अंत: अस्ति प्रारंभ: २: ब्लाईंड डेट - ऋन्मेऽऽष

ब्लाईंड डेट!
-.-.-.-.-.-.-.-.-.-.-.-
आजूबाजूला बहरात आलेले प्रेमी युगुलं काय करताहेत यावर तिने एक नजर टाकली...

आणि कोल्ड कॉफी ऑर्डर केली.

याने पाण्याचा घोट घेऊन बोलायला सुरुवात केली.

नाव-गाव-फळ-फुल

ती मन लावून सँडविच खाताखाता त्याचे बोलणे ऐकत होती.

"धनुष्यबाण की कमळ?" .. त्याने तिचा कल चाचपायला विचारले.

त्यावर तिने "हात" दाखवला....
वेटरला!

"आयपीएल बघतेस?" तो तिची आवड जाणून घ्यायच्या प्रयत्नात..

"इंडिया खेळत असेल तरच..." ती बाटलीत बुडबुडे सोडत उत्तरली.

त्याने डोक्यावर हात मारला

"तुला शाहरूख आवडतो??"
काहीतरी जुळावे...

तिने फ्राईजचा बकाणा तोंडात कोंबला आणि म्हणाली,

"कॉन शॉहोरूख???"

आणि त्याचा उद्रेक झाला!
कानठळ्या बसवणाऱ्या आवाजात तो गरजला...

खाण्यासाठी जन्म आहे का बयो...

मग काय,

दोघेही मुसळधार पावसात होते,
पण....

बरोब्बर.. कोरडेच