पाककृती स्पर्धा ३ - ग्लुटनफ्री कटलेट - देवीका

जिन्नसः:
मसाले:
३-४ सुक्या लाल मिरच्या भिजवून( तुमच्या आवडीप्रमाणे तिखटाच्या घ्या),
अर्धा चमचा जीरं पूड भाजून.
पेरभर आलं किसून,
४-५ लसूण पाकळ्या ठेचून.
वरील सर्व वाटून लाल खर्डा तयार ठेवावा.
बुचकाभर कोथिंबीर बारीक चिरून,
४-५ काजू भिजवून,
पाव वाटी खोवलेलं खोबरं
हळद, हिंग रोजचे कलाकार.
बदामाची पूड १ वाटी
४ कच्ची प्लॅन्टेन (वेफर्स्ची केळी),
तळायला तेल

कृती:
केळी धूवून वाफवून घ्यावी बोट चेपी होइपर्यंत. साल सोलून मग कुस्करून घ्यावी.
आता टोपात तेल टाकून तापले की हिंग घालून खर्डा परतावा. मग कुस्करलेली केळी टाकून छान पारतावे. वरून ओलं खोबरं व कोथिंबीर घालून १-२ वाफा काढून गॅस बंद करावा.
मिश्रण थंड झालं की बदामी आकाराचे कटलेट करावे व त्यावर एक काजू खोवुन द्यावा. मग बदामाची पेस्ट करावी पाव वाटी पाणी घालून आणि त्यात कटलेट बुडवून तव्यावर खरपूस तळावे.
त. टी: बदामची पूड नाही लावली तरी चालेल पण एक खरपुस टेस्ट येते. ६-७ मध्यम आकाराचे कटलेट होतात.
हि माझ्या आईची रेसीपी तिच्याच शब्दात लिहिली आहे. ती कच्च्या केळ्याचे वेफर्स,
खालील पदार्थ ती कच्ची केळी वाफवून करते:
तांदूळ-केळे घारगे, बटाटे वड्यासारखे वडे, कटलेट, कोफ्ते, भाजी, भजी , चकली (कच्ची केळी वाफवून) , शेव असे अनेक पदार्थ करते. तेव्हा क्रेडिट तिलाच देते.