परकीय भाषेतील "हिंदी/मराठी डब" चित्रपट

परकीय भाषेतील चित्रपटांचा मायबोलीवर धागा असावा. पण बरेचदा माझ्यासारख्यांना त्याचा काही फायदा होत नाही. कारण सर्वांनाच परकीय भाषेतील संवाद कळत नाहीत. तसेच चित्रपट बघताना सोबत सबटायटल वाचणे त्रासदायक ठरते. ते देखील बरेचदा इंग्लिशमध्येच असल्याने सर्वांनाच ते कळत नाहीत किंवा पटपट वाचणे जमत नाहीत. त्यामुळे बरेच जण हिंदीमध्ये डब केलेल्या चित्रपटांना प्राधान्य देतात. काही मराठीत देखील असतात. पण त्या डबिंगचा दर्जा तितका चांगला नसल्याने म्हणून म्हणा तितकी मजा येत नाही. सुधारणा झाली तर आवडेल.
असो,

तर अश्या सर्व चित्रपट प्रेमींसाठी हा धागा.

आजकाल ओटीटी किंवा युट्युबवर बरेच चित्रपट हिंदीमध्ये डब केलेले आढळतात. त्यातील आपल्याला आवडलेल्या चित्रपटांबद्दल इथे लिहूया आणि इतरांना सांगूया.

त्याआधी मी हे चित्रपट साधारणपणे कसे वेचतो ते सांगतो.
पहिला मी ट्रेलर बघतो. तसेच कुठला जॉनर नमूद केला आहे ते बघतो. म्हणजे मूडनुसार कुठला चित्रपट बघायचा हे ठरवता येते. उदाहरणार्थ, हलके फुलके बघायचे असल्यास ड्रामा कॉमेडी रोमान्स असले चित्रपट आधी निवडतो. त्यानंतर जे शॉर्ट लिस्ट होतात त्यांचे नाव गुगल सर्च करून त्याचे IMDB रेटिंग बघून घेतो. किंवा बॉक्स ऑफिस रेकॉर्ड बघतो. बरेचदा चांगले मास चित्रपट बॉक्स ऑफिस कमाईवरून कळतात.
रेटिंग आणि बॉक्स ऑफिस कमाई दोन्ही कमी असेल तर सहसा वेळ वाया घालवायची रिस्क घेत नाही. किंवा थोडावेळ फॉरवर्ड करत बघतो आणि नाही आवडल्यास सोडून देतो.

चला, प्रतिसादात सुरुवात मीच करतो.