खेड्यातील जीवन व जेवण!!

२०२२, ला ३०५.५ मिलियन म्हणजे ३०.५ करोड lpg connections भारतात होती.
एका घरात चार माणसे पकडली तरी .
१२० करोड लोक गॅस वर चेच जेवण जेवतात.

हेमंत यांचे प्रतिसाद पटले.
शहरातल्या लोकांनी गॅस, मिक्सर, फ्रिज विकून गावात जाऊन रहावं आणि बायकोला रोज चुलीवर स्वैपाक करायला लावून आपण हाफपॅंटीत पडून रहावं असं सांगतात का त्या व्हिडिओजमध्ये?
काही लोकांना जंगलात जावून रात्र तिकडेच टेन्ट मध्ये काढावी असे वाटते.>> हो मला आवडतं. कोकणात जाण्याचं नशिबी नाही पण वर्षातून एकदा तरी कॅम्प ठोकून चूल नाही पण कोळसे पेटवून जे काही अर्धं कच्चं बनतं ते खायला मजा येते. त्याउलट काही लोकांना मॉल्स, आयफोन, फेसबुक, आजचं लेटेस्ट मीम यात मिळतो तो आनंद पुरेसा असतो. To each his own.

वावे, अस्मिता+१

भरत, लिंकबद्दल धन्यवाद

खुप चांगला व्यवसाय चालतो हा.
खुप लोकांस गावातील वातावरणात जावून दोन चार दिवस एन्जॉय करायला आवडत .
शहरातील रोज च्या जीवनाला कंटाळा येतो .
तेच ट्रॅफिक जाम, तेच प्रतेक ठिकाणी लाईन, घराची भिंत संपली की बाजूला दुसरे कुटुंब.
मोकळ्या जागेचा अभाव.
ह्याचा पण कंटाळा येतो .
.
प्रदूषित हवा, गोंगाट, हे पण नको वाटतं
मागे पुढे मोकळी जागा असणारे बंगले शहरात किती टक्के लोकांकडे आहेत.
गर्दी,गोंगाट पासून शांत जागी घर शहरात किती लोकांची आहेत.
अगदी नगण्य.
त्यांना वाटत ना .
वेगळ्या वातावरणात जावून काही दिवस तरी मनसोक्त राहावे

दुसरं म्हणजे गावाकडचं घर, अंगण, चुलीवरचं जेवण हे ज्यांनी पूर्वी स्वतः अनुभवलं आहे, त्यांना त्याची जी गोडी वाटते, ती कदाचित ज्यांचं संपूर्ण आयुष्य शहरात गेलंय त्यांना पूर्णपणे समजणार नाही. याबरोबर हेही आहे की ज्या माऊलीने चूल फुंकण्यात आयुष्य घालवलंय, तिला त्या गोडीपेक्षा गॅसवर स्वैपाक करण्याची सोय जास्त आवडेल.<<<< एकदम खर

चुलीवरचा स्वयंपाक <<< खूप लोकं कौतुक करतात, कदाचित चव / स्वाद छान येत ही असेल
पण त्या माउलीचे डोळे , तिची फुफ्फुस याचाही विचार व्हावा

लाकूड जाळणे <<< किती पर्यावरण विर्दी आहे याचाही विचार व्हावा

कधीतरी वर्षांतून एखाद्या वेळी सगळ्यांनी मिळून जुन्या आठवणी ताज्या करण्यासाठी, अनुभवण्यासाठी करणे ह्यात मजा आहे , असेल

पण चुलीवरचा स्वयंपाक, जात्यावरचे दळण, पाटयावरचे वाटण , खलबत्त्यातला कूट, विहिरीतलं रहाटाने काढायचं पाणी हे एक नॉस्टॅलजिया म्हणूनच छान आहे.

हे व्हिडिओस वाले लोकांच्या भावनांचा छान वापर करून घेतात ह अगदी खरं !
मी सगळे व्हिडिओ नाही बघितले, पण त वरून ताकभात.
हा धागा एकदम मस्त !

