चन्नपटना चे रंग..

ही नक्की मातीचीच आहेत का?? इतकी छान वाटतायत ना इथे.

सुंदर दिसताहेत लाकडी वाटतात.

बी ही खेळणी मातीची आहेत? मस्तच आहेत. तुझे प्रचि पण मस्त आले आहे.

ही खेळणी मातीची नाहीत. चन्नपटना हे बंगलोरपासुन ६० किमी अंतरावरील गाव असुन येथे लाकडी खेळण्यांचे कारखाने आहेत. बंगलोरहुन मैसुरला जाताना वाटेत हे गाव लागते.

बी तूला एव्हढी खेळणी कुणी व का दिली? का नेटवरचा फोटो आहे?

तेच तर.. कारण तिथे मस्त खेळणी मिळतात व एकाच प्रकारची खेळणी तूला देण्यात काय फायदा? मी तिथुन एक दोरी ओढली की हात पाय हलवणारा माणुस, भोवरा आणी काय काय आणले होते.

भारी आहेत खेळणी. इकडे मुंबईत वगैरे मिळतात का?

खुपच छान आहेत खेळणी , मेड इन चायना घेण्यापेक्षा ही कैक पटीने चांगली आहेत.
मुख्य म्हणजे आपल्याकडे योग्य मार्केटिग होत नाही त्यामुळे कितीतरी चांगल्या गोष्टी जगासमोर च येत नाहीत.
धन्यवाद बी.

आपल्या कडे सा'वाडीलापण मिळतात हो अशी खेळणी. आमच्या मित्राच्या मुलीसाठी आम्ही गोल गोल फिरवलं की दाणे टिपणार्‍या कोंबड्या घेतल्या होत्या.
मलाच खरंतर ते इतकं आवडलं होतं की देताना जीवावर आलं.

>>आपल्या कडे सा'वाडीलापण मिळतात हो अशी खेळणी

हो. वरील खेळणी सुंदरच आहेत. पण सावंतवाडीलाही खूप आकर्षक खेळणी मिळतात. इकडे येताना आईने दोन लाकडी गाड्या आणल्या होत्या. त्या इतक्या सुबक आहेत की बोलून सोय नाही.

सुंदर आहेत रे बी. श्री ला मार्केटींग बाबत अनुमोदन.

हो हो सावंतवाडीची खेळणी ब्येष्ट. आणि एकही खिळा न वापरता करतात म्हणे.
नीरजा- ते गोल गोल कोंबड्यांच अल्टिमेट खेळणं आहे. मी शोधतेय इरासाठी.

बी मस्त विषय.

सावंवाडीची खेळणी बेस्टच. माझ्या लहानपणी अक्खी रेल्वे लाकडाची बनवलेली, मस्त रंगवलेली होती. भांडी पण सुरेख. गोव्याला गेलो मावशीकडे कि आधी तिला विचारायचो की तू खेळणी काय आणून ठेवलीस. ती मग लगेच त्या स्पेशल बाजाराच्या दिवशी खेळण्याच्या त्या भागात घेवून जायची. एवढी सुंदर खेळणी बनवतात हि लोकं पण काही विशेष मोल मिळत नाही अजूनही वाटते. ५ वर्षापुर्वी गौरीचे मुखवटे मावशीने ओळखीच्या माणसाकडून बनवून घेतला होता. त्याचा फोटो टाकते इथे. इतका सुंदर आहे....

अरे,
अशीच खेळणी मुलांना खेळायला दिली पाहिजेत.
मध्यंतरी स्वस्त चायनीज खेळण्यांवरचे रंग घातक असतात म्हणून अमेरिकेने त्यावर बंदी लादली.
भारतात मात्र चीनी खेळण्यांनी दुकाने भरून गेली आहेत. लोकांनाही त्याची सवय झाली आहे.
कुठे गेली ती आपली लाकडी बाहुली 'ठकी'
बहुधा बार्बीच्या आगमनाने नामशेष झाली असावी.

मी गेले कोकणात की आणिन रैने तुझ्या इरासाठी. माझी होतेच चक्कर अधूनमधून. आता जाणारे गणपतीच्या दरम्यान मोस्टली.

ती डुगडुगणारी मान व कमर हलवणारी लाकडाच्या बाहुलीचे काय कौतूक वाटायचे. माझी ती सर्व खेळणी मी देवून टाकली. आता गेलो की आणली पाहीजे स्वतालाच. ही खेळणी इतकी क्यूट असतात ना की मोठ्याना पण घ्यावेसे वाटेल.

मला पण शोभेसाठी हवित ही खेळणी. मला लहानपणी मिळालेला सेट कुणी कुणी पळवला खेळता खेळता

सुरेख आहेत खेळणी.
देशात गेल्यावर सावंतवाडीला मधे काजू, कोकम सरबताबरोबर आता ही खेळणी खरेदीही मस्ट

माझ्याकडे एक जीप व एक एस्.टी. बस (मुंबई - मालवण) होती लहानपणी सा.वाडीची

ही फोटोतली खेळणी मुंबईत प्रदर्शनांमध्ये मिळतात. मी खुप सार्या की चेन्स घेत॑ल्यात अशा प्रकारच्या.... छान दिसतात.

अमि, आता प्रदर्शन भरले की मलाही सांग.

अरे, बांद्र्याला रेक्लेमेशनला ( लिलावती जवळ) जी handicraft ची प्रदर्शने भरतात, त्यात असतात ही खेळणी ... मी मार्च मध्ये एका प्रदर्शनात गेले होते तेव्हाही होती. मला वाटते आता दिवाळीच्या थोडे अगोदर प्रदर्शंनांना सुरूवात होईल.

सध्या एक चालू आहे बांद्रा रिक्लेमेशनला. २४ तारखेपर्यंत आहे. मी पाहिलं नाही अजून. पेपरात वाचलय.

बंगळुरूला स्टेट हॅन्डीक्राफ्ट चे जे कावेरी दुकान एमजी रोड जवळ आहे त्या बाहेर मिळतात ही चन्नपटनाची खेळणी. पण सावंतवाडीची जास्त सुरेख असतात आणि क्रिएटिव्ह पण!

अमि, अच्छा. हे तर मला सहज शक्य होईल. रैना आताही आहे काय, या शनिवारी किंवा रविवारी बघतो.
धन्यवाद.

सावंतवाडीसारखेच सांगली-मिरजेहून जयसिंगपुरला जाताना, पुलाच्या अलीकडे (नदीच्या सांगलीच्या बाजूला) तीन-चार सुतार आहेत. तिथेही अशीच सुंदर (सावंतवाडीला जास्त सुंदर मिळतात) खेळणी वाटतात. मी मध्ये बरीच आणली होती.

मी ही वाचले काल पेपरात.

गजानन, गेला होतास का प्रदर्शनात?

ट्ण्या पुस्तकाबरोबर तेही घेउन ठेव रे

तू टण्याला नक्की काय घेऊन ठेवायला सांगतेयस? खेळणी की सुतार?