घरमालक डिपॉझिट परत करत नसल्यास काय करावे?

रिया, बिग हग.
डॅमेज दाखवून डिपॉझिट न देण्याच्या केसेस खूप आहेत.कदाचित डॅमेज 50के चे नसेल पण.त्याने हा मुद्दा आतापर्यंत नाही सांगितला म्हणजे त्याने पण कोणाचा तरी सल्ला घेऊन आता सांगितला.

ओल आलेली त्याचे फोटो काढून त्याला पाठवायला हवे होते. असो. आता सगळं त्या माणसाच्या तथाकथित चांगुलपणावर आहे. शक्य असल्यास त्या नवीन भाडेकरूंना ह्याबाबत अवगत करा, म्हणजे किमान त्यांना तरी पुढे असा त्रास आणि मनस्ताप सहन करावा लागू नये

लिकेज आहे तर तो बांधकामाचा दोष आहे. त्याचा ठपका भाडेकरूवर ठेवता येतो का? तुमच्या वकिलाने हा मुद्दा नाही काढला?

पण हा माणुस कसा आहे ते कळले. हे नाही तर दुसरे काही काढेल. किती लढा द्यायचा, मनस्ताप किती सहन करायचा हा ज्याचा त्याचा प्रश्न आहे तेव्हा आता तुम्ही काय करावे याबद्दल फुस देणार नाही, शेवटी तुम्हाला निस्तरावे लागेल, खर्च करावा लागेल.
मनस्ताप करून घेऊ नका एवढेच सांगतो.

आई वडिलांना त्रास देऊ शकत नाही. ...... १.
हे जास्त महत्त्वाचे आहे.
वाईट अनुभव आहे.
वर बिल्वाने म्हटल्याप्रमाणे त्या मुलाच्या आईला आणि आता जे भाडेकरु राहतात त्यांना फोन करून ही परिस्थिती सांग.

माझा अनुभव फार वेगळा आहे.भाडेकरूनी आमची 2 लाकडी कपाटे (जी नवीन होती) आतल्या बाजूने स्कू ड्रायव्हरने जोडून ठेवली होती.आतल्या दारांचा उपयोग मुलांसाठी ब्लकबोर्डसारखा केला होता.माझा मुलगाही तेव्हा लहान होता,पण त्यानेही कधी असे केले नव्हते.त्यांचे deposit देऊन टाकले होते.

50 K चे काय damge आहे?
आधी का नाही बोलला?
प्रूफ काय आहेत?

असो जास्त मनःस्ताप नकोच ह्या गोष्टींमुळे
आपले कष्टाचे पैसे कुठेतरी हरवले आणि एक अनुभव विकत घेतला असे समजायचे.

लिकेज आहे तर तो बांधकामाचा दोष आहे. त्याचा ठपका भाडेकरूवर ठेवता येतो का? तुमच्या वकिलाने हा मुद्दा नाही काढला? >> जनरली बरोबर आहे. पण घरमालक म्हणू शकतो की हे राहात असताना लीक होऊ लागले व यांनी वेळेवर कळवले नाही. तसे काही प्रूफ नसेल तर तो हे क्लेम करेल.

मात्र एक महिन्यात तुम्हाला डिपॉझिट परत मिळाले नाही व ते का दिले नाही याची कारणेही दिली नाहीत - यावरही एखादा वकील केस करू शकतो. म्हणजे तुम्ही नुकसान केले असेल तर घराचा ताबा सोडल्यावर त्याने ते लेखी द्यायला हवे (किंवा इलेक्ट्रॉनिकली). भारतातही याला काही कालावधी असेल. वकिलाला माहीत असेल.

दुसरे म्हणजे त्या कामाला ५०,००० लागले, आणि मुळात ते काम केले गेले याच्या पावत्याही वकील मागू शकेल.

