Submitted by Meghvalli on 2 April, 2026 - 04:23
तुझ्या कृपेच्या कथा ऐकल्या मी बहुत,
आज मीही अनुभवला स्पर्श तो अद्भुत।
शब्द माझे हरवले गहिवराच्या प्रवाहात,
कृतज्ञ अश्रू ओघळती शांत ह्या डोळ्यांत।
कसे फेडू दत्ता तुझ्या प्रेमाचे पांग,
करितो प्रार्थना—नित्य ठेवावा संग।
मनपटलावर निर्झरती तुझ्या कीर्तीचे उखाणे,
मन भरून येते आठवून तुझे तराणे।
तुच केली सरस्वती बहाल माझ्या शब्दांना,
केली लय प्रदान माझ्या कवितांना।
ठेव अशीच कृपा नित्य माझ्यावर,
मिळो कीर्ती नि भुक्ती मम कवितेवर।
बीज गीताचे रोवलेस तूच—तूच वृक्ष कर आता,
दत्ता, तव इच्छेविण दुज्या कुणाची काय गाथा।
‘मेघ’ जरी बरसतो धरेवर—जल कोठूनी आणतो?
बाष्प करून देते धरा—तेच तिला अर्पितो।
गुरुवार, २ एप्रिल २०२६ | १:३१ PM
अजय सरदेसाई ‘मेघ’
Groups audience:
Group content visibility:
Public - accessible to all site users
शेअर करा
>>>कीर्तीचे उखाणे
>>>कीर्तीचे उखाणे
हा शब्द आवडला.
शेवटचे कडवे आवडले.
>>>>‘मेघ’ जरी बरसतो धरेवर—जल कोठूनी आणतो?
बाष्प करून देते धरा—तेच तिला अर्पितो।