डबल डेकर !! मुंबईची शान - ८६ वर्षांचा हा प्रवास अखेर थांबला!

१) चर्चगेट - > वर्ल्ड ट्रेड सेंटर / एन सी पी ए. मलाही वाटतंय त्या बसेसना नंबर नसावेत.

आठवलं हो. बेस्टला काही 'लो फ्लोअर बसेस' मिळाल्या होत्या (२०१२-१३). तशा पुण्यातही आलेल्या. शिवाजीनगर ते कात्रज धावत. त्याने मी सर्प उद्यान कात्रजला गेल्याचं आठवतंय.
तर या बसेसना 'फोर्ट फेरी' १ आणि २ नाव देऊन चर्चगेट/सीएसटी इथून त्या wtc किंवा एनसीपीए येथे राऊंड ट्रिप मारत. मी त्यातून गेलो तेव्हा दुर्दशा झालेली बसेसची. आतमध्ये धुरळा भरलेला. गिअरबॉक्सचा भयानक खडामघरर आवाज. हे शहरातल्या चांगल्या रस्त्यावर धावणाऱ्या बसेसची अवस्था!! त्याच वर्षी कर्नाटकात हंपी लखुंडी फिरलो होतो. त्याच बसेस तिथे होत्या. होस्पेटे ते हंपी अकरा किमि. दर दहा मिनिटांनी सुटत होत्या. गदग ते लखुंडी या अकरा किमिटरलाही दर अर्ध्या तासाने होत्या. चकचकीत,स्वच्छ. आवाज बिलकूल नाही. मी विचारले नवीन आहेत का तर सांगितलं की एक वर्षं झालं!!!.

-----------------

ऋ, ह्या व्हिडियो मध्ये ट्रेलर डबल बस आणि आयकॉनिक डबल डेकर बस ह्या दोन्ही आहेत.
https://youtu.be/W8r7aXqxReY?t=9

मुंबईत पण अशी मुंबई दर्शन ची नीलांबरी ओपन डेक डबल डेकर आहे ना अजून,>> ती पण बंद होणार आहे ७ ऑक्टोबर पासुन, बसचे वय १५ वर्ष झाल्यामुळे रस्तावर नाही चालवता येणार. सरकारचे नवीन बस घेउन यण्यासाठी प्रयत्न चालु आहेत.

आजीचा किस्स फार मस्त. >+१

नीलांबरी ओपन डेक डबल डेकर
ही जरी बेस्टची बस असली तरी ओनलाइन तिकिट किंवा खिडकीवर यावर घोळ आहे. बेस्टच्या साईटवर किंवा महाराष्ट्र टुरिझम यांचा संबंध नसून खाजगी टुरिझम साइटवर तिकिट काढावे लागते. खिडकीवर म्हणजे म्युझियमला जाणे आणि तिकिट मिळते का पाहणे म्हणजे वेळ वाया. बोरिवली/विरार/कल्याण वगैरे लांबून येणाऱ्या कुटुंबांनी सरळ मुंबईत येऊन एकेक ठिकाणी वेळ घालवणे उत्तम. गिरगाव चौपाटी, कमला नेहरू पार्क वगैरे.
त्या निलांबरीचे विडिओ यूट्यूबवर टाकलेले आहेत ते पाहिल्यावर कळेल की असं का म्हणतो.

अशा सीटी टूर्सने जाताना उघड्या बस मधून शहर बघणे हा उद्देश असेल तरच करावे. काही दोन चार पॉईंट उतरुन बघता येतात. पण ती घेऊन जाते ती सगळी १५- २० ठिकाणं उतरुन बघणे शक्य होत नाही. गाईड सांगेल त्या मनोरंजक कथा ऐकणे, बस मध्ये बसून फोटो काढणे आणि हॉप ऑन हॉप ऑफ असल्याचा थोडाफार फायदा घेत तंगडतोड थोडी कमी करणे हेच करावे. पैसे वसुल करायला नाही तर आनंद घ्यायला आलो आहोत हे मनात मात्र कायम ठेवावे. आपण काटेकोर नियोजित केलेल्या अनेक गोष्टी गर्दी, ट्रॅफिक, विलंब इ. अनेक कारणांनी होणार नाहीत हा नियम असून त्या झाल्या तर तो अपवाद असणार आहे. गूगल मॅपवर अनेक ठिकाणं ठरवून ठेवावी, आणि आयत्यावेळी परिस्थिती नुसार काय करायचं आणि काय गाळायचं ते ठरवावं. त्यातही फार मजा येते.

