शब्दरूप आले, मुक्या भावनांना..

मला आरसा दाखवलाय तुम्ही

मस्त मस्त! काही थेट रिलेट झाले, तर काही आजूबाजूला पाहिले आहे

दुकानातले वर्णन रिलेट झाले कोणी अवाजवी अटेंशन दिले की अवघडल्यासारखे होते हे खरेच आहे. पण लहानपणापासून पुण्यातील दुकानांचा अनुभव असल्याने ही आहे.

बाईक रॅलींत, मिरवणुकांमध्ये नाचत ओरडत चाललेले लोक बघून यांना फक्त आश्चर्य वाटतं >> यात "पार्टी डान्स"ही अ‍ॅड करा फार पकवतात लोक. ज्यांना नाचणे म्हणजे आपण काहीतरी जागतिक दर्जाची एन्जॉयमेण्ट करत आहोत असे वाटते त्यांनी खुशाल नाचावे. बाकीच्यांना बोलावू नये.

बाकी फार थेट रिलेट नाही झाले पण तसेही लोक पाहिले आहेत. चपखल वर्णन आहे

मस्त लिहिलंय. हे अंतर्मुख/बहिर्मुख बरेचदा भवतालच्या परिस्थितीवर अवलंबून असतं असं मला वाटतं. काही सर्कल्समध्ये कंफर्टेबल वाटतं, काही सर्कल्समध्ये वेळ मारून नेता येते, इतकंच.

“ज्यांना नाचणे म्हणजे आपण काहीतरी जागतिक दर्जाची एन्जॉयमेण्ट करत आहोत असे वाटते त्यांनी खुशाल नाचावे. बाकीच्यांना बोलावू नये.” - +१ फा. खायचा, ‘प्यायचा’ आणि नाचायचा आग्रह कुणीही कुणालाही करू नये.

काही गोष्टी रीलेट झाल्या. छान लिहिलं आहे.

पूर्ण अंतर्मुखता ते पूर्ण बहिर्मुखता या स्पेक्ट्रमवर मध्ये वेगवेगळ्या ठिकाणी आपण बहुत करून असतो. त्यात परिस्थिती, कालपरत्वे इकडे तिकडे शिफ्टही होत असतो. सर्व लक्षणं सर्वांमध्ये असतीलच असं नाही.

खायचा, ‘प्यायचा’ आणि नाचायचा आग्रह कुणीही कुणालाही करू नये >> +१. यात नाचणे हा आग्रह एखाद्याला आवडणार नाही हे अनेकांना पचनी पडत नाही. माणूस आहे म्हणजे नाचणारच हे श्वास घेण्याइतकं गृहीत धरतात ते.

मस्त.

आवडलं.

बरंच रिलेट झालं….

मला आजकाल कोणी घरी जेवायला वगैरे बोलावलं, किंवा घरी कोणी येणार आहे म्हंटलं की स्वतःची मानसिक तयारी वगैरे करावी लागते…..

खूपच छान..
मी ambivert आहे.. सगळे मुद्दे पटले..
बरेचसे मुद्दे relate झाले..

छान लिहिलं आहे.
वरच्या अनेकांसारखंच, काही मुद्दे रिलेट झाले, काही आजूबाजूला पाहिलेत. कायदेशीर नातेवाईकांच्यात वावरताना तर फारच दडपण येतं हसतमुखाने औपचारिक बोलण्याचं.

आपण अंतर्मुख असलो तर आजूबाजूला बहिर्मुख माणसं असलेली बरी असतात मात्र. कुणीच काही बोलत नसेल तर उगाचच तणावपूर्ण वाटायला लागतं वातावरण.

कायदेशीर नातेवाईक >> in laws साठी हा मजेशीर शब्द आजच ऐकला.

