B. Des - डिझाईन इन्स्टिट्यूटची माहिती हवी आहे.

Submitted by प्रज्ञा९ on 16 April, 2025 - 02:55

नमस्कार. माझी भाची यंदा बारावी झाली, रिझल्टची वाट बघतोय आता. तिला डिझाईनमध्ये पुढचं शिक्षण घ्यायचं आहे. ती पुण्यात रहात नाही पण तिने हायब्रिड मोड वापरून पुण्यातल्या प्रसिद्ध "गुरूमंत्रा" क्लासमधून १ वर्षं डिझाईनचा क्लास केला आहे. NID, युसिड, पारुल विद्यापीठ (अहमदाबाद) वगैरे ठिकाणच्या एंट्रन्स एक्जाम्स पणा देऊन झाल्या आहेत. महाराष्ट्र शासनाची यंदाच चालू झालेली डिझाईन सीईटी पण दिली आहे. NID शॉर्ट्लिस्ट नाही झाली पण ऑल इंडिया रँक ३०४ आहे त्यामुळे काही ठिकाणी तिला स्कॉलरशिप मिळण्याची शक्यता खूप वाढली आहे. पण काही गोष्टींचा विचार केल्याशिवाय पुढे जाता येत नाहिये म्हणून धागा काढलाय.
१. तिची तब्येत नाजुक आहे, दम्याचा त्रास तिला अधूनमधोन होतो. त्यामुळे जास्त ताण आला की तिला झेपत नाही.
२. आर्थिक तजवीज केलेली असली तरी MIT किंवा तत्सम संस्थांची फी ४.५ लाख + हॉस्टेल-मेस + प्रोजेक्टसाठी लागणारं सगळं मटेरिअल (जे या कोर्ससाठी चांगल्या दर्जाचं = जास्त किमतीचं) घ्यावं लागतं. त्यामुळे वार्षिक खर्च ७ लाखाच्या वर जातोय. अशी ४ वर्षं.
३. स्कॉलरशिप ही पहिल्या वर्षी मिळताना एंट्रन्स एक्जामच्या मार्कांवर मिळते, पुढे ती फक्त तेव्हाच टिकते जेव्हा तुम्ही तितकं चांगलं पर्फॉर्म करून
फर्स्ट क्लास टिकवता. आजकाल या गोष्टीचा खूप ताण मुलांना येतो आणि हिची तब्येत बघता हे चॅलेंज आहे.
४. एकदा अ‍ॅडमिशन घेतली की स्कॉलरशिप असो किंवा नसो, फी तर ४ वर्षं भरावीच लागेल (यात चुकूनसुद्धा नापास/ year down ही शक्यता अजून गृहीत धरलेली नाही, पण जी दुर्दैवाने अचानक येऊ शकते). अशा वेळी ७-८ लाख खर्च कमी वाटत नाही.
५. हा सगळा विचार करून, जरी चांगला रँक असला तरी बहुतेक पुण्याबाहेर जाता येईल असं वाटत नाही म्हणून पुण्यात D Y Patil Akurdi आणि MIT आळंदी हे पर्याय विचारात घेत आहोत. MIT लोणी खूप छान आहे पण तिथे NID score गृहीत धरत नाहीत त्यामुळे स्कॉलरशिप नाही. आणि फी खूप आहे जी परवडणार नाही हे स्पष्ट दिसत आहे.

मुख्य प्रश्नः D Y Patil आणि MIT आळंदी (MIT WPU कोथरूडसुद्धा विचारात आहे) यांची माहिती इथे मिळाली तर हवी आहे. त्यांच्या प्लेसमेंट्स, चांगल्या कंपन्या येतात का, पॅकेज साधारण किती (यातली काही माहिती वेबसाईटवर आहे), कॉलजात खरंच चांगलं वातावरण आहे का... (खरी चांगली माहिती वेब.वर मिळतेच असं नाही). हे सगळं कळावं अशी अपेक्षा आहे.

