*** म्हणजे देवघरची फुले!

Innocent kids..
आमच्याकडे कोणे एके काळी, लेकीच्या आत्त्याने छोले भटुरे केले होते, आता लेक मला म्हणतेय तु करत नाहीस, तुला रेसिपी माहित नाही का.. काल खुप ओरडली. 6 वर्षाची लेक...

मस्तच ...

छान किस्सा. टीचरवरून एक माझ्या मुलीचं observation सांगावस वाटतंय.
यावर्षी मुलगी पहिलीत गेलीय. तिची वर्गशिक्षिका एक बिहारी मुलगी आहे. तर माझ्या मुलीला तिच्या उच्चारांमधे सतत दोष दिसत असतात. रोज घरी आली की कुरकुर चालू असते. की आई बघ न आमच्या टीचर मॅथ्स ला मैथ्स म्हणतात. कॉम्प्युटर ला कोंपूटर. काल तर खूपच चिडचिड करत होती. कारण टीचर तिला म्हणाली की "विजयालक्ष्मी, इट युअर स्नेक्स् क्विकली" हा हा....

तिची वर्गशिक्षिका एक बिहारी मुलगी आहे. तर माझ्या मुलीला तिच्या उच्चारांमधे सतत दोष दिसत असतात.>> तिला समजावुन सांगा. ती टीचर मुलगी प्रिविलेज्ड बेक ग्रौंड मधून आलेली नसेल. फार मेहनतीने ती अनेक बंधने पार करुन आर्थिक सामाजिक ह्या नोकरी परेन्त पोहोचली असेल तर बी काइंड टु हर . ती जे ज्ञान देते आहे त्यावर कॉण्सन्ट्रेट करावे. आपलेही उच्चार इतरांना सदोष वाटू शकते.

लहान मुलगी आहे नसते पूर्वग्रह तयार होउ नयेत म्हणून लिहिले इग्नोअर केले त तरी चालेल.

लेखातला किस्सा खतरनाक आहे.
त्यावरून मुलं लाजवतात तेव्हा हा धागा आठवला.

हा हा ! भारी किस्सा ..
त्यावरून मुलं लाजवतात तेव्हा हा धागा आठवला.>> मी अगदी हेच लिहायला आलेले भरत.

अमा >> +१११११११११
आणि जे लोक इतरांच्या उच्चाराला हसतात ... कुणाचे उच्चार बरोबर आहेत हे कोण ठरवणार?

<<<तिला समजावुन सांगा. ती टीचर मुलगी प्रिविलेज्ड बेक ग्रौंड मधून आलेली नसेल. फार मेहनतीने ती अनेक बंधने पार करुन आर्थिक सामाजिक ह्या नोकरी परेन्त पोहोचली असेल तर बी काइंड टु हर . ती जे ज्ञान देते आहे त्यावर कॉण्सन्ट्रेट करावे. आपलेही उच्चार इतरांना सदोष वाटू शकते.

लहान मुलगी आहे नसते पूर्वग्रह तयार होउ नयेत म्हणून लिहिले इग्नोअर केले त तरी चालेल.>>>

मुलीला मराठी आणि हिंदी वर्णमालेतील फरक समजावून सांगितला. हिंदीत ॲ आणि ऑ असे उच्चार नसल्याने सर्वात जवळचे म्हणून ए आणि ओ असे उच्चारण करतात. हे देखील समजावून सांगितले. आता तिची काही तक्रार नाहीय.

मुलीला मराठी आणि हिंदी वर्णमालेतील फरक समजावून सांगितला. हिंदीत ॲ आणि ऑ असे उच्चार नसल्याने सर्वात जवळचे म्हणून ए आणि ओ असे उच्चारण करतात. हे देखील समजावून सांगितले.>> भारीच !!
मला नसते हे सुचले

हिंदीत ॲ आणि ऑ असे उच्चार आहेत की! फक्त ते लिहिताना ऐ आणि औ असे लिहितात. पण जाऊ दे, मुलीला पटलं आणि ती खिल्ली उडवत नाही ना, मग ठीक आहे.

ता.क. पण हिंदीच्या काही बोलिंमध्ये - अवधी, मैथिली वगैरे, हे उच्चार नसावेत. ते लोक ऐ आणि औ चे उच्चार आपण मराठीत करतो तसेच करतात. त्यामुळे त्यांचं हिंदी ऐकायला वेगळंच वाटतं. त्या शिक्षिका अश्या भाषिक पट्ट्यातल्या असाव्यात.

हिंदीत ॲ आणि ऑ असे उच्चार आहेत की!...

पहिल्या वर्गाच्या हिंदीवर्णमालेच्या मूळाक्षरांच्या अभ्यासक्रमात ॲ आणि ऑ नाही आहे पण मराठीच्या पुस्तकात आहे. म्हणजे तसं बघितल्यास हिंदीत बाराखडी आणि मराठीत चौदाखडी आहे. म्हणून तिला तसं समजावलं आहे.
बाकी हा किस्सा इथे शेअर करण्यामागे उद्देश हाच होता की लहान मुले कसं आणि किती निरीक्षण करतात. यात मला कोणाला हसायचं किंवा टीका अजिबात करायची नाही आहे.

हिंदीतली वर्णमाला मला माहित नाही पण चांगल्या प्रिविलेज्ड घरातुन आलेले बिहारी पण स्नेक्स बोलतात. गुज्जु पण असेच बोलतात. हल्लीच माझ्या टिममध्ये एक बिहारी आलाय, तो काय बोलतोय हे कळण्यासाठी मला कानात प्राण एकवटुन त्याचे उच्चार ऐकावे लागतात, तरी अर्धे निसटुन जातात. उच्चारांवरुन व्यक्तीच्या जातीपर्यंत पोचणे जरा जादाच वाटले.