यातला 2 नंबरचा पूर्ण मुद्दा आणि 1 नंबर च्या तिसऱ्या परिच्छेदाशी पूर्ण सहमत.
(मोबाईल नोटपॅड आणि माईंड अल्कोव्ह नावाचं ऍप मीपण खूप वापरते.)
असे लोक असतात खरे जगात.पण पीअर प्रेशरखाली त्यांनाही हळूहळू बदलावं लागतंच.

कायदेशीर नातेवाईक >>>

पण अशा लोकांचं पडद्याआड चालणारं एक मोठं जागतिक संघटन असतं. गुपचूप काम करत राहणारं एक व्यापक जाळं असतं. तर आपल्यात ही फंदफितुरी करणारा गद्दार कोण आहे, याचा अंतस्थ तपास बिपास चालू व्हायचा संघटनेकडून. आणि ते काय माझ्यासाठी इष्ट होणार नाही. >>>

मला ते अंतर्मुख्यांच्या नेत्याला एका अंतर्मुख्यानेच दिलेले उत्तर आवडले

कधीकधी बरीच लीडरगिरी/मॅनेजरगिरी करत असल्याने कुतूहल म्हणून एक पुस्तक घेणार होतो - अ‍ॅमेझॉनवर सापडले होते: The Introverted Leader. त्याचे रिव्यूज वाचले. मला वाटले होते की अंतर्मुख लोकांची (असलीच तर) जी काही बलस्थाने असतील त्याचा वापर करून लोकांचे नेतृत्व कसे करायचे असे काहीतरी असेल. म्हणजे तुमचे व्यक्तिमत्त्व मुळात "फादर फिगर" म्हणतात तसे नाही - हरकत नाही. तुमचे बोलणे अगदी गोडाउन मधला पीटर व त्याची गँग नाही, तरी किमान तीस चाळीस सभ्य सुशिक्षित लोकांच्या गलबला चाललेल्या मिटिंग मधे त्यांना क्षणार्धात गप्प करून आपले बोलणे ऐकायला लावेल असे बच्चन स्टाइल "बॅरिटोन" वगैरे नाही - हरकत नाही. चार अनोळखी लोकांच्या संभाषणात घुसून त्यांना कालचे बार-बे-क्यू, नुकतीच केलेली क्रूझ, कॅम्पिंग किंवा जनरल वाइनमेकिंग याबद्दल बोलण्यात तुम्हाला बिलकूल इंटरेस्ट नाही - आणि सर्वात महत्त्वाचे म्हणजे हे सगळे तुमच्या चेहर्‍यावर व बॉडी लँग्वेज मधे दिसते - तरी नो फिकीर - असे ठासून लिहीले असेल. असे लिहीले असेल, की तुमची बलस्थाने ओळखा व ती वापरा. कोणतेही काम पूर्ण करायला त्याचा गाजावाजा करण्याइतकेच किंवा त्यापेक्षा जास्त ते शेवटपर्यंत नेण्याचा ध्यास घेतलेले आणि पडद्यामागे राहायला आवडणारे/चालणारे लोक लागतात. ते तुम्ही व्हा - वगैरे वगैरे. पण या रिव्यूज मधे असे कळाले की तो महान लेखक की लेखिका अंतर्मुख लोकांना बहिर्मुख होण्याचा सलला विविध प्रकारे देण्याव्यतिरिक्त यात फारसे काही सांगत नाही. तेव्हा नाद सोडून दिला. हे म्हणजे पार्टीत नाचणार्‍याने नाचण्यात बिलकूल इंटरेस्ट नसणार्‍याला नाचायला बोलावण्याचाच प्रकार आहे.

