Submitted by अनन्त्_यात्री on 26 July, 2025 - 09:12
बखरीच्या पानाआड
पाहिले मी क्षणभर
दडपल्या वास्तवाचे
छिन्नभिन्न कलेवर
प्रचलित इतिहास
तुझ्या माझ्या मेंदूतून
अज्ञाताच्या शक्यतांना
टाके पुरता पुसून
जेत्यांचाच इतिहास
रुळे मग माझ्या मुखी
पराजितांचा ठरतो
इतिहास अनोळखी
बखरीच्या पानाआड
वास्तवाचा भग्न गड
त्याच्या झाकल्या गूढाचे
मला भुलवी गारूड
Groups audience:
Group content visibility:
Use group defaults
शेअर करा
अगदी खरं..
अगदी खरं..
छान....
विशेषतः इंग्रजांनी लिहिलेलं कितपत वस्तुनिष्ठ आहे हा प्रश्नच आहे.
बखर वास्तवदर्शी असावी.
छान , वास्तवदर्शी कविता..!
छान , वास्तवदर्शी कविता..!
द. सा., रूपाली धन्यवाद.
द. सा., रूपाली धन्यवाद.