एखादा तयार वकील यातून बरीच खुसपटे काढू शकेल. पण वरच्या काही पोस्ट वाचता आई-वडिलांना त्रास होऊ नये म्हणून तुला त्याचा पाठपुरावा करण्यात रस नाही असे दिसते. तरीही वैयक्तिक मेसेजेस पाठवत त्या व्यक्तीला आधीच्या बोलण्याची आठवण करून द्यायची. तो सराईत असेल तर काही मान्य करणार नाही पण एखादेवेळेस काही उत्तर देईल की जे वापरता येईल.

आता याचा तुला उपयोग नाही पण इतरांकरता - भाडेकरूने राहायला सुरूवात केल्यावर ४-५ दिवसांत स्वतः सगळे चेक करून घरमालकाला कल्पना द्यायची असते - ती ही पुढे वापरता येईल अशा रीतीने (लेखी/मेसेजेस्/इमेल व फोटोही). असे अमेरिकेतील "लीज" अ‍ॅग्रीमेण्ट मधे सहसा असते. भारतातही असेल.

होणारा मनःस्ताप पाहता त्याची फीस म्हणून ५०००० रूपयांवर पाणी सोडलेले बरे असेच वाटते.
केस करण्यात वेळ जाईलच, शिवाय पार्टी स्वतः हजर पाहिजे असा आक्षेप तो घेऊ शकतो.
ओल किती जुनी आहे हे पाहण्यासाठी जुन्या भाडेकरूंची साक्ष किंवा पूर्वी कधी एखाद्या मिस्त्रीला त्याने दाखवले असेल तर त्याची साक्ष असे पुरावे जमा करावे लागतील.

मिस्त्री चे रेकॉर्डिंग केले तर..

ही जाहिरात नाही ... अनुभव आहे

या प्रकरणात मदत नाही होणार कदाचित पण बाकी घरमालकाना / भाडेकरूंना मदत होऊ शकेल ...
'Housewise' ही एक कंपनी आहे जी End 2 End प्रॉपर्टी मॅनेजमेंट चे काम करते ...

जर मायबोली च्या धोरणात बसत नसेल तर प्रतिसाद उडवला तरी चालेल....

मी राहते त्या घरात पण लिकेज चा इशू होता. दोन ठिकानी. एक मास्टर बाथरूम मध्ये. जी फारशी वापरली जात नाही. व मास्ट र बे डरूमची जी छोटी बाल्कनी आहे तिथे. इथ्ले वरून आलेले व पाउस आला तर ते पाणी साचून राहते. आमच्या खाली जो माणूस आहे तो महा कटकट्या म्हणून प्रसिद्ध आहे . त्याने ओनर ला तक्रार केलेली व फोटो पाठवले होते. मग तीन लोकांची यात्रा. मी सोसायटीतील जो प्लंबर कम अ‍ॅडमिन आहे त्याला बोलावून काय ते एस्टिमेट घेतले व ओनरला सांगितले काम करून घेतले व त्याचे फोटो दोघांना पाठिवले आणि खर्च पण केला २५०० - ३००० सुमारास होता. इतर काही बारके बारके खर्च जसे मध्यम्तरी इलेक्ट्रिकचा कपॅसिटर जो एक मजल्यावर व एक खाली सर्वांच्या बॉक्सेस आहेत तिथे आहे ते जळून गेले असायचे म्हणजे बिल्डिम्ग मध्ये लाइट पण मी अंधारात अशि परिस्थिती व्हायची. तेव्हा पण मी नाइट इले, चे बोट धरून ते काम करुन घेतले. हे खर्च मालकाला पाठवायचे किंवा भाड्यातून वजा करून भाडे द्यायचे लक्षात राहात नाही. पण माझा घर मालक त्रास देत नाही व घरी कुत्रा आहे तो पाळू देतो म्हणून मी ही थोडा बहुत खर्च आपण हून करते.

डिपॉझिट परत घ्याय ऐवजी चार महिन्याचे भाडेच त्यातून वळते करून घ्या असे सांगता येते का? पण हा रिटाय री वयस्क माणूस आह त्या क डे इतकी रोलिंग क्याश असेल की नाही माहीत नाही. प्रॉपर्टीचे मेजर इशू कळवावे लागतात हे बरोबर. सोडताना काय नाटक होते ते मी लिहिनच इथे.