आणि लाकडे भार्‍यावर मिळतात, किलोवर नाही. गेल्या वर्षी दिडशे रु भारा होता. १०-१५ लांबलचक लाकडे असतात एका भार्‍यात. मला भारा उचलताही येत नाही, गावच्या स्त्रिया डोक्यावर घेऊन जंगलातुन येतात, त्या मेहनतीला १५०
खरेतर कमी आहेत. डोक्यावर वजन घेऊन चालणे शहरी लोकांना जमणार नाही. डोके सुन्न होते<<<<

डोक्यावरून, कमरेवरून मैलोन्मैल बायकांना पाणी आणावं लागतं <<< त्याचंही ग्लोरिफिकेशन करून दाखवतील

कोकण किंवा कुठलंही खेडेगाव तिथली कामं पर्यटक म्हणून अनुभवणे छान मजेचं असतं, तिथे कायम राहायचं तर कठीण त्यामुळे आता आधुनिक सोयी असताना चॉईस तिथे राहणाऱ्या लोकांना द्यावा. माझ्या सा बा गॅस अनेक वर्ष असतानाही चुल वापरावी, लाकडे घरची फुकट वगैरे मताच्या होत्या. जाऊबाई पोळ्या, दुपारचा चहा, रात्री वन मिल डिश गॅसवर करायच्या मताच्या होत्या. बरोबर होतं त्यांचं. सकाळी आंघोळीचे पाणी बाहेर चुलीवर तापवतात. गुरगुरीत भात, आमटी भात चुलीवर होतो.

सकाळी आंघोळीचे पाणी बाहेर चुलीवर तापवतात. <<<< आमच्या कडे पण गावाला. नारळाच्या पडलेल्या सुक्या झावळ्या, काथ्या, सुक्या फांद्या वापरतात .

हो आणि पातेरा( आजूबाजूच्या सर्व झाडांची वाळलेली पाने) वापरतात.

मिक्सर मध्ये तयार केलेला मसाला आणि पाटा वरवंटा वापरून तयार केलेला मसाला ह्या मध्ये चवीत खूप फरक असतो.
Cooker मध्ये तयार केलेला भात आणि टोपात तयार केलेला भात.
चवीत खूप फरक असतो.
तंदुरी साठी तंदूर च लागतो .
ज्या मध्ये कोळसा वापरतात.
गॅस वर तंदुरी रोटी त्या दर्जा ची बनत नाही.
सोयी सुविधा खेडेगावात पण आहेत.
पण काही पारंपरिक पदार्थ हे उत्तम च असतात.
निराश, नीरस कसलेच छंद नसणारे बोअर लोकांसाठी .
ते व्हिडिओ यूट्यूब वर नसतात.
त्यांनी त्या व्हिडिओ च्या नादाला नाही लागायचं.

कुठल्या तरी दुर्गम भागात असणाऱ्या आदिवासी पड्याचे दृष्य डोळ्या समोर आणायचे आणि खेडे गाव आता अशीच आहेत असा भ्रम निर्माण करून घ्यायचा.
30 ते 40 वर्ष गावाशी संबंध च न ठेवणे .
त्या मुळे आज ची स्थिती खूप लोकांना माहीत नाही.
माझे गाव पण खेडेगाव च आहे.
पूर्ण गावात डांबरी रस्ता आहे.
घरात नळाने पाणी येते आणि फुल फोर्स नी दोन तीन तास असते.

आणी प्रतेक घरात आड पण आहेत .
वीज,टीव्ही, freeze आहे.
जवळ जवळ सर्व घरे rcc मध्ये आहेत.
घरटी बाईक आहे.
खुप मोठ्या प्रमाणात चार चाकी गाड्या आहेत.
क्लिनिक आहेत.
प्रतेक घरातील व्यक्ती कडे मोबाईल आहे.
तुम्ही कोणत्या दुनियेत आहात की तीस वर्ष पूर्वी जशी गाव होती तशी आज पण आहेत.
कोणी लाकडे तोडून,गोळा करून आणत नाही.