बाय द वे अंतर्मुख लोकांनाही आपण भलतेच सोशल आहोत असे वाटायला लावणारेही लोक असतात. माझ्या आधीच्या ऑफिसमधे एकजण होता. ऑफिसमधे कधी कॉरिडॉरमधे किंवा इतरत्र तो समोर आला आणि आपण "हाय" केले किंवा मानेने नॉड केले की तो आपल्याकडे स्पेसिफिकली बघायचा नाही - तो कोणाच्याही नजरेला नजर देऊन क्वचितच बघायचा. तो जेथे ऑलरेडी बघत असेल तेथेच मान उडवून आपली सलामी स्वीकारायचा. ते नॉड करणे आपल्याकरता होते हे आपण समजून घ्यायचे

कायदेशीर नातेवाईक हा शब्द माझा नाही आंतरजालावर वाचलेला आणि आवडलेला आहे.

मस्त लिहिले आहे . रिलेट झाले .

द्रविड आणि शोएब अख्तरचा पॅरा विशेष आवडला

लिखाण खुसखुशीत आहे.
सहावा पॅरा आवडला.
फारएण्डशी बर्‍याच प्रमाणात सहमत.

सही आहे.
मी introvert होतो आता ambivert झालोय.
दुसऱ्याला आपला त्रास नको, त्यानेही देउ नये अशी माफक इच्छा असणे हे ही एक लक्षण म्हणावे काय?

मस्तच भट्टी जमली आहे. तुमची निरीक्षण शक्ती जबर आहे. वाचताना हसू आवरत नव्हते. अर्ध्याहून अधिक ठिकाणी ती मीच आहे असं ही वाटलं. असो.

कायदेशीर नातेवाईक >> in laws साठी हा मजेशीर शब्द आजच ऐकला. Lol >> आणि त्याचा माबो शॉर्ट फॉर्म काना .

काना शब्द टीपापा, जर्सी बाफ वर खूपच प्रचलित होता एकेकाळी.

छान लेख. मला पण लोकांशी बोलायचे, मिस ळायचे फार टेन्शन येते. दुसृयांच्या घरी राहायला तर आजिबातच आवडत नाही. आता तर इंट्रोवर्ट पणा इतका वाढला आहे की घरात दोन प्रशस्त बेडरुम आहेत पण तिथे ही कामा शिवाय जात नाही. ड्रोइन्ग रुम मधला सोफा बरा आणि फोन . अधून मधून जनसंपर्क ठेवायला पेपर रोज वाचते त्यातही लोकांचे व्यापार, फसवणूकी, नाहक दुसृयांच्या चुकीने नाही तर अपघातात वारलेले लोक मुले तरुण ह्यांचे वाचून एक प्रकारचे खिन्नच वा टते. नव्या प्रकारच्या सायबर फ्रोड वगैरेची माहिती मिळते. पिंक पेपर्स इन्वेस्ट मेंट साठी.

डिलिव्हरी घेउन येणारांना पाणी विचारणे व थेंक्यु म्हण णे इतके मात्र करते. स्वतःच्या अवकाशात फिजिकल व मेंटल/ इमोशनल कोणाचाही चंचु प्रवेश सहन होत नाही.

मस्त लिहीलंय. दुकानाचा मुद्दा अगदीच रिलेट झाला. सेल्समननी उगाच खूप बडबड करून आपली विचारशृंखला तोडू नये असं मला वाटतं. 'मला काय हवंय ते नाही सापडलं तर मी विचारते तुम्हाला, तुम्ही मला छळू नका' असं माझं मत आहे. आणि दुकानात खूप वेळ रेंगाळायला पण आवडत नाही. आता मॉल मधे वेस्टसाईड टाइपची दुकानं असतात तिथे कोणी असा त्रास देत नाही तर मला तिथे खरेदी करायला आवडते.

हे सगळे मुद्दे लागू होतील अशी काही लोकं आहेत ओळखीत. परफेक्ट वर्णन केलं आहे.

काउंटरवरच्या सेल्समननं कितीही वेळा मोबाईल नंबर मागितला तरी हे मख्खपणे नकारार्थी मान हलवत राहतात. >>> हा लेख आल्यापासून यावर खूपदा लिहावंसं वाटलं, पण दोस्ती बनी रहे म्हणून लिहीले नाही.

