Submitted by Meghvalli on 20 April, 2026 - 04:24
चल नवी ओळख पेरू पुन्हा,
चल नवी मैत्री सुरू करू पुन्हा।
जुन्या आठवांची धूळ झटकून,
मनाशी साधूया संवाद पुन्हा।
मावळला जरी आजचा दिवस,
उद्या होईल सुंदर सकाळ पुन्हा।
क्षणांच्या या ओल्या मातीत,
विश्वासाचे बीज रुजवू पुन्हा।
कितीदा नव्याने गुंफून गोष्टी,
मी तिचं स्वप्न पाहतो पुन्हा।
टपोऱ्या चांदण्यातली ती चंदेरी वाट,
चल त्या वाटेवर एकत्र चालू पुन्हा।
नव्या क्षितिजावर नवे आभाळ रंगवू,
सृजनाची कुंचली हातात घेऊ पुन्हा।
रविवार, १९/४/२६, २:१० PM
अजय सरदेसाई – मेघ
Groups audience:
Group content visibility:
Public - accessible to all site users
शेअर करा
