Submitted by AmeyaRK on 15 March, 2026 - 06:50
माझ्यासाठी तुझे ते गाणे असू दे
सांगायास काही गाऱ्हाणे असू दे
तुझ्यासारखे कैक वेडे इथे रे
मज सारखे काही शहाणे असू दे
नवे यमक काही सुचलेच नाही
जुळलेले शब्द जुने पुराणे असू दे
विरहाचे क्षण आहे मनी पण
आठवणीत चोरून पाहणे असू दे
खरे सुख आहे तुझे तुज पाशी
जरा दुःख गोजिरवाणे असू दे
जीवनास या अर्थ नसेल तरीही
जगायास थोडे बहाणे असू दे
इथे काय सारेच कविवर्य नाही
दोन चार श्रोते दिवाणे असू दे
- अमेय
7387674171
विषय:
Groups audience:
Group content visibility:
Public - accessible to all site users
शेअर करा
>>>>इथे काय सारेच कविवर्य
>>>>इथे काय सारेच कविवर्य नाही
सुंदर आहे हा शेर. दिवाणे हाच शब्द समर्पक आहे.
दोन चार श्रोते दिवाणे असू दे