अश्शी थंडी पडलीय

गार गार गार गार गार
गार गार गार गार
गारठले मी, थिजले गं मी
आखडले मी राती
विझले तरी तेवंना कुणी
दिव्याच्या वाती

अश्शी थंडी पडलीय
दवाळी धुक्याची दाट
कुडकुडतंय शहारतंय
कामाला लागलाय नाट ?

पहाटबोचर्‍या गारव्याच्या
दंशानं कडकलं अंग
उठवंना चालवंना
पेटवू कशी हा बंब

भगलुं झालं चुलीवरी
गारढोण पहाटं
बधीरली गाळठली
नाजूक माझी बोटं

उठता बसता चहासाठी
हाकांचा होतो तडका
बर्फाळल्या स्पर्शाचा
आत्यांना द्यावा का चटका

मामंजींना खेकडाभजी
तापंना जराही तवा
आगीचं झालं मुटकुळं
चुलीला वेढलाय गारवा

न्हाऊ कशी सावडू कशी
सडा कसा शिंपडावा
अंगण झालंय काश्मीरवानी
भिजल्या माझ्या खडावा

गार गार गार गार
गार गार गार
गारठले मी थिजले मी
भरून राही गारवा
मरू दे गं
राहू दे गं
कामं रोजची सारी
कडकले आखडले
थरथर सुटली सारी

उठतील नाही तर
बसतील सगळे
गरज आहे त्यांना
कधी तरी मिळेल आयता
चहा मला सासरी
-----
.
.
थंडीनं मीटर हललंय