संतूर

Submitted by अनन्त्_यात्री on 2 July, 2022 - 07:26

स्वरतत्वाचे तुषार अगणित
भवतालाला व्यापुनी उरले

रोमरोम पुलकित करणार्‍या
स्वरपुंजांनी गारूड केले

स्वरचित्रातील अवकाशाच्या
नव्या मितीने मला खुणविले

स्वरलहरींचे जललहरींशी
निगूढ नाते पुनश्च कळले

स्वरशिल्पातील अमूर्ततेचा
चिरंतनाशी घालुनी मेळ
शब्दावाचून कानी गुंजला
विलक्षणाचा अद्भुत खेळ

विषय: 
संगीत
काव्यलेखन
Groups audience: 
गुलमोहर - कविता
Group content visibility: 
Use group defaults
शेअर करा

स्वरशिल्पातील अमूर्ततेचा
चिरंतनाशी घालुनी मेळ
शब्दावाचून कानी गुंजला
विलक्षणाचा अद्भुत खेळ

वाह... सुंदर

Submitted by दत्तात्रय साळुंके on 4 July, 2022 - 06:36