चूल, त्यातून येत राहाणारा मंद धूर, गोवऱ्या, सरपण, विहीर, रहाट, महिलांच्या डोक्यावरचे हंडे, कंबरेवरची गगरिया, पनिया भरन, गोठा, हंबरणाऱ्या गायी, घुंगुरवाली गुरे, धारोष्ण दूध ही सर्व पुरुषांच्या मनातली सुप्त स्वप्ने असावीत का? "सपीत मन के दुराए ( वराए, बराए) राखूं जो जा के पाऊं पिया की पतिया"!

आणी प्रतेक घरात आड पण आहेत .
वीज,टीव्ही, freeze आहे.
जवळ जवळ सर्व घरे rcc मध्ये आहेत.
घरटी बाईक आहे.
खुप मोठ्या प्रमाणात चार चाकी गाड्या आहेत.
क्लिनिक आहेत.
प्रतेक घरातील व्यक्ती कडे मोबाईल आहे.
तुम्ही कोणत्या दुनियेत आहात की तीस वर्ष पूर्वी जशी गाव होती तशी आज पण आहेत.
कोणी लाकडे तोडून,गोळा करून आणत नाही.
>>>>
हेमंत, तुम्ही सुखवस्तू, मध्यम वर्गाची गोष्ट करताहात. त्या पलीकडे एक वर्ग आहे ज्यांना गॅस परवडत नाही म्हणून चूल वापरावी लागते. चुलीसाठी लाकडे गोळा करणे, पावसाळ्यात ओल्या लाकडांमुळे धूर होणे वगैरे त्रास असतो. आणि जंगलात वणवा लागला की लाकडे भरमसाठ दराने विकत घ्यावी लागतात. डोंगरावर चढावर घर आहे म्हणून गावात नळ असला तरी हंडे भरून वहावे लागतात. त्या बायकांना उन्हाळ्यात चुलीवरचे जेवण म्हणजे वैताग असतो.
शहरी मध्यम वर्गाची फँटसि म्हणून ठीक आहे. जेवणाला स्मोकी फ्लेवरमुळे चांगली चवही येत असेल. पण नेहमीसाठी नकोच.

ममो, तो बोलताना लिस्पिंग करतो, त्यामुळे तो घोळवुन बोलतो असे तुला वाटले असावे. हा एक दोष आहे, उपाय बहुतेक नसावा किंवा तो करण्याची तातडीची गरज वाटत नसावी. >> ohhh, साधना , असं आहे होय ...

बाकी मला हेमंत यांचे प्रतिसाद पटले आहेत. गावाकडच्या सगळ्या लोकांची life style सगळ्या फ्रंटवर खूप बदलली आहे ही वस्तुस्थिती आहे. म्हणजे ते मला आवडत नाहीये किंवा त्यांनी कायम पाट्यावर वाटावे कंदिलाच्या प्रकाशात रात्री काढाव्यात असे मला अजिबातच वाटत नाही पण मी खूप वेळा गावाला जात असल्याने बदल दरवेळी जाणवतातच.

>> गावाकडच्या सगळ्या लोकांची life style सगळ्या फ्रंटवर खूप बदलली आहे ही वस्तुस्थिती आहे. >> असणारच. शहरं किती बदलली आहेत. आमच्याकडे कोकणात खूप वर्ष चुलीवर सगळा स्वैपाक व्हायचा. पण सगळे मुंबईकर उठून जात असल्याने कुणालाच फार सवय नव्हती चुलीवरची. मग हळूहळू गॅस आला. मग शेणाच्या जमिनी जाऊन टाईल्स आल्या, मिक्सर आले. सोयी होणारच. आपल्याला चुलीवरच्या जेवणाची चव आवडत म्हणून किती वर्ष तेच शक्य आहे?

मला ही तेच वाटतय सायो जे तू लिहिलं आहेस. मी वर ही लिहिलं आहेच.
म्हणजे ते मला आवडत नाहीये किंवा त्यांनी कायम पाट्यावर वाटावे कंदिलाच्या प्रकाशात रात्री काढाव्यात असे मला अजिबातच वाटत नाही पण मी खूप वेळा गावाला जात असल्याने बदल दरवेळी जाणवतातच. >> मी फक्त बदल झालेत एवढंच म्हणतेय.