पण इतक्यातच मला एक फोन कॉल आला. पहचाना क्या, बस क्या , आवाज नही ना पहचानी असे करत करत बोलता बोलता त्याने १९ हजारच्या दोन ट्रॅन्झॅक्शन्स केल्या. त्याने आधी ओळख आहे असे दाखवत मुलाला इमर्जन्सी पैसे हवेत तो फोन करेल म्हटल्यावर मी गुगल पे अकाउंट नाही असे सांगितल्याने त्याने एन ई एफ टी केलं. मलामेसेजेस आले होते. मग बॅंकेला फोन करून आवश्यक त्या स्टेप्स घेतल्या आणि अकाउंट सुरक्षित केलं.

तर मोबाईल नंबर न देण्याचं सर्वात महत्वाचं कारण सुरक्षितता हे आहे. मी आयटी क्षेत्राशी संबंधित नसल्याने हॅकिंग वगैरे माहिती नाही. पण डेटा कसा जमवतात याचे साधारण मार्ग माहिती आहे. त्यामुळे मॉलमधे मागे लागणारे सर्व्हे वाले , कार्ड हवे का विचारणारे यांना टाळतो. त्यांच्याकडे फॉर्म भरला रे भरला कि संध्याकाळी किंवा फारतर दुसर्‍या दिवशी एखाद्या मुलीचा फोन आलाच म्हणून समजा. तुम्हाला बक्षीस लागलेय. जे एम मॅरीएटला संध्याकाळी सहा वाजता मिसेस ला घेऊन या. येताना क्रेडीट कार्ड घेऊनच या असा प्रेमळ आग्रह असतो. दोन वेळा गेलो होतो तेव्हां एकदा चमचा सेट आणि एकदा कुत्र्याला खायला घालायला प्लेट मिळाली होती. तिचा उपयोग झाला.

इथे संदर्भ वेगळा आहे हे माहिती असूनही अगदीच राहवले नाही.
हल्ली तर कार, बाईक बघायला वेळ काढून गेलंच तर आधी फॉर्म पुढे करतात. हा डेटा नंतर विकतात. त्यांना इंटरेस्ट त्यांचं प्रॉडक्ट दाखवण्यात आहे कि आपली माहिती विकत (फुकट घेऊन विकण्यात) आहे ?

अनोळखी नंबरचा हा प्रताप.
माझ्या एका सहकार्‍याला एकदा बँकेतून बोलतेय म्हणून एका मुलीचा फोन आला होता. तुमच्या मुलीला चेन्नईत कार्ड इश्यू झाले आहे, कन्फर्मेशन कॉल आहे. पत्ता पुन्हा एकदा सांगा. तर तो सहकारी म्हणाला कि माझी मुलगी घरात भांडण करून निघून गेली आहे , तिलाच विचारा.
मी म्हटलं काय सर ,काय झालं ?
तर तो म्हणाला," माझी मुलगी चेन्नईला कधीच गेलेली नाही. तिच्या नावावर पेट्रोल घेतलं, दागिने घेतल्याचे स्टेटमेण्ट येतंय. हे कार्ड तिचं नाहीच" आपण जी कागदपत्रं हजार ठिकाणी देतो त्याचा उपयोग करून ड्युप्लीकेट सीम कार्ड बनवून कार्ड घेतलं होतं.
सावध असावं लागतं.....

सॉरी या धाग्यावर रसभंग केल्याबद्दल.
पण अज्जिबात राहवलं नाही.

आवडीचा विषय! उद्या लिहिते.
तुर्तास या संबंधी फेबुवर गौरी साळवेकर यांची पोस्ट वाचनात आली. ती पण खूप आवडली.

