हरीश महिंद्रा चिल्ड्रन पार्क - (फोटोसह)

मायबोलीकर म्हाळसाने प्रियदर्शिनी पार्क बद्दल सुचवले. तिथल्या सुंदर अनुभवाचा मायबोलीवर धागा काढला. तिथे प्रतिसादात मायबोलीकर शरदजी (Srd) यांनी जवळच्याच त्याच समुद्र किनार्‍याला लागून असलेल्या अजून एका गार्डनचे नाव सुचवले. गूगल केले. छान वाटले. म्हटले चला भेट देऊन येऊया.

ते गार्डनही मुलांसाठी छान वाटल्याने म्हटले चला याची माहितीही पुन्हा फिरून मायबोलीकरांशी शेअर करूया. त्यातून अजून काही सापडेल

मुलांची शाळांची सुट्टी संपायच्या आधी शेवटचा विकेंड आणि चिल्ड्रन पार्क. त्यामुळे गर्दी असणारच हे गृहीत धरून संध्याकाळी जरा लवकरच घरून निघालो. थोडे ऊन्ह लागते. पण गार्डन मोकळे ढाकळे मिळते हा अनुभव. जो खरा ठरला.

गार्डन पुरेसे रिकामे होते. झाडे आणि समुद्राचा वारा यामुळे उन्हाचा त्रास नव्हता. लहान मुलांसाठी खेळायला बरीच जागा होती. पण तरीही खरी मजा सुर्य मावळताना वातावरण बदलले तेव्हाच आली. त्यामुळे पहिला फोटो तेव्हाचाच टाकतो.

१) दिवे लागणीची वेळ

.

२) आणि हा आमचा वर उल्लेखलेला गार्डन प्रवेश

.

३) प्रवेशद्वारापाशीचे कारंजे -
जेव्हा एखादे कारंजे बंद दिसते तेव्हा नेहमीच माझ्या कपाळाला आठ्या पडतात. फार रुक्ष वाटते ते द्रुश्य बघायला. आणि असा आऊट ऑफ ऑर्डर कारंज्याचा अनुभव हल्ली बरेच ठिकाणी येतो. ईथेही अपवाद नव्हता. काय कारण असावे? पाणी टंचाई?

.

४) पहिलेच गार्डन ईटुकल्या पिटुकल्या सवंगड्यांचे दिसले. आमची पोरे मोठे झाली असल्याने आम्ही तिथला एक फोटो काढून पुढे सटकलो

.

५) हे पुढचे गार्डन जे आम्हाला आमच्या वयाचे वाटले म्हणून ज्यु. ऋन्मेष थोडा वेळ ईथे रमला.

.

६) पण आम्हाला वाळूतच खेळायला जास्त मजा येते. कारण झोके आणि घसरगुंड्या हल्ली सोसायटीतही असतात.
मलाही वैयक्तीकरीत्या माती, गवत किंवा आर्टिफिशिअल रबर मॅटपेक्षा अशी वाळू असलेली गार्डन जास्त आवडतात.

.

७) थोडे पुढे जाऊन आणखी थोड्या मोठ्या मुलांची सोय दिसली

.

८) एक आवडले ईथले. ते म्हणजे गार्डन मुलांसाठीच असल्याने बाकी फाफटपसारा नव्हता. सारे स्लाईडस एकाच जागेत कोंबले नव्हते. त्यामुळे संध्याकाळी जेव्हा मुलांची गर्दी झाली तेव्हा ती विखुरली गेली. अन्यथा हल्ली मुंबईत गर्दी बघूनच अश्या स्लाईडसवर जावेसे वाटत नाही. मुले धक्काबुक्की करत खेळत असतात आणि त्यांचे पालक कौतुकाने फोटो काढायला त्यांना अध्येमध्ये थांबवून आणखी ट्राफिक जाम करत असतात.

.

९) या बॅलन्स करत चालायच्या टायरनाही नंतर फार डिमांड दिसला. बरीच मुले चकवा लागल्यासारखे फिरून फिरून यावर चालत होते.

.

१०) तिथून या झाडांमधील वाटा पकडून आम्ही पुढे निघालो

.

११) हळूहळू झाडांखालच्या कट्ट्यावर सावली बघून लोकं जमायला सुरुवात झाली होती.