ममो, मी तुमच्या पोस्टच्या अनुषंगाने लिहिलं आहे, तुम्हांला उद्देशून नव्हे. गैरसमज नसावा. कालच लिहिणार होते पण जमलं नाही.

मुंबई ची स्थिती कशी बदलत गेली ते पण बघितले आहे .
८८/८९ च काळ.
१), जेवण स्टीव्ह वर बनवले जात असे.
तेव्हा गावात चुलीवर,कोळसा किंवा भाताच्या kondya च्या शेगडीवर,stove वर.
२), रेशन दुकान समोर मुंबई मध्ये सकाळी लवकर उठून लाईन लावायला लागायची,दूध फक्त सकाळी च दूध केंद्रावर मिळे
३) मुंबई मध्ये लहान लहान रूम च होत्या ,१०० पासून २२५ वर्ग फूट च्या त्या मध्ये दहा बारा माणसं हीच स्थिती होती.
गावी कच्ची घर होती.
मातीच्या भिंती, कौल मातीची, जमीन शेणाची .
दर वर्षी छत शेखरावे लागायचे पावूस सुरु होण्या अगोदर.
गायी ,म्हशी अगदी घरात च असतं.
४) मुंबई मध्ये ज्यांची लग्न झाली नाहीत ते बाहेर गटार वर khat टाकून झोपायचे.
वरून डास खालून उंदीर .
५) आता मुंबई मध्ये मोठ्या घरात लोक राहतात.
दहा माणसाचे कुटुंब लहान होवून तीन चार माणसाचे झाले.
सर्व सुख सोयी आल्या.
बदल तर खूप झाला.
६), त्या प्रमाणे गाव पण बदलली, जुनी माती ची घर जावून पक्की घर आली
चूल जावून गॅस आला.
गाड्या आल्या.
७), पण पूर्ण च शहर बदलली का ?
तर नाही.
आज पण मुंबई मध्ये झोपड्या आहेत.
अगदी खाडी मध्ये,वाहणाऱ्या गटार जवळ.
बिलकुल स्थिती न बदलेली लोक मुंबई मध्ये पण अजून शिल्लक आहेत
तशी गावात पण काही कुटुंब अजून जुन्या स्थिती मध्येच राहत आहेत.
पण सर्रास दिसणारी ती स्थिती आज नाही.

अमा नैवेद्य दाखवताना ताटात मीठ वाढत नाहीत, करेक्ट एकदम. कणिक भिजवतानाचाही मुद्दा योग्य.

आपण मायबोलीवर फुकटात कळफलक बडवंती करत बसलोय आणि तिकडे पोरे कळफलक बडवंती करुन म्हैन्याचे अडिज लाख काडुन राहिले की वो..

https://youtu.be/9UsVyVaYQuY

रच्याकने, हेमंत ३३३ हा आइडी कुठच्या आयव्हरी टॉवरवर बसलाय याचे सतत औत्सुक्य वाटते. भारी उंच असणार हा टॉवर, तिथुन समग्र जगाच्या उंटावरुन शेळ्या आय मिन समग्र जगाचे ज्ञान मिळते.

तुम्ही आंबोली ना. आत्ता सहज youtube वर मूळचे आंबोलीचे श्री आणि संजीवनी सावंत यांचा ऑस्ट्रेलियातला vlog बघण्यात आला, त्यांनी आंबोलीचे ते सांगितलं आणि साधना मला पटकन तुम्ही आठवलात. त्यांना कोकणातील काहीजणांचे vlogs बघून vlogs करावेसे वाटले >>> ही माझी मैत्रिण आहे अन्जुताई.