बडी_ नोबडी (रिपोस्ट) आपल्या समाजाची एक गंमत आहे. आपण कधीच कोणत्या गोष्टींच्या खोलात जात नाही. निरीक्षण, अभ्यास न करताच ,त्या विषयाचा वेगळा अँगल असेल हे लक्षात न घेता आपली ठाम मतं बनवतो. त्यातूनच अनेक concepts ची सरमिसळ किंवा गल्लत करताना आपल्याला त्याची जराही जाणीव नसते.
कुठल्याशा शाळेत बडी बेंच ही संकल्पना असल्याचं वाचलं. संकल्पना उत्तम आहे यात वाद नाही.पण ती उत्तम कोणासाठी आहे याचा विचार केलात तर लक्षात येईल की जी मुलं बहिर्मुख आहेत ,ज्यांना माणसं अवतीभवती लागतात त्यांना याचा उपयोग होऊ शकतो पण जी मुलं अंतर्मुख आहेत ,ज्यांना एकटं राहायला आवडतं त्यांना असाच एखादा कोपरा चित्र काढायला, रेघोट्या मारायला, काहीतरी वाचायला उपलब्ध करून दिला तर? ही मुलं देखील आनंदाने आपल्या कोषात जातील आणि मग बाहेर येऊन मित्रांमध्ये मिसळतील. आपल्या समाजात अंतर्मुख असणं हे जणू विकृतीचं लक्षण मानलं गेलं आहे .आणि काहीही करून ही 'विकृती' घालवायचीच असा पण करून लोकं अंतर्मुख व्यक्तींना 'जरा लोकांमध्ये मिसळत जा, थोडं सोशल व्हायलाच हवं, असला घुमेपणा काय कामाचा' असं म्हणून ओढून ताणून नव्या ठिकाणी, गर्दीत ,समारंभात घेऊन जातात. याचं कारण असं की आपण व्यक्तिमत्त्व (पर्सनॅलिटी) आणि व्यक्तित्व/पिंड/ चरित्र (कॅरेक्टर) यात केलेली गल्लत.

एखादया व्यक्तीचा मूळ पिंड कसा आहे याबद्दल असलेलं अज्ञान! आणि हो ,हे आपला मेंदू जन्मतः ठरवतो की आपण अंतर्मुख आहोत की बहिर्मुख! हा स्वभाव नसून एक जन्मजात वैशिष्ट्य आहे. आपण पहिल्या गोष्टीवर नितांत कष्ट घेतो कारण ' वक्तृत्व ,संभाषणकला,लोकं जोडता येणं हे सर्वोत्तम कौशल्य आहे हे सगळ्या सेल्फ हेल्प ,मोटीवेशनल पब्लिकने आपल्या मनावर यशस्वीपणे बिंबवलेलं असतं. सतत आपले विचार मांडत राहणं ,लोकांची मतं जाणून घेण्यासाठी जिवाचं रान करणं, यशस्वी होण्यासाठी बोलता येणं, लोकांमध्ये आपली छाप पाडता येणं अत्यावश्यक आहे या भावनेने आपल्यातील बहुतांश जण पछाडलेले असतात. अर्थात तुमच्या व्यवसायाची ती गरज असेल तर तुम्हाला टाइम बीइंग ते यायलाच हवं

