अबोला

गरम चहाची वाफ जशी
हवेत विरून जाते,
माझे मनही नकळत मग
तुझ्या आठवणीत हरवून जाते.

रोज तुझ्या एका मेसेजची
आतुरतेने वाट पाहतो,
कधीतरी तू स्वतःहून बोलशील...
इतकीच माफक अपेक्षा ठेवतो.

सखी, का हा दुरावा,
आणि का हा अबोला?
सांग ना, या वेड्याकडून
असा काय अपराध घडला?

निखळ मैत्रीचे ते क्षण
चल, पुन्हा एकदा जपूया,
नात्याची एक नवी परिभाषा
दोघे मिळून लिहूया.

मनामधील या भावनांना
आज वाट मोकळी करून देऊया,
मैत्रीच्या या सुंदर नात्याला
नव्याने नवसंजीवनी देऊया.

जे असतील काही गैरसमज
ते आता विसरून जाऊया,
आणि पुन्हा एकदा चहासोबत
एक नवीन सुरुवात करूया!

© 2026 Arjun (कल्पनेचा कुंचला' ✍️). All Rights Reserved.