डबलडेकरच्या आठवणी जागवल्यात. रस्त्यावरच्या प्रचंड गर्दीचा टॉप व्ह्यू आणि ड्रायव्हरच्या डोक्यावरची पहिली सीट दोन्ही फार आवडीचे, अनेकदा घेतलेला अनुभव.

आता जेव्हा चान्स मिळेल तेंव्हा AC वाल्या डबलडेकरीत बसू.

मुंबई इज लव्ह !

आवडती सीट यावरून एक आठवलं. कर्नाटकात तीन चार फेऱ्या झाल्या २०१९ मध्ये तेव्हा तिकडच्या एसटीबसनेच फिरलो. अत्यंत हवेशिर,मोकळी स्वच्छ बस असते. ड्रायवरची बंदिस्त केबिन अशी नसते. त्यांच्या डाव्या बाजूस एक आडवी सीट असते ती महिलांची आवडती दिसली. तर मागची. म्हणजे रांगेत पहिली कुणाला नकोशी असते असं लक्षात आलं. पण आम्हाला तीच हवी असे आणि रिकामी असे. तिथे बसल्यावर पुढील दृष्य १८० अंशात पूर्ण पाहायला मिळे. घाटात फारच सुंदर. आणि तिथले घाटही हिरवे गार. दिवसा एक दोन तासांचे प्रवास असल्याने समोरच्या वाहनांचे प्रखर दिवे पाहायला लागत नव्हते.

नवीन एसी डब्बल डेकर बस अतिशय सुंदर आहे.
अगदी भारीतल्या महागड्या कार पेक्षा पण सुंदर आहेत

.... इथपासून एसी डबलडेकर कशी डब्बा आहे आणि सामान्यांचे कसे हाल होताहेत अशी पोस्ट युनोहु आयडीकडून यायला अजुन किती वेळ लागेल?

मी युनोहू का?
आमच्याकडे सिंगल डेकर एसी बसेस आहेत. मला आवडतात. फक्त सहा रुपये तिकीट असूनही आमचा रूट बराच वेळ रिकामा जातो.
लोक तीस रुपये खर्चून रिक्षाने जातात.

तुम्ही नाही हो!

रूट बराच वेळ रिकामा जातो.
लोक तीस रुपये खर्चून रिक्षाने जातात.

Submitted by भरत. on 18 September, 2023

6 रुपये तिकीट दर म्हणजे अंतर दोन ते तीन kilometer आहे.
वॉकिंग distance आहे तरी 30 रुपये खर्च करून लोक रिक्षा नी जात असतील तर हे गरीब नाहीत माजलेले आहेत.
तेथील बस सेवा कायम स्वरुपी बंद करावी.

देशात ज्या काही समस्या आहेत त्याला मूर्ख भारतीय जनता च कारणीभूत आहे.
ह्याचे हे उत्तम उदाहरण आहे.
लोक मूर्ख आहेत म्हणून system भ्रष्ट आहे आणि नेते स्वार्थी आहेत.
दोष जनते मध्ये आहे

बेस्टचे मध्यंतरी रेट्स कमी केले. मिनिमम तिकिटांचा पल्ला वाढवला.

बससाठी वाट बघायची लोकांची तयारी नसते.

पीक अवर्सला भरून जातात.

म्हणजे लोक श्रीमंत आहे.
बस बंद करून टाका.
रिक्षा वाले अजून लूट करतील..
तुमच्या विभागातील लोक ह्याच लायकीची आहेत.
खूप पैसे वाले आहेत

बॉरं.

ओह! प्युअर नॉस्तॅल्जिया!

ती १२१ होती का सीफेसवरून जाणारी?

जनतेचे डायग्नोसिस पूर्ण झाले असेल तर रेमेडी सांगा आता.
अमिसलप्राईड , क्लोझापाइन, SSRI, aripirazole कोणते घ्यावे जनतेने, किती dose ?