पण ते आयुष्य जगण्याचा निकष होऊ शकतं का याचा विचार करता काही गोष्टी लक्षात घ्याव्या लागतील अनेकदा मी एखादया कार्यक्रमाला तासभर गाडी चालवत जाते आणि गेल्यावर दहाव्या मिनिटाला तिथून बाहेर पडते. I don't miss calls I stare at them! कित्येकदा मी लोकांना भेटायला अनुत्सुक असते किंवा चक्क टाळते. पण एखाद्या प्रकाशनाच्या कार्यक्रमात मला 500 लोकांसमोर बोलण्याची वेळ आली तर ती मी कोणत्याही अडथळ्यांशिवाय सहज निभावून नेते. मला माणसं नको वाटतात. इतकंच काय सकाळी आठ नऊ वाजेपर्यंत कुणाशी बोलणं ,संगीत किंवा गाणी ऐकणंदेखील नको वाटतं! पण जेव्हा ऑफिसमध्ये जर सकाळी 8 वाजता मिटिंग असेल तर तिथे मी आपोआपच लीड घेतलेला असतो. ज्या व्यक्तींशी माझे सूर जुळतात त्यांच्याशी मी भारंभार बोलत नसले तरी ही लोकं मला माझ्या आयुष्यात नेहमी हवी असतात. सोशल मीडियावर बऱ्यापैकी सक्रिय असण्याचं कारण इथे लोक तुमच्या वैयक्तिक आयुष्यात हजर नसतात! ही स्पेस जपली जाते.त्यामुळे इथे संवाद साधतानाही मी तशी एकटीच ,माझ्या कोषात असते. तरीही इथे किंवा wa वर कोणत्याही ग्रुपमध्ये मी ऍडजस्ट होऊ शकत नाही कारण त्यात मी रमू शकत नाही माझ्या व्यक्तिमत्वातील हा विरोधाभास कित्येकांना त्रासदायक वाटतो. पण त्याला मी काही करू शकत नाही कारण ती त्यांची अडचण आहे माझी नव्हे.

गर्दीच्या ठिकाणी जाणं टाळून, एकटं फिरायला ,ट्रीपला,शॉपिंगला ,इतकंच काय एकटं जेवायला जाणं हा प्रकार अनेकांना विचित्र वाटला तरी तो मला नितांत आनंद देणारा आहे. एखादया व्यक्तीशी मी सुरुवातीला फोनवर बोलताना व्यवस्थित बोलेनही पण नंतर मला कंटाळा येतो. अगदी मेसेजमध्ये भारंभार बोलणाऱ्या लोकांना देखील माझा लांबूनच नमस्कार असतो. एका पॉईंट नंतर ,माझे पेशन्स संपल्यावर त्यांना माझ्या आयुष्यात कोणताही ऍक्सेस मी देऊ इच्छित नाही. आणि विचित्र वाटलं तरी याचं कारण 'खूप बोलते/ खूप बोलतो' हेच असतं. याचं कारण मी कुणीतरी ग्रेट आहे असं नसून , मला बहिर्मुख लोकांपेक्षा वेगळे stimuli लागतात इतकंच आहे.

एखाद्याच्या बाबतीत मोठ्या आवाजातील संगीत,गाणी ,हसणं खिदळण , मित्रमंडळी , गेट together, परफ्युम हे एक catalyst ठरतील ;पण अंतर्मुख लोकांच्या बाबतीत हेच घटक त्रासदायक ठरतील. अनेकांना लोकांना स्वतःहून भेटायला आवडतं. ते चूक आहे असं अजिबात नाही. पण त्या व्यक्तीचा पिंड हा अंतर्मुख नक्कीच नसतो. थोड्याफार प्रमाणात आपण सगळेच Ambivert म्हणजे दोन्ही स्वभावाचे मिश्रण असणारे असलो तरी यातला कोणतातरी एक ट्रेट आपल्यात प्रबळ असतो. टोकाचा अंतर्मुख किंवा पराकोटीचा बहिर्मुख माणूस 'नॉर्मल' मध्ये येत नाही. जस्ट राईट- ना कमी ना जास्त या मात्रेत अंतर्मुख व बहिर्मुख लोकांना वेगवेगळ्या stimuli ,catalystची गरज असते. पण हे लक्षात न घेता आपल्याकडे अंतर्मुख लोकांना बहिर्मुख लोकांच्या पंक्तीला बसवण्याचा त्रासदायक उद्योग लोक समाजसेवा म्हणून करत आले आहेत. राहता राहिला प्रश्न आत्मविश्वास असण्याचा.

