दाणा मुठियानू शाक

मुठिया साठी लागणारे सगळे जिन्नस एकत्र करावेत, पिठाला व्यवस्थित चोळून घ्यावेत. आता अगदी थोडे थोडे पाणी घालून घट्ट मळून घ्यावे. पीठ मळताना पाणी अगदी हबका मारत पीठ मळावे. खूप कमी पाणी लागते. आता लगेच ह्याचे गुलाबजाम च्या आकाराचे गोळे करावेत. गरम तेलात हे गोळे एकाच बॅच मध्ये सोनेरी रंगावर तळून घ्यावेत. एवढ्या पिठात वीस गोळे होतात.

आता एका कढईत प्रथम तेल घ्यावे तेल तापले की त्यात जिरे, हिंग, दोन काश्मिरी लाल मिरच्या, आले लसूण पेस्ट घालावी आणि एक मिनिट परतावे. आता त्यात टोमॅटो प्युरी घालावी. आता लगेच हळद, लाल तिखट, धने जिरे पावडर, गरम मसाला, मीठ आणि साखर घालावे. आता झाकण ठेवून तेल सुटेपर्यंत वाफ काढावी. तेल सुटले की त्यात शिजवलेले तुरीचे दाणे घालावेत. तीन वाट्या गरम पाणी घालावे. दोन तीन मिनिट चांगली उकळी आणावी. आता ह्यात ग्रेव्ही मिळून येण्यासाठी कुस्करलेल्या मुठिया घालाव्या आणि इतर मुठिया गोळे पण घालावेत. परत पाच मिनिट शिजवून घ्यावे.