विषय: 
कॉलेज
शब्दखुणा: 
डिझाईन
Groups audience: 
माहिती हवी आहे
Group content visibility: 
Use group defaults
शेअर करा

तिला textile किंवा फॅशन डिझाइन मध्ये इंटरेस्ट असेल तर पुण्यात SOFT चा पर्याय आहे.

Submitted by punekarp on 16 April, 2025 - 03:23

एम आय टी आळंदीचे माहित नाही पण भाची लोणीला होती. तिथे मस्त प्लेसमेंट्स होत्या त्या वेळेस (८-९ वर्षांपूर्वी). आळंदी पण चांगले आहे असे ऐकून आहे.

Submitted by माधव on 16 April, 2025 - 05:34

अगदी स्पेसिफिक माहिती नाहीये.
एका ओळखीच्याच्या मुलीने iit जबलपूर येथे डिजाईन साठी ऍडमिशन घेतले आहे.
तिथे खाजगी संस्थे पेक्षा फी कमी असेल.
काही IIT मध्ये डिजाईन dept सुरू झाले आहेत.
Iit pavai मध्येही चेक करा. मुंबई फार लांब नाही.
तुमच्या केस मध्ये बाहेर जाणे हा option बंद आहे म्हणा.
MIT ची स्वतःची एक इन्ट्रन्स टेस्ट असते engg आणि इतर सर्व.
डिजाईन साठी देखील असेल कदाचित.
त्यात चांगला रँक आला तर काही स्कॉलरशिप नक्कीच असते.
त्यांच्या वेबसाईट वर माहिती आहे सर्व.
शुभेच्छा तिला.

Submitted by झकासराव on 16 April, 2025 - 07:11

लांब रहायचे पर्याय इतके पटकन (निरुपाय झाल्यामुळे) सोडून द्यावे लागतील असं खरंतर आम्हालाच वाटलं नव्हतं. तिने iit uceed पण दिली पण मार्क्स कमी मिळाले. इन फॅक्ट, आता पुण्यात जमतील तेवढे पर्याय बघतोय. (बर्‍याच entrance दिल्या तिने आणि जसजसं पुढे जातोय तसतसं वैयक्तिक चित्र स्पष्ट होतंय. )

Submitted by प्रज्ञा९ on 16 April, 2025 - 09:23

नुकतंच SOFT पण बघितलं आहे. तेही चांगलं वाटतंय.
१) चांगली संस्था आणि विषय दुसर्‍या प्रायॉरिटीचा (फॅशन/ ग्राफिक्स हे २ नंबरवर. पहिला नंबर विजुअल कम्युनिकेशन होता)
२) विषय पहिल्या प्रायॉरिटीचा पण संस्था ठीकठाक (म्हणजे अगदी NID-IIT च्या तोलामोलाची नाही)
३) फॅशन साठी जर SOFT मिळालं तर चांगली संस्था आणि सध्या तरी खूप चांगलं वाटलेलं कॉलेज. मग विषय थोडा कॉम्प्रमाईज झाला तरी चालेल..
यातलं काहीही एक निवडणं हे चॅलेंज आहे.
विश्वकर्मा युनिवर्सिटीपण ट्राय करणार आहे. त्यांची एंट्रन्स मे महिन्यात आहे.

(मला यातले डीटेल्स फारसे माहितीच नव्हते. भाची स्वतःच सगळं शोधून शंका आल्या की विचारते)

Submitted by प्रज्ञा९ on 21 April, 2025 - 03:43

भाचीने SOFT ( School of Fashion Technology) ला अ‍ॅडमिशन घेतली, कॉलेज चालू झालंय.
तिला MIT WPU (कोथरूड) ला मिळत होती, पण VC ला नाही आणि मग तिथला मिळालेला विषय तिला अगदीच नको होता. शिवाय फॅशन टेक्नॉलोजी तिला आवडतंच, त्यातून SOFT ला फॅशन आणि MIT ला (कॉलेजचं ब्रॅण्ड नेम पण) विषय कॉम्प्रमाईज यातून तिने तिचा आवडीचा विषय निवडला आणि सॉफ्ट अर्थातच मस्त पर्याय आहे.