लहान सहन खर्च आपण काही मालकाला सांगत नाही. उदा. एखादा स्विच खराब झाला. पण मेजर खर्च असेल तर मालकाला सांगून, त्याच्याच एखाद्या माणसाकडून करून घ्यावे. आपण खर्च करणार असू तर आधी खर्चाचा अंदाज देऊन ते पैसे तो देणार की भाड्यातून वळते करायचे हे आधी ठरवून घ्यावे आणि तशी लिखापढी ठेवावी

जवळपास 8 वर्षं आणि दोन ठिकाणी भाड्याने राहून आलेलं शहाणपण

डिपॉझिट असो वा उसने दिलेले, समोरच्या माणसाने परत करायचे नाही असे ठरवले, तर पैसे मिळवणे "अत्यंत " कठीण असते. तुम्ही कोणत्याही मार्गाचा अवलंब करा, काही फरक पडत नाही. समोरची व्यक्ती जितकी फाटकी, तितके पैसे काढणे अवघड कारण ते कोर्ट कचेरीला घाबरत नाहीत आणि तुम्ही त्यांच्या पेक्षा किती बिझी आहेत ते ओळखून असतात . आता तुमचे घराला लागलेली गळती असो वा नसो, त्याने दुसरे काहीतरी कारण काढले असते. इथे कोणाकडे वेळ जास्त आहे त्याला आडवेंटेज असतो. पैसे देणारा पाहिलेंदा कधीच पैसे देत नाही म्हणत नाही, देतो अडचण आहे, माझे पैसे अडकले आहेत, येणार आहेत, समोरचा वेळ लावतोय .... अशी कारणे देत असतो, तो खरंतर वॉर्निंग मेसेज असतो. अश्या वेळी तुम्ही मध्यस्थी मार्फत जरी त्याच्याकडे गेलात तर तो तुम्हाला चाय पाणी देऊन आपले रडगाणे गाऊन परत पाठवतो. असे तुम्ही २ वेळा परत आलात तर त्याला कळून चुकते कि आता पैसे नाही दिले तर चालतील. अश्या वेळी गोड बोलून पोस्ट डेटेड चेक घेता आला तर उत्तम. भले २-३ महिने पुढचा असू दे.( तुम्हाला सांगितल्याशिवाय टाकणार नाही याची हमी देऊन, मध्यस्थी व्यक्तीला मध्ये घालून ). तो चेक देत नसेल तर मात्र तेथेच घ्यायची असेल तर स्ट्रॉंग भूमिका घेता येते / अथवा आहे त्या पैश्यावर पाणी सोडून घरी येत येते.
मनस्ताप टाळण्यासाठी किती दिवस राहिलात त्याने ५०००० ला भाग आणि तेवढे भाडे जास्त दिले असे समजा. किंवा ते ५०००० मिळवण्यासाठी जितका वेळ आणि एनर्जी जाणार आहे तेवढे काम करून तुम्ही ५०००० मिळवू शकाल.
(n नंबर ऑफ अनुभव)

एक गम्मत सांगतो. मित्राच्या मुलाच्या गाडीचा अपघात झाला. समोरच्या व्यक्तीने सांगितले पोलीस केस करू नका / इन्शुरन्स पण राहू दे , गाडी दुरुस्त करून घ्या मी सगळे पैसे देतो. मुलगा घरी आला, नंतर गाडी दुरुस्त करून घेतली आणि त्याला फोन वर सांगितले. देतो देतो करत त्याची टाळाटाळ सुरु झाली. एक दिवस मित्राने मुलाला सांगितले, आज पैसे घेतल्याशिवाय घरी यायचे नाही, देत नाही तोपर्यँत त्याच्या कडे जाऊन बसायचे. तो जाऊन खरोखर त्याच्या घरी बसला, नंतर तर बाहेर पायरीवर जाऊन बसला. मग त्या व्यक्तीचा याला फोन आला मी बाहेर आहे उद्या ये म्हणून. हा म्हणाला मला घरातून बाहेर काढलंय पैसे नेल्याशिवाय घरी जाऊ शकत नाही, मी थांबतो इथेच. थोड्या वेळात त्याने घरी पैसे पाठवून दिले. याच्या एवढी सोपी पद्धत मी पण पाहिली नाही अजून.