साधना जी नी जो व्हिडिओ पाठवलं आहे त्या वरून अंदाज आला असेल गाव पण हल्ली हायटेक झाली आहेत

धागा वाचत होते..मी फक्त रानमाणूस पाहिले आहे १-२ एपिसोड्स. बडेजाव न करता साधेपणाने शूट केलेला व्लॉग वाटला.
घरात एक पुस्तक नाही का तिला एक मैत्रिण नाही की काही ब्रेक नाही>>> हे जास्त होतंय असं मला वाटतंय.. मुळ उद्देश जर फूड व्लॉगिंग आहे तर तिचा पर्सनल आराम, मैत्रिणी किंवा छंद कशाला दाखवत बसतिल ते लोक?? हे कन्क्लुजन काढणं जास्त नाही का होत?

ती जर मिक्सर वापरायला लागली तर तिच्यात आणि आपल्यात काय तो फरक? मग तिचे चॅनेल कसे चालेल?

aashu29 +11

अरे वा पेरू, मला पर्थ म्हटल्यावर तू आठवली होतीस, म्हटलं कधीतरी दिसशीलही, तू आणि ट्विन्स महाराष्ट्र मंडळ वगैरे ठिकाणी, अजून फार नाही बघितले.

काल त्या रेड सॉईलचा श्रीखंडाचा व्हिडिओ यूट्यूबवर सजेशनमधे आला. व्हिडिओग्राफी छान वाटली. पण लिझीकीची कॉपी असावी असं लगेचच वाटलं. लाकडी ट्रेमधून वस्तू आणून ठेवणं,शेतातून चालतानाची दृश्यं, कुत्रा वगैरे दाखवणं हे अगदी लिझीकीची आठवण करून देणारं. सगळा नाही बघितला, पण लिझीकी ती लिझीकी.
लिझीकी काय किंवा रेड सॉईल किंवा तत्सम लोक काय, नेत्रसुख म्हणूनच त्यांचे व्हिडिओ बघायचे. त्यात बघून पाककृती करण्यासाठी ते नाहीच. तिने चक्का करण्यासाठी दही फडक्यात बांधून तसंच ओट्यावर ठेवलं तेव्हा माझ्या मनात लगेचच 'आता इथे भरपूर केंबरं (चिलटं) जमा होणार' हाच विचार आला.

मी नाही दिसायची गं शक्यतो तिच्या व्हिडीओत. ती बाकिच्या युट्युबर सारखी जिकडे तिकडे रेकॉर्ड करत बसत नाही ती. तिला एखाद्या व्हिडीओत तुला हॅलो करायला सांगते थांब.

<<<लिझीकी काय किंवा रेड सॉईल किंवा तत्सम लोक काय, नेत्रसुख म्हणूनच त्यांचे व्हिडिओ बघायचे. त्यात बघून पाककृती करण्यासाठी ते नाहीच>>>

एकदम सहमत ..

एखाद्याला ट्रोल करणं किती सोपं आहे नाई आजकाल ?
नाही आवडत व्हिडीओ तर नका ना बघु. पण तो व्हिडिओ किंवा चॅनेल कसा बकवास हे इतका मोठा लेख लिहुन क्रीटीसाईज करत बसायची खरच गरज आहे का ? बर गंमत म्हणुन लेख लिहिला इथवर ठीक आहे पण त्या बाई ला मैत्रिणीच कशा नाहित, ती पुस्तक बिस्तक वाचते का नाही हे जरा पर्सनल वाटले. ५-७ मिनिटात ती बाई आणी तिचा नवरा दिवसातले २४ तास काय करतात हे कसं दाखवतील ? बरं असं दाखवत बसलं तरी तुम्ही म्हणणार की फुड चॅनेल आहे तर हे काय भलतच दाखवत बसलेत. एकंदर काय तर आवडत नाही तर बघु नका.

३० सेकंदाचे रील बनवायला काय आणि किती कष्ट लागता ते एखाद्या ईंस्टा युजर ला विचारा. मग एक अख्खा पदार्थ बनवायचा, ते सगळं रेकॉर्ड करायचं, एडीट करायचं यात किती कष्ट असतील जरा विचार करुयात.