समजलं भरत!

>>>>>अमिसलप्राईड , क्लोझापाइन, SSRI, aripirazole कोणते घ्यावे जनतेने, किती dose ?
घेउन टाका कॉकटेल. एक ना एक तरी निशाण्यावरती लागेलच.

हो

लोकांची वृत्ती रोज बघत आहे.
6 रुपये बस तिकीट 15,रुपये रिक्षा ..
चालत 25 min..
मी बस नसेल तर सरळ वॉकिंग.
रिक्षा नाही.
लोकांची वृत्ती.
1) बस तिकीट १" रुपयांनी वाढले तरी हीच रडणारी लोक १५ रुपये देवून जातात..
मंजे ही श्रीमंत लोक आहेत.
२) अर्जंट ह्या जगात काहीच नसते आपल्याला उशीर झालेला असतो.
३) बस लाईन मध्ये उन्हात एक तास उभे राहतील पण बस मध्ये १५ min Ac मध्ये उभे राहणार नाहीत..म्हणजे ही जनता किती हुशार असेल .

मस्त लेख! तू असेच लेख लिहित जा. जॉनर आहे तुझा हा. बॉय नेक्स्ट डोअर.
ॠ च्या फोटोतली डबल डेकर नाही घेतली कधी, पण खालच्या नेहमीच्या घेतल्यात. कायम गर्दी च्या वेळी प्रवास करत असल्याने बस मधे किमान घुसता आल्याचंच पुरेसं असायचं. वरची सीट वगैरे अपेक्षा नाही.
मुलं मात्रं नेहमी त्याच सीट वर बसायला कल्ला करतात

डब्बल डेकर बस मध्ये सर्वात धोकादायक म्हणजे चालत्या bus मध्ये चढणे.
दरवाजा चा मागील दांडा पकडुन बस मध्ये चढलात तर तुमचा तोल गेलाच म्हणून समजा.

चालत्या डबलडेकर bus मध्ये चढणे.
दरवाजाचा मागील दांडा पकडुन बस मध्ये चढणे
असे केल्यास डबल तिकिट लागते.

>>>>>जॉनर आहे तुझा हा. बॉय नेक्स्ट डोअर.
होय!!

छान लेख. व फोटो. ह्या डबल डेकरच्या मनोरम्य आठवणी आहेत. एकदा वडिलांसोबत लहान पणी मुंबईला आलो होतो. बीडीडी चाळीत कोणी
दुरचे नातेवाइक होते त्यांच्याकडे गेलो. तिथे त्या काकूने कश्याला हात लावायचा नाही अशी सक्त तंबी दिल्याने वैतागून कॉटवर गप्प बसले होते. मग बोलणे चहा झाल्यावर वडिलांचा हात धरून बाहेर. तिथे वडिलांनी तो क्वालिटी आइस क्रीमचा बॉल मिळायचा व्हॅनिला आइसक्रीम चा तो घेउन दिला व आम्ही बस स्टोप वरुन डबल डेकर मध्ये बसलो. त्यांना कुठेतरी जायचे होते. वर एकदम पुढे बसलो आम्ही दोघेच तिथे होतो. बाहेर बघत बघत ते बॉल मधले आइसक्रीम खाल्ले. वन ऑफ माय बेस्ट मेमरीज. पुढचे मागचे काही माहीत च नाही. इतके लहान वय होते.

दुसरी आठवण म्हणजे १९९७ मध्ये महाराष्ट्र चेंबर ऑफ कॉमर्स मध्ये नोकरी करत होते तेव्हा. व्हीटीला उतरुन पुढे लायन्स गेट परेन्त बसने. तर नवीनच होते डबल डेकर मध्ये चढल्यावर एकदम वर जावे की खालीच बसावे लक्षात येइना तोपरेन्त माग ची गर्दी कोकलायला लागली त्यात एक जण मोठ्याने मित्राला म्हणाला, बाईंनी सेंट्रल व वेस्टर्न दोन्ही जाम केला आहे. !!! मग पटकन वर चढले व वर जाउन बसले.