माहितीपुर्ण धागा. रिया तुझी तळमळ आणि मनःस्ताप अगदी पोचला बघ. अशा वेळी आपण खरंच आई बाबांच्या तब्बेती & वयाकडे बघून कष्टांच्या पैशावर पाणी प्रीफर करतो.
पण लाईफ लेसन समज. त्या भामट्या माणसा ला ह्याचा पस्तावा किंवा कोणत्या मार्गाने काहीतरी नुकसान नक्की होईल. कर्मा हॅज टू पे ऑफ.

रिया मनस्ताप कळतोय. सरळ मार्गी माणसांना फसवणूक, विश्वासघात झाला की किती त्रास होतो माहित आहे. प्रश्न कधी कधी ५०००० पेक्षा पण फसवल गेल्याच्या दुःखा चा असतो.पण सोडून दे विषय,कारण मी आधी लिहिलंय त्याप्रमाणे कोर्ट मध्ये व्हिक्टिम लाच जास्त पुरावे गोळा करावे लागतात त्याची फसवणूक झाल्याचे. पण आता नको विचार करू, तू आणि तुझ्या आईबाबा दोघांनीही डोक्यातून विषय बाजूला करा. लाख मोलाचं मनस्वास्थ नका घालवू त्या भामट्या पायी आता.

डिपॉझिट असो वा उसने दिलेले, समोरच्या माणसाने परत करायचे नाही असे ठरवले, तर पैसे मिळवणे "अत्यंत " कठीण असते......... 100% सहमत. आपलेच पैसे परत मागायला शेवटी भिकाऱ्यासारखे वाटायला लागते.

लेझीम पथक असेल तर रोज संध्याकाळी प्राईम टाईम मधे तीन तास ढोल ताशे लेझीम असा खेळ करत दर पाच मिनिटांनी त्याच्या नावासकट त्याने कसे बुडवले याची कथा शाहीर थाटात सांगायची.
त्याला जी रं जी रं जी रं जी जी जी जी असा कोरस पण द्यायचा.
तीन चार दिवसात पैसे दिले तर बरं नाहीतर मग पुन्हा पुढच्या महिन्यात.

रिया, तु आता शांत झालेले बरे. तुला जो मनस्ताप होतोय व शारिरिक व मानसिक त्रास होतोय त्यापेक्षा ५०,००० जास्त आहेत का हा विचार कर. बाकी वर सगळ्यांनी चांगले सल्ले दिले आहेत. त्यावर शांतपणे विचार कर.

डिपॉझिट असो वा उसने दिलेले, समोरच्या माणसाने परत करायचे नाही असे ठरवले, तर पैसे मिळवणे "अत्यंत " कठीण असते. तुम्ही कोणत्याही मार्गाचा अवलंब करा, काही फरक पडत नाही. समोरची व्यक्ती जितकी फाटकी, तितके पैसे काढणे अवघड कारण ते कोर्ट कचेरीला घाबरत नाहीत आणि तुम्ही त्यांच्या पेक्षा किती बिझी आहेत ते ओळखून असतात .

++१००
आपल्या घरी पोलीस आले व त्यांनी आपल्याला चार चौघात पकडून नेले तर आपण लाजेने आत्महत्या करू , ते मात्रे पोलिसाकडेच तम्बाखू मागतील ! रक्कम किरकोळ नाही हे खरे आहे पण कधी कधी अक्कलखाती जमा करणेच इष्ट असते. ( अनुभवाचे बोल)

रीया, किती गं मनस्ताप! पण जाऊ दे , जे झाले ते झाले! तू तुझी तब्येत सांभाळ. काहींना सवयच असते लोकांना लुबाडायची. हा माणूस त्यातलाच दिसतोय. त्यातून तू परदेशात म्हटल्यावर त्याचे अजुनच फावले.