बर्‍याच वर्षांपुर्वी माझ्या घरच्या फुलाला, तेव्हा वय वर्षे पाच, घेऊन मॉलमध्ये गेले होते, नुसता विन्डो शॉपिन्गचा बेत होता. तर आमच्या फुलाला जे दिसेल ते विकत घ्यावेसे वाटत होते आणि मी नको, पैसे नाहीत म्हणत खो घालत होते. शेवटी फुल चिडुन हाताने एटिएम कार्ड स्वाईप करायची अ‍ॅक्शन करत म्हणाले, एटिएम नाही का तुझ्याकडे..

णि कितीतरी जण तुम्हाला उपदेश करतील पण स्वतः दुसऱ्या धाग्यांवर जाऊन "न" च "ण " केला म्हणून इतरांना नाव ठेवतील. जोक्स करतील. जागो जागी डबल स्टँडर्ड्स आढळतात. अशा लोकांना त्याच्या दुनियेत राहू द्यावं>>>>

सही पकडे है….. माबोवर खुप आहे हे..

इट युअर स्नेक्स् क्विकली << हाहा..

"आणि कितीतरी जण तुम्हाला उपदेश करतील पण स्वतः दुसऱ्या धाग्यांवर जाऊन "न" च "ण " केला म्हणून इतरांना नाव ठेवतील. जोक्स करतील. जागो जागी डबल स्टँडर्ड्स आढळतात. अशा लोकांना त्याच्या दुनियेत राहू द्यावं." Sahi sahi

सही पकडे है….. माबोवर खुप आहे हे.. ..खरय

सॉरी, कुणाचीही चूक दाखवायचा उद्देश नव्हता. दिलगिरी व्यक्त करतो.

आमच्या वर्गात दोन काश्मिरी मुलेन्होती. आमचे मास्तर यूपी चे.
ते एकदा आम्हाला म्हणाले - हे दोघे सक्रु का म्हणतात? इस्क्रु म्हणायला पाहिजे ना?
आमचे केमिस्ट्री चे मास्तर कॅनिझ्झारो ला सी येयन्यनाय हिस्झेड हिस्झेड ये आर वो असे म्हणायचे.

प्रतिसादातील किस्सेही भारी.

मुलीला मराठी आणि हिंदी वर्णमालेतील फरक समजावून सांगितला. हिंदीत ॲ आणि ऑ असे उच्चार नसल्याने सर्वात जवळचे म्हणून ए आणि ओ असे उच्चारण करतात. हे देखील समजावून सांगितले. आता तिची काही तक्रार नाहीय.>>>>

तुम्ही तुमच्या स्तरावर मुलीला समजावून प्रश्न सोडवलात पण चुकीचे उच्चार असलेल्या शिक्षिकेला कामावर ठेवणे ही खरेतर शाळेची चूक आहे. कारण पहिलीतील विद्यार्थी म्हणजे त्यांचे उच्चार शिकण्याचेच वय आहे. या वयात चुकीचे उच्चार आत्मसात झाले तर भविष्यात ते योग्य पद्धतीने उच्चारणे अवघड होईल. कृपया मुलीच्या 'व' आणि 'श' अक्षर असणाऱ्या शब्दांच्या उच्चाराकडेही नीट लक्ष द्या. बरेचसे हिंदी भाषिक 'व' या अक्षराचा उच्चार 'ब' असा तर 'श' चा उच्चार 'स' असा करतात. उदा. बिस्वजीत (विश्वजित), बेदान्तिक (वेदांतिक)

<<पहिलीतील विद्यार्थी म्हणजे त्यांचे उच्चार शिकण्याचेच वय आहे. या वयात चुकीचे उच्चार आत्मसात झाले तर भविष्यात ते योग्य पद्धतीने उच्चारणे अवघड होईल.>>>>
खरं आहे. हा प्रॉब्लेम आलाच आहे. जरी माझी मुलगी समजदार असली तरी तिच्याच वर्गातली इतर काही मुले पालकांचं ऐकत नाहीत. शिवाय या वयात टीचर सांगते ते सगळंच बरोबर असतं अशी मुलांची समजूत असते. त्यामुळे आम्ही काही पालकांनी मिळून ही गोष्ट शाळा प्रशासना समोर मांडली आहे.
शिवाय हा एकच मुद्दा नाही. इंग्लिश व्याकरणाबद्दल पण आनंदी आनंद आहे. (शाळा पुण्यातील नामांकित cbse board ची आहे. पहिल्या वर्गाची फी 1.28L. )

ॲ आणि ऑ व्यतिरिक्त च, छ, ज, झ चा पण प्रश्न उपस्थित झाला आहे. मराठीत या अक्षरांचे दोन प्रकारे उच्चार होतात. उदा चमचा आणि चंद्र, जहाज आणि जग यातील उच्चार वेगवेगळे आहेत. किंवा मराठीत आणि हिंदीत ' झुला ' हा एकच शब्द वेगवेगळ्या तऱ्हेने उच्चारला जातो. मुलांना याच वयात हे समजणं गरजेचं आहे असं मला वाटत. असो छंदीफंदी यांच्या धाग्यावर हे फारच अवांतर होतय तरी रहावलं नाही म्हणून...

बिहारी लोकांचे उच्चार आपल्याहून वेगळे आहेतच. पण दाक्षिणात्य लोकांचेसुद्धा वेगळे आहेत.