शशक स्पर्धा - झेलम - भूक (करूण रस, उपमा अलंकार)

समोर दिसणाऱ्या भज्यांकडे तो आशाळभूत नजरेने बघत राहिला.

गेले दोन दिवस तो भज्यांच्या गाडीसमोरून जात होता. एकदा हिय्या करून चोरी करायचं ठरवलं तेवढ्यात भजी तळणाऱ्या भैय्याचं त्याच्याकडे लक्ष गेलं. कसाबसा हरणाच्या वेगाने भैय्याच्या तावडीतून सुटला तो.

उन्हाळ्यात आटलेल्या विहीरीगत फडताळातले डबे रिकामे झाले होते म्हणून असं दारोदार फिरावं लागत होतं त्याला. उपवासामुळे त्याचं शरीर काडीसारखं झालं होते. सकाळपासून पोटात अन्नाचा कण नव्हता. भूक आता वणव्यासारखी शरीरभर पसरत होती.

तहानलेल्याला वाळवंटात पाण्याचा तलाव दिसावा तसं ती भजी बघून त्याला वाटलं.

भैय्या कुठे दिसत नव्हता. स्मशानासारखी शांतता होती तिथे.

चपळाईने भज्यांचा घास घ्यायला तो पुढे सरकला आणि पिंजऱ्याचं दार खाटकन् बंद झालं.