शशक २ – नवरे सगळे गाढव – A M I T

"मला वाटले नव्हते, तू कधी असा वागशील! मागे तुझ्यापुढे गीता वाचली होती, तेव्हा तुला ती अख्खी गीता नीटच समजली होती”
गाढवीण आपल्या नवऱ्यावर वैतागली.
"अगं पण हा गुळच आहे."
"पण हा तो गुळ नाहीये, जो मी आणायला सांगितला होता! याची चव त्याच्यापेक्षा वेगळी आहे."
"तुला काय म्हणायचंय; मला चव कळत नाही!"
"नाहीच कळत! मागे मी तुला तुरटी आणायला सांगितली होती, तेव्हा तू खडीसाखर घेऊन आला होतास. खडीसाखर चौकोनी असते अरे!"
"तो कापूर असतो वेडे!"
हे ऐकल्याबरोबर गाढवीण लागलीच कापरासारखी पेटून उठली.
"हे काय आहे मग डाँकीणबाई?" पुढील धोका ओळखून गाढवाने लाडिकपणे विचारले.
"गुळ शब्दातला 'ळ' काढ. तुला तुझं उत्तर मिळेल."