मधे कुणी एजंट नव्हता का? की तुम्ही त्याच्यासोबतच व्यवहार केला होता?

हा किस्सा माझ्यासोबत झालेला . आमची इमारत पुनर्विकासासाठी गेलेली. म्हणून भाड्याचे घर शोधत होते. ओळखीच्या काकांच्या मध्यस्थीतून घर मिळालेले होते. पण पावसाळ्यात जाम त्रास दिला त्या घराने. सारखी ओल आणि पावसाचे पाणी घरात . डास वगैरे होतेच नियमित . हे काही त्या काकांनी किंवा घरमालकाने सांगितलेले नव्हते . तरीही ११ महिन्याचे अग्रीमेंट असल्याने राहिलो होतो .

शेवटी घर सोडायचा निर्णय घेतला तो घरमालक काही डिपॉझिट द्यायला तयार होईना . का तर म्हणे आम्ही ११ महिने पूर्ण व्हायला १ महिना होता आणि आम्ही घर सोडत होतो . त्याने डिपॉझिट बँकेत ठेवलेले ठेवीच्या रुपात . त्याचा इंटरेस्ट बुडत होता .
आम्ही समजावून सांगितले , डासांचा , गळतीचा त्रास सहन करत राहतो आहे ते ही सांगितले . पण तो ऐकेना . शेवटी त्या मध्यस्थ काकांमार्फत आणि स्थानिक ओळखीतून दबाव आणला तेव्हा तो राजी आला. पण १० हजार रुपये कापलेच .
काकनी एवढे मिळतील ते पुष्कळ झाले असे सांगून पड घ्यायला लावली . आम्हीही कुठे ताणा म्हणून विषय सोडून दिला .

करारामध्ये 1 महिन्याची नोटीस देऊन (दोन्हीकडून) करार संपविण्याचे एक कलम असतेच

धागा आणि प्रतिसाद वाचले. वेदना पोहोचल्या.

असे प्रसंग घडतात आयुष्यात. आणि प्रत्येक वेळी कारण एकच असते की "कागदपत्रे ऍग्रिमेंट पुरावे यापेक्षा आपण कुणावर विश्वास ठेवला आणि समोरच्याने गैरफायदा घेतला" पैसे गेले ही एक वेदना पण ही betrayal ची यातना त्याहून जास्त असतो.

त्यामुळे उदय, देवकी, मानव, विकु यांचे व तत्सम प्रतिसाद पटले. शक्य ते प्रयत्न केलेत तुम्ही. वकिलांमार्फत सुद्धा अप्रोच केलात. त्यांनी सुद्धा प्रयत्न करून "पुढे डेड एन्ड आहे" असे सांगितले. मला वाटते फारफार तर अजून एखाद्या वकिलाचे सेकंड ओपिनियन घ्या फार अपेक्षा न ठेवता. मिळाले पैसे तर उत्तमच अन्यथा नाद सोडून द्या. बरेचदा लेट गो मध्येच शहाणपण असते. या सगळ्यात तुमची काहीही चूक नाही त्यामुळे स्वतःला तर अजिबात कोसू नका. "उद्योग व्यवसायात मोठ्या झालेल्या सर्व व्यक्तींना याहून कित्येक पटीने वाईट अनुभव आलेले असतात, म्हणून तर ते मोठे होतात" असे विचार मनात आणले की मनास बरीच मलमपट्टी होते

इथे मांडलेत हे छान केलेत. नव्वद टक्के हलके झाले असेल ओझे.

एक मजेदार अनुभव.
देशी परदेशी प्रसिद्ध असलेल्या व्यक्तीचे आईवडील,कोकणातील आमच्या घरात रहात असत.एके दिवशी त्यांची पत्रे वाचनात आली.
"घराला पायऱ्या घालून घेतल्या.त्याचे इतके पैसे झाले.ते भाड्यातून वळते करण्यात यावे.""स्वयंपाकघरात उभा ओटा करून घेतला त्याचे 300 रुपये झाले.ओटा तुमच्याच घराला करून घेतला असल्याने त्याचे पैसे भाड्यातून वळते करावे."
भाडे 10 रुपये महिना होते.(वडलांच्या मामाने ठरवलेले).
पुढे ते घर त्यांनाच 25000ला विकले.
मजा म्हणजे कागदोपत्री आमच्याच नावे ते घर/जमीन बरीच वर्षे होते. नंतर नवीन मालकाच्या नवे चढवले.

मात्र ते घर विकल्यावर पपांनी ही सारी पत्रे फाडून टाकली.

किती बेकार लोकं असतात. गोंदवलेकर महाराज म्हणतात परनिंदा व परधन हे विष्ठेसमान माना. परनिंदा १००% श्युअर आहे, मला वाटतं परधनही आहे त्यात.
काय तो माणुस माडी बांधणारे का एक लाखात पण खाल्ली माती.

फसवणूक किंवा अन्याय असे प्रसंग कुणाच्याही बाबतीत घडू शकतात. आपण इथे एकत्र येतो त्याचा काही तरी उपयोग व्हावा.
यासाठी स्वयंसेवी मदत गट स्थापन करूयात. जर कुणाच्याही बाबतीत अशी मदत लागलीच तर तिथे गटागटाने जाऊन दटावता यावे.
यासाठी पूर्वतयारी म्हणजे देहयष्टी विश्वासार्ह बनवणे. म्हणजे आपल्याकडे पाहिल्यावर समोरच्याला आपण कुणाचे देणे लागतो हा विश्वास आला पाहीजे. त्यासाठी मदत गटाने एकत्र जमून खालील सराव रोज केला पाहीजे.

१. वजन उचलणे. हळू हळू वजन उचलत २०० किलो पाचशे किलो हजार किलॉ पर्यंत नेले पाहीजे. यामुळे जॉन अब्राहम सारखे टरारबुंग स्नायू बनतील.
२. मार्शल आर्ट्स चे ट्रेनिंग - रोज कस्सून सराव करत किमान थर्ड डिग्री ब्लॅक बेल्ट मिळवायला हवा.
३. कुस्ती - मार्शल आर्ट्स सोबतच कुस्तीमुळे शरीर सडपातळ होणार नाही आणि ऐन वेळी उचलून आपटण्याची पाळी आल्यास कुस्ती कामाला येईल.
४. वसुलीची भाषा - ही एक विशिष्ट भाषा असते जी शिकण्यासाठी तज्ञांना पाचारण करावे
५. रोज दहा मैल पळणे - पळण्याचा सराव करताना विश्वविक्रमापेक्षा जलद कसे पळता येईल हे पहावे.

याप्रमाणे तयारी झाल्यावर कुणा मायबोलीकराला गरज पडली कि त्या विवक्षित स्थळी जाऊन संबंधित इसमास आपण रोजचे कमावलेले कसब दाखवून गर्भगळीत करून सोडावे. त्यामुळे तो लगेचच अन्याय दूर करण्यास राजी होईल. यासाठी क्र, १ ते ४ पैकी कोणताही सराव कामी आल्यास संकोच करू नये.

मात्र संबंधित इसम जादाच्या तयारीचा असेल आणि गर्भगळीत होण्याची पाळी आपणावर आली तर पाच अनु क ५ चा उपाय अंमलात आणण्यास अजिबात हयगय करू नये. विश्वविक्रमाचा सराव दुप्पट गतीने करताना संकोच करू नये.

चाट जिपीटी किंवा गुगल जेमिनीशी चर्चा केल्याने सुद्धा छान वाटते. कधीकधी मार्गही मिळू शकतो:

https://g.co/gemini/share/8c515c007742

<< मी झाले आता शांत. आता पैसे गेलेच आहेत. मी आता काही प्रयत्न करणार नाही पण पुढच्याच ठेच टाइप कोणाला उपयोग होत असेल तर राहू देत म्हणून धागा ठेवते. >>

------ आपल्याला पैशांपेक्षाही फसवणूक झाली याचे दु:ख जास्त असते.