इथल्या सगळ्यांचे आभार, चांगली माहिती मिळाली.

Submitted by प्रज्ञा९ on 9 July, 2025 - 03:31

माझ्या मुलाने यावर्षी MDes (Industrial Design) साठी IDC, IIT मुंबई येथे ऍडमिशन घेतली आहे. त्याला NID DAT मध्ये AIR 01 मिळला होता. त्याने NID अहमदाबाद मध्ये प्रॉडक्ट डिझाईनमध्ये ऍडमिशन सुद्धा घेतली होती. काही दिवसांनी त्याची निवड CEED स्कोअर च्या आधारे IIT मुंबई येथे झाली. सरकारी संस्था असली तरी NID ची भलीमोठी फीस, हॉस्टेल, मेसची सुविधा नसणे, स्टायपेंड नसणे आणि इतर बाबी पाहता त्याने IIT मुंबईची निवड केली आहे. तो मेकॅनिकल इंजिनिअर असल्याने NID च्या अभ्यासक्रमापेक्षा त्याला IIT चा अभ्यासक्रम अधिक जवळचा वाटला. तसेच अहमदाबादच्या तुलनेत मुंबईचे इंटरनॅशनल एक्सपोजर, प्लेसमेंटसाठी येणाऱ्या ग्लोबल टेक कंपन्या, पॅकेज, आणि IIT मुंबईच्या माजी विद्यार्थ्यांचे ग्लोबल नेटवर्क हे मुद्दे NID ऐवजी IIT ची निवड करण्यासाठी अधिक प्रभावी ठरले. शिवाय त्याला IIT मध्ये मिळणारे एकूण स्टायपेंड आणि तिथली फीस पाहता त्याचे शिक्षण जवळपास फुकट होणार आहे. या विषयी काही first hand information हवी असेल तर त्याच्या वतीने देण्याचा मी प्रयत्न नक्की करेन.

Submitted by सदानंद कुलकर्णी on 9 July, 2025 - 09:06

NID DAT मध्ये AIR 01 मिळला होता.>>> खूपच मस्त! तुमचं सगळ्यांचं अभिनंदन!

या विषयी काही first hand information हवी असेल तर त्याच्या वतीने देण्याचा मी प्रयत्न नक्की करेन.>>> थँक्यू! काही माहिती हवी असेल तर मी विचारीन नक्की.
तुमच्या मुलाला पुढच्या वाटचालीसाठी मनापासून शुभेच्छा.

Submitted by प्रज्ञा९ on 9 July, 2025 - 09:47

It is really a very big achievement...
त्याचे आणि पालक म्हणून तुमचे पण अभिनंदन

Submitted by धनवन्ती on 9 July, 2025 - 10:35

NID DAT मध्ये AIR 01 मिळाला होता.> अरे व्वा!!! अभिनंदन आणि पुढील वाटचालीसाठी हार्दिक शुभेच्छा. Happy

Submitted by प्राची on 9 July, 2025 - 13:33

हवी तेथे अ‍ॅडमिशन मिळाल्याबद्दल मुलांच अभिनंदन. पालकांचपण अभिनंदन. पुढील यशासाठी बेस्ट विशेस.

Submitted by आर्च on 9 July, 2025 - 14:53

हवी तेथे अ‍ॅडमिशन मिळाल्याबद्दल मुलांच अभिनंदन. पालकांचपण अभिनंदन. पुढील यशासाठी बेस्ट विशेस.

Submitted by सामी on 14 July, 2025 - 05:12

सर्व पालकांचे आणि पाल्यांचे अभिनंदन.

>>> SOFT ( School of Fashion Technology)

माझी एक केरळी भाडेकरू मुलगी होती. तिने Institute of Fashion Technology Kerala मध्ये पदवी घेतली होती आणि हैद्राबादेतील एका तयार कपड्यांच्या कंपनीत कामाला लागली होती. तिच्या मते Fashion Technology हे खूप चांगले करिअर आहे.

Submitted by वामन राव on 14 July, 2025 - 05:24