पाखराना कोणतीही जात नाही
Submitted by SADANAND BENDRE on 3 March, 2013 - 08:30
पाखरांना कोणतीही जात नाही
कुंपणाची हद्द आकाशात नाही
वेगळे आकार केवळ देवळांचे
खुद्द तो कुठल्याच गाभाऱ्यात नाही
पाडल्या भिंती मठाच्या काल कोणी
खंत एकच, त्यात माझा हात नाही
घेत मी नसलो तरी धुंदीत आहे
त्यातला नसलो तरी तुमच्यात नाही
मी कुठे जावे ठरवणे फार सोपे
यार माझा एकही स्वर्गात नाही
कालचे हे दुःख आता घे तुझे तू
दे नवे काही शिळे मी खात नाही
हात हाती घेउनी चालू जरासे
मंझिलावर पोचणे हातात नाही
खंजिराला पाठ द्यावी मी खुषीने
एवढा विश्वास या नात्यात नाही
दे जखम रक्ताविना तू आज किंवा
दे कबूली बाण तो भात्यात नाही
पाळतो बेशिस्तही शिस्तीत थोडी
विषय: