ईलेक्ट्रीक सायकल कोणती घ्यावी?

एक जनरल फीड बॅक, तुमच्या केस मध्ये कदाचित ॲपलिकेबल नसेल,

मित्राने hero chi सायकल घेतली होती, बाकी वापरण्याच्या दृष्टीने काही प्रोब्लेम नव्हता, भोसले नगर ते law कॉलेज रोड टप्यासाठी त्याला भयंकर आवडली होती.
मात्र जास्त वजनामुळे दुसऱ्या मजल्यावर वरच्या घरी घेऊन जायला जीव मेटाकुटीला यायचा.
स्विमिंग ल घेऊन यायचा तिकडे रोटेतिंग गेट पार करायला ती उचलून घ्यावी लागायची, ते सुध्धा जीवावर यायचे.

So उचलून घेणे हा फॅक्टर कुठे येत असेल तर एकदा विचार करा.

किंवा लांब वायर खिडकीतून खाली सोडायची.

डिटॅचेबल बॅटरी असलेली सायकल महाग आहे पण सोयीची आहे ५०००० /६०००० च्या आसपास मिळेल

50/60k ??? Is it worth it?
त्या पेक्षा चांगल्या ब्रँड ची सायकल घेतली तर फायदेशीर पडेल,

डेली 10-15 km one way अंतर असले तरी साधी सायकल वापरण्याजोगी आहेच.
दिवसाच्या शेवटी कंटाळा येतो हे जरी खरे असले तरी दहा पंधरा दिवसांच्या सवयी नंतर त्याचे फारसे काही वाटणार नाही.
हवे तर मित्राकडून सायकल घेऊन ट्रायल करून पहा महिना भर.

Sorry अतरंगी, धाग्याच्या मूळ उद्देशालाच सुरुंग लावतो आहे

या सायकल ईतक्या का महाग आहेत हे पण कळत नाही. कदाचित थोडे थांबल्यास अजून चांगली मॉडेल्स स्वस्तात मिळून जातील.

नवीन Submitted by अतरंगी on 2 August, 2022 - 06:00

थोडे थांबून करता करता महागाई आणि दहा बारा टॅक्सेस लावून किमती वाढून एवढ्या झाल्यात. हा हा हा हा

तुम्ही राहत तो भाग फारच चढ उतार वाला असेल आणि तेवढा फिटनेस नसेल पण सायकल चालवावी वाटत असेल तरच घ्या

किंमत, मेंटेनन्स, चार्जिंग हा व्याप बघता साधी सायकल सुटसुटीत होते
सिम्बा यांनी म्हणल्याप्रमाणे काही दिवसात सवय होईल
व्यायाम होईल, फिटनेस वाढेल

मुलांना तर अजिबात देऊ नये असे माझं वैयक्तिक मत

या सायकल ईतक्या का महाग आहेत हे पण कळत नाही. कदाचित थोडे थांबल्यास अजून चांगली मॉडेल्स स्वस्तात मिळून जातील. >> कमी व्हायची शकयताच नाहिये, किमती वाढतच जाणार आहेत. बरीच कारणे आहेत पण विषयांतर होइल

>>>>> राहत तो भाग फारच चढ उतार वाला असेल आणि तेवढा फिटनेस नसेल पण सायकल चालवावी वाटत असेल तरच घ्या>>>

पण यातला कॅच असा, की e cycle che वजन बऱ्यापैकी जास्त असते, त्यामुळे फिटनेस नसताना फार चढ उतार नसताना सुध्धा पायडल मारून चालवायला ही सायकल जड जाते.
मग ती असिस्ट मोड मध्येच वापरली जाते.

हो असिस्ट मोडमध्येच
नुसती सायकल खरेच जड आहे

आमच्या इथे एकाने घेतलीय
असिस्ट असेल तरच

पण मला त्यात सायकली चे थ्रिल च गेल्यासारखं वाटलं

असे सर्व असताना सायकल पेक्षा बैटरी वरची स्कूटर बरी असे नाही का वाटत ?

बैटरी वरची स्कूटर १ लाखच्या खाली नाहिच.
स्वस्तातली बैटरी वरची सायकल आली (१५-२० हजार) तर उपयोग आहे

किंमत हां मुद्दा १५ पासून पुढे ५५ वाली का नको असा प्रवास करत मग शेवटी बॅटरी वाली जड़ असल्याने पॅडलिंग सहज शक्य नाही ह्या सत्या पर्यन्त आल्यावर जर नुसतेच बसून प्रवास करायचे तर ई स्कूटर हीच बरी ना ?
सायकल हां चॉईस बेसिकली व्यायाम घडावा म्हणून सुचवला / निवडला जातो, पण जर पूर्णपणे मूळ उद्देशच विफल होत असेल तर ई सायकल पेक्षा ई स्कूटर अधिक बरी !!
सायकल साधी असो की बॅटरीवाली, ती सुरक्षित आणि सुलभ रित्या चालवता येण्याजोग्य रस्ते आहेत का हां सुद्धा महत्वाचा मुद्दा भारतात लागू होऊ शकतो.
व्यायाम = साधी सायकल
आरामशीर प्रवास + व्यायाम = गिअर वाली सायकल
विना कष्टाचा किफायतशीर प्रवास = ई सायकल

ई-सायकल ला सबसिडी असते का? असायला हवी..... >>> दिल्लि मध्ये दिली आहे ५५००. बाकिच्या राज्यात नाहिये बहुतेक.

- नॉर्मल सायकल मध्ये configuration chi वर्सातालिटी जास्त मिळेल.
- नॉर्मल हायब्रीड सायकल घेऊन पुढेमागे छोट्या ट्रीप/ लाँग rides करू शकता
- asist मोड न वापरायचा निश्चय कितीही स्तुत्य असला तरी... सोय उपलब्ध असताना वापरायचा मानवी स्वभाव वाईट असतो
मात्र..
- " वय वाढल्यामुळे यांनी स्वयंचलित दुचाकी चालवू नये " असे ज्ये ना घरात असतील तर त्यांना हा पर्याय चांगला आहे,

माझे मत -
स्वतः वापरण्यासाठी नॉर्मल सायकलला पसंती.
ज्यें ना आणि तुम्ही अशी सोय पहात असाल तर e cycle चालेल.

आता थांबतो.
काय निर्णय घेतलात आणि e सायकल चे अनुभव इकडे नक्की अपडेट करा

मी सायकल वापरायला सुरूवात करण्या आधी इलेक्ट्रीक सायकल चालू केली आहे.
हिरो लेक्ट्रा सी ७ , (गिअर्स सहीत) . पॅडल मोड मधे गिअरचा फायदा होतो.
रोजचे माझे जाऊन येऊन अंतर सुमारे ५२ ते ५५ किमी होते. सुरूवातीला नळ स्टॉप पर्यंत जाऊन मेट्रोने काही अंतर जाऊन नंतर पुन्हा पुढचा प्रवास सायकल असे केले (मेट्रोत सायकल नेता येते).
आता दिवसभर सायकल चार्जिंगला लावून संपूर्ण अंतर सायकलवरच कापतो.
सध्या रोज नेत नाही. सवय होईल तस तसे रोज वाढवत नेण्याचे नियोजन आहे. नंतर साधी सायकल नेण्याचा विचार आहे.
इलेक्ट्रीक असली तरी व्यायाम चांगला घडतो. (मायबोलीवर येण्याचे त्राण राहत नाहीत. आल्यावर जेवणाची पण शुद्ध राहत नाही. झोप येते).

जाणवलेल्या काही गोष्टी

- पुणे शहर हे सायकलींसाठी सर्वात धोकादायक शहर आहे.
-पीएमटी बसवाले ,मोठे एसयुव्ही वाले डावीकडून ओव्हर टेक करतात. तुम्हाला उजवीकडे दाबतात.
- चौकात तारांबळ उडवून द्यायला सिग्नलमोडे, नागमोडे, फटीत गाडीघाले तत्पर असतात.
- सायकलला दोन्ही आरसे, दणदणीत हॉर्न बसवणे गरजेचे आहे.
- हॉर्न वाजवू नये असे सांगणारे तुमच्या जिवाचे बरे वाईट व्हावे म्हणून तसे सांगतात असे खुशाल समजावे.
- निव्वळ बॅटरी फक्त गंतव्य स्थान जवळ आल्यावर आणि रहदारी फारशी नसतानाच वापरावी. पॅडल असिस्ट मधे सायकल वर नियंत्रण चांगले राहते.

तोटे तर काही वाटत नाहीत. रस्त्यावरची सुरक्षितता हा मुद्दा आहे.
फायदे अनंत आहेत.
माझा फिटनेस वाढला. वजन पंधरा किलो घटले. चेहरा बारीक झाला.
सर्दीचा त्रास गेला. लिव्हरचे त्रास जवळपास संपले आहेत. मध्यंतरी चेहरा ( आणि सर्वच अंग ) काळवंडले होते. तो राप जाऊन मूळचा रंग पुन्हा दिसू लागला आहे. (लिव्हर आजारी असल्यावर होते).
सायकल चालू करण्याआधी आशुचँप यांचे धागे वाचले तर उत्तम.

खूप दिवस कसलाच व्यायाम नसेल तर टांग मारणे हे दिव्य होऊन बसते. त्यासाठी सोसायटीतल्या सोसायटीत काही महीने सायकल चालवली.
मांड्या, पिंडर्‍या, पायातल्या लिगॅमेंट्सला मजबूती आल्याशिवाय टांग मारता येत नाही. सायकल चालवण्याबरोबरच त्याचे व्यायाम केलेले बरे.

सायकल बरोबर लिंबू + पाणी + मीठ + सब्जा हे सरबत एका बाटलीत ठेवले तर फायदा होतो. बॅगेत संत्री असू द्यावीत. सकाळी नाश्त्याला फळ घ्यावे.

उन्हाचे दिवस असल्याने पहाटे चार - पाच वाजता सायकल चालवावी. ऑफीसला नेत असाल तर आठच्या आत पोहोचण्याचे नियोजन करावे. जाऊन वाट बघत बसलेले चांगले. हवं तर एखादे पुस्तक ठेवावे. संध्याकाळी उन्हं उतरल्यावरच सायकल चालवावी. सकाळी सायकल चालवली असेल तर सायंकाळी त्रास होत नाही. उन्हाच्या दिवसात सायंकाळीही तापमान एरव्हीपेक्षा जास्त असते. त्यामुळे एकदम सायंकाळी चालवू नये.

सायकल चालवण्यात तरबेज होईपर्यंत सीटची उंची हा कळीचा मुद्दा आहे. रस्त्यात पटकन उतरून पुन्हा चढण्यासाठी लवचिकता नसेल तर काही दिवस पाय टेकेल इतपतच सीटची उंची राहू द्यावी. त्याने त्रास होतो पण हा त्रास सहन केला तर शरीर लवचिक होते.

सायकल मी जिन्यानेच वर खाली नेतो. एकदा जिन्यावरून वर न्यायची कमी कष्टाची ट्रिक समजली कि तो मुद्दाच राहत नाही.
लिफ्टमधून पूर्वी जात होती. पण कॅरीअर बसवल्याने ते जमत नाही. मागच्या चाकावर उभी केली तर जाऊ शकते. पण बरेचदा लिफ्ट मोकळी नसल्याने जिन्यावरून न्यायची सवय करून घेतलेली बरी.

Folding e-bicycle असतात त्यांचा काय अनुभव कोणाला ?

ही बघून ठेवली आहे.
घ्यायला मुहूर्त कधी लागणार देव जाणे