कुठलीच औषधे
जशी उमलते जुनी जखम तशीच तू भळभळून जा

पुन्हा नको तू म्हणूस की कशास भेटायचे पुन्हा
मला नको तू कळूस पण तुला तरी तू कळून जा

तुझी अवस्था जशी तिथे तशीच मी सोसतो इथे
कधीतरी हळहळून ये कधीतरी हळहळून जा

जगात व्यवहार चालतो... कसे तुला सांगणार मी