माय नेम इज ब्लॉगर, फूड ब्लॉगर !

जुन्या काळातील कढ. मला वाटतं ते मिक्सर वर गुपचूप वाटून मग पुन्हा पाट्यावर टाकण्याची ॲक्टिंग करत असतील. तुम्ही पाककृती करून बघण्यापेक्षा असेच माईन्डलेस बघण्यासाठी असतात ते चॅनल्स. त्यांचं खेळपाणी आपण पाहायचं असं काही तरी.

लिझिकीने आणलेला ट्रेंड आहे. ती घोड्यावरून जाते, पाणी शेंदून काढते आणि तिचे पपीज कधीच मोठे होत नाहीत. मग तिची आजी हॅ हॅ करत ते आग आग लोणचं खाते. "म्हातारीला झळ लागायची" असं आपण मनात म्हणतो. लिझिकी आपल्याशी फटकून वागते, बोलत नाही. म्हातारी आपल्याच नादात असते. तरीही आपण यडं पाहिल्यासारखं पाहतो.

मीही सध्या रेड सॉईल स्टोरीज बघते. बऱ्याचदा तुम्ही करून पाहू शकत नाही अशाच रेसिपीज असतात. आम्हाला फार बडबडही सहन होत नाही म्हणून रणबीर ब्रार क्वचित बघतो. संज्योत कीर आवडतो, सगळ्यात बेस्ट! खरंच करून पाहायचं असेल तर फार कमी जणं आहेत.

>> मग जेवण करणारी व्यक्ती हळू हळू मातीचे भांडे, मग लाकडाच्या पळ्या, मग पितळेची भांडी असे एकेक गोष्ट रिप्लेस करत जाते.
मग काड्या काड्या पायांचे आणि त्रिकोणी शरीरांचे पांढरे वारली हळूच सारवलेल्या मातीवर कुडावर उमटू लागतात. मग चूल दिसते, मग पाटा वरवंटा,>> बरोबर आहे. सगळ्या गावच्या चॅनलवर हे असंच दिसतं.

इथे त्यांच्या फॅन क्लबला आवडणार नाही पण रेड सॉइल स्टोरीजवाले पण हीच थीम फॉलो करत होते. त्यांच्या बऱ्याच रेसिपीज त्यांना मुंबईत बसून पण दाखवता आल्या असत्या असं बघताना जाणवतं.>>>

मी रेड सॉइलची फॅन नाहीय हे आधीच सांगते. त्यांना रेसिपी चॅनेल सुरु करायचे नव्हते, ते दोघेही शेफ वगैरे नाहीत. लि झिकि पासुन प्रेरणा घेऊन आपल्या कोकणातले गाव दाखवायचे हेत्यानी ठरवले असे सुरबातीच्या एका मुलाखतीत त्यांनी सांगितले होते. म्हणुन त्यांनी गावी येऊन पुर्ण सेटप तयार केला व विडिओ सुरु केले.

रणवीर ब्रार शेफ आहे. तो मुंबईत बसुन रेसिप्या दाखवतो. त्याला मार्केटात जाऊन भाजी निवडतानापासुन सुरबात करायची गरज वाटत नाही. त्याला पदार्थामागची रासायनिक प्रक्रिया सांगण्यात जास्त रस आहे. मी याची मात्र फॅन आहे

मी आधