Submitted by Meghvalli on 24 February, 2026 - 12:01
माझ्यावर प्रेम करू नकोस,
माझ्यासाठी झुरूही नकोस,
मी माणूस बेभरवशाचा आहे,
माझ्यावर भरोसा ठेवू नकोस।
इकडे-तिकडे पाहू नकोस,
भलतीकडेच जाऊ नकोस,
आरशाची नजर लागेल तुला,
इतका शृंगार करू नकोस।
कविता माझी वाचू नकोस,
गझल माझी ऐकू नकोस,
उगाच प्रेम बसेल माझ्यावर,
इतकी गाफील राहू नकोस।
स्वप्नांत माझ्या येऊ नकोस,
हळूच माझे नाव घेऊ नकोस,
मन हे वेडं भुलून जाईल,
इतकं जवळ येऊ नकोस।
माझ्यात मन वळवू नकोस,
हृदय तुझे गुंतवू नकोस,
हा ‘मेघ’ आहेच क्षणभंगुर,
याच्यावर आस लावू नकोस।
मंगळवार, २४/२/२६, १०:०१ PM
— अजय सरदेसाई ‘मेघ’
विषय:
शब्दखुणा:
Groups audience:
Group content visibility:
Public - accessible to all site users
शेअर करा
>>>>मी माणूस बेभरवशाचा आहे,
>>>>मी माणूस बेभरवशाचा आहे,
माझ्यावर भरोसा ठेवू नकोस।
पहीले कडवे वाचून पुढील गाणे आठवले -
इतना ना मुझसे तू प्यार बढ़ा.
कि मैं एक बादल आवारा.
कैसे किसी का सहारा बनूँ.
कि मैं ख़ुद बेघर, बेचारा.
आवडली. फार मस्त आहे.
आवडली. फार मस्त आहे.