माझी आर्थिक फसवणूक होते तेव्हा मी काही गोष्टींची उजळणी घेतो.
आपण एखादे पुस्तक पैसे मोजून विकत घेतो. पुस्तक वाचल्यावर ज्ञानांत भर पडल्याचे समाधान मिळते. पुस्तकाची किंमत मोठी असली तरी त्या किंमतीच्या कितीतरी जास्त पटीने ज्ञान मिळविल्याचा आनंद होतो. थोडक्यांत पैसा वसूल.
हा आर्थिक फसवणूकीचा अनुभव कडवट आहे पण तो तुम्हाला जीवनाचा एक महत्वाचा धडा शिकवून गेला. धडा शिकण्याची किंमत थोडी जास्त मोजावी लागली एव्हढेच.

मी ऑगस्ट मध्ये वेस्ट्र्न ला शिफ्ट झाले. इथे २.५ लाख डिपॉझिट द्यावे लागले. मुलुंडचे घर खाली करताना मालकाने आधी भरलेल्या डिपॉझिट मधून ऑगस्ट चे रेंट व रिपेअर्स, क्लीन अप व म्हातार्‍या कुत्र्याच्या शूच्या वासाचे पकडून काही कमी केले व १.३३ चा चेक्क दिला तो मी आठ पंधरा दिवसात भरला व क्लीअर झाला.

लेक जेन झी असल्याने कधीच चेक डिपॉझिट केला नव्हत्ता तिला व्हाइट डिपॉझिट स्लिप घरी घेउन यायला साम्गितले भरुन घेतली व मग तिने डिपॉझिट केला. शिफ्ट नंतर माझी तब्येत ढासळलेली. रिकव्हर व्हायला वेळ लागला पण पैशे पदरात पडले. सर्व शिफ्ट प्रक्रियेत बरेच पैसे खर्च झाल्याने हे जरा आधार झाले. मी लगेच शेअर्स घेतले. ओनरने जुन्या अ‍ॅग्रिमेंट वर एक लेगल टाइप मेसेज लिहून माझी सही घेतली आहे.

आता फक्त हिरवे पाकीट आणून त्यात इतक्या वरशांची सर्व बिले नोटिसा घालुन त्याला पाठ्वायची आहेत. फाइल करुन ठेवलेली आहेत.
किस्सा खलास.

वाह, पैसे मिळाले हे बरे झाले.किती होते आधीचे डिपॉझिट?

अभिनंदन अमा. आपले हक्कचे पैसे मिळाले की जीव भांड्यात पडतो खरेच. एकटीने सर्व किती एफीशिअंटली मॅनेज करता. कुडोज.

त्यात इतक्या वरशांची सर्व बिले नोटिसा घालुन त्याला पाठ्वायची आहेत.>> हे जरुरी असते का?

Earlier deposit 2 laks. 5 years back. Lease was for two years first then renewed for further three years.

Aashu29 the data belongs to him. I have made online payments. I have no use of it now.

Mulund was lovely stay as very close to office. I have successfully done duty in lock down also. One year of lock down plus health issues aging all in that place. Girl finished college and got a job. So I would say many life goals completed.

चांगले मिळाले मग रिफंड

आता कुठे आलात अमा?

Bhramar hi Andheri West.

१.३३ चा चेक्क दिला तो मी आठ पंधर.... भरपूर कापले की!
असो.तुम्ही खुशाल तर जग खुशाल.गुड लक!

तसे बरेच कापले अमा पण ठीक, मुंबईचे रेटस हाय फायच. मुलुंड मला खूप आवडतं विशेषत: ईस्ट. खूप आठवणी आहेत.

अंधेरीला शिफ्ट झाल्याबद्दल अभिनंदन आणि शुभेच्छा. मुलीबरोबर छान एंजॉय करा. अजून महागडया एरियात गेलात.

200000 - 42000 rent for August which I asked him to adjust - cost of repair of flat - cost of colouring. - cost of clean up due to dog pee smell. Also I couldn't clean up flat due to health issues. And he has promised to payout further oncecall is settled keeping only 10 k or so for his trouble.