तर बहिर्मुख लोकांत आत्मविश्वास ठासून भरलेला असतो हे जसं एक मिथक आहे तसंच अंतर्मुख लोक मुखदुर्बळ असल्याने त्यांचं आयुष्य अवघड आहे,ही देखील एक अंधश्रद्धाच ! Character या घटकावर आपण कामच करत नसल्याने अमेरिकेत महामंदीच्या काळात ज्या सेल्फ हेल्प लेखकांनी अनेक तात्पुरते तोडगे सांगितले त्याला आपण वेदमंत्राइतकं पवित्र समजून बसलो आहोत वास्तविक या लेखकांनी ,लोकांना पद्धतशीरपणे वेड्यात काढलं, बक्कळ पैसा कमावला आणि हीच माहिती( याला ज्ञान म्हणवत नाही) जगभर पसरवली.

आपल्या व्यक्तित्वाचा पाया ,सॉलिड रॉक कसा असायला हवा यापेक्षा वर दिसणारा डोलारा कसा आहे यातच आपल्याला जास्त रस. असं म्हणतात की मूर्ख लोक अनोळखी लोकांशी ,गर्दीत भडाभडा बोलतात आणि आपल्या जवळच्या लोकांशी अंदाज घेत घेत बिचकत बोलतात आणि शहाणी लोक बाहेरच्या अनोळखी लोकांशी, गर्दीशी अंदाज घेत घेत बिचकत बोलतात आणि जवळच्या लोकांजवळच आपलं मन मोकळं करतात. हे सहज आठवलं म्हणून लिहिलंय ,लगेच बहिर्मुख मूर्ख व अंतर्मुख शहाणे अशा पट्ट्या चिकटवू नयेत अनेकदा हे उलट देखील असतं मी वर म्हटल्याप्रमाणे व्यक्तीच्या character वर ते अवलंबुन आहे. असो बडी बेंचच्या निमित्ताने जे आठवलं ते लिहिलं - गौरी

अंजली_१२ : छान आहे पोस्ट. आवडली.

सुंदर लेख आहे, अंजली_१२.

अंजली_12, पोस्ट आवडली. हे सगळं खूप रिलेट होतंय. माझ्यासारखे बरेच जण असतात/आहेत हे पाहून एक टोचणी कमी झाली

छानच पोस्ट आहे अंजली.

अनोळखी ठिकाणी नंबर वरून आठवले.
शाईन.कॉम वर कधीकाळी प्रोफाइल बनवले होते.किवर्ड पण नीट दिले होते.पण फारच वेडेबागडे जॉब ओपनिंग यायला लागले.प्रोफाइल डिलीट करावं म्हटलं तर डिलीट चा ऑप्शन नाही, ते त्यांना मेल लिहून करावं लागतं.cv डिलिटावा म्हटलं तर आधी नवा चढवावा लागतो मग जुना डिलीट करता येतो.मग वाणसामानाची यादी cv म्हणून चढवली तर 'इथला नंबर नाव आणि तुम्ही दिलेलं नंबर नाव मॅच होत नाही'म्हणून तो चढेना.मग शेवटी काहीतरी वेडंबागडं नाव दिलं, नंबर डिलीट करता आला नाही कारण नवा चढवावा लागतो ते करायला otp म्हणजे खरा खरा चढवावा लागतो.खोटा 000000000 किंवा 99999999 चालत नाही.शेवटी त्यातल्या त्यात जमेल ती माहिती डिलीट केली, खोटी लिहिली आणि त्यांना मेल लिहून प्रोफाइल डिलीट करा सांगितलं.एकंदर शाईन.कॉम शी घरोबा केल्यास काडीमोड घेण्याचा सहज ऑप्शन नाही.नाते जोडताना विचार करा.

अंजली छान post..
आता मला शंका आहे की मी खरंच अंतर्मुख आहे की बहिर्मुख.
.
मी basically moody /लहरी आहे. मला वाटलं तर बडबड करेन नाहीतर शून्यात नजर लावून बसेन.
त्यामुळे बरेच गैरसमज होतात.
मुलगी शिष्ट आहे हा common शेरा!