.

१२) समुद्राच्या दिशेहून येणारा वारा सोबतीला होता. पण तिथून तितकाच छान समुद्र नजरेस पडेल अश्या अपेक्षा ठेऊ नका. तिथे कोस्टल रोडचे काम चालू आहे ज्याने या गार्डनला समुद्रापासून तोडून टाकले आहे.

.

१३) पुढे जाऊन आम्ही शार्क आणि किल्ला असलेल्या गार्डनला पोहोचलो.

.

१४) थोडे ऐकायला बघायला विचित्र वाटेल. पण किल्याच्या आत लहान मुलांना ईथून तिथून रांगता येईल ईतकीच जागा असल्याने बरीच मुले किल्यावर चढूनच खेळत होती.

.

१५) शार्कही त्याला अपवाद नव्हता.

.

१६) त्याने अशी आपल्या तोंडात डोकावायचीच नाही तर त्याच्या तोंडात बसून फोटो काढायचीही परवानगी दिली होती.

.

१७) आता ऊन्हं मावळून संध्याकाळचा माहौल तयार होत होता.

.

१८) त्या संधीप्रकाशात न्हाऊन निघालेले हे एक तेथील अतिभव्य आणि अतिप्राचीन वृक्ष!

.

१९) आणि हा त्याच वृक्षाचा Front View
(वरचा फोटो लेकीने काढलेला. हल्ली मुलांना लहान वयात हातात मोबाईल कॅमेरा मिळत असल्याने त्यांचे असे वेगवेगळ्या अँगलने झूम वगैरे करत फोटो टिपणे चालू असते.)

.

२०) संध्याकाळी एक कट्टा पकडून मी सुद्धा बसलो. तिथून टिपलेला हा फोटो.

.

२१) आणि मुले जिथे खेळत होती तिथून दिसणारा हा सुर्यास्त

.

२२) या टायरचे नेमके प्रयोजन काय आहे हे मला समजले नाही. यात कोणता खेळ खेळायचा हे काही कळले नाही

.

२३) तिथे लेकीने बसल्याबसल्या एक ईन्स्टारील बनवली आणि ईथे असा स्वॅग दाखवायचा असतो म्हणत माझ्या प्रश्नाचे उत्तर दिले.

.

२४) तिथे पलीकडे सुर्य झावळ्यांमागून डोकावत आपला स्वॅग दाखवत होता.

.
२५) अंधारू लागले तसे वेडी वटवाघूळे अशी ऊलटी लटकताना दिसू लागली.

.

२६) शहाणी पाखरे मात्र शिस्तीत रांग लाऊन आपल्या घरट्याकडे परतत होती

.

२७) दिवे लागल्यावर तिथले रस्ते असे मोहक दिसू लागले

.

२८) आमचेही खेळून मन भरले असल्याने आम्ही मग फेरफटका मारणे पसंत केले.

.

२९) ३०) ३१) चालता चालताच बागेचे दोनचार फोटो टिपले.

.

.

.

३२) लहान मुले मात्र अजूनही त्यांचे प्लेग्राऊंड पकडून रमली होती

.

३३) ही मत्स्यकन्या तेवढी एकटीच झाडी झुडुपात दडून बसली होती. बिचारीला कोणीच भाव देत नसल्याने मग मीच तिचा एक फोटो काढला. त्यातही लेकीने मला दोन्ही हात हवेत ऊडवत विचारलेच, "हिचा का फोटो काढतोयस?"... बिचारी!

.

३४) तिचाच मग निरोप घेत, शेवटचा फोटो या दिव्यापलीकडच्या न दिसणार्‍या समुद्राचा टिपत मग आम्ही निघालो...

-----------------------------------------------

Address: Bhulabhai Desai Road, Breach Candy, Cumballa Hill (Behind American Consulate) , Mumbai, Maharashtra 400026

प्रवेश शुल्क - १० रुपये फक्त

ईथे शेजारीच Amarsons Garden म्हणून जॉगिंग पार्क आहे. तिथले प्रवेश शुल्क शून्य आहे.

एकेकाळी ईथून सुर्यास्त छान दिसत असावा... पण असो, गेले ते दिवस, विकासाची किंमत मोजावीच लागते

धन्यवाद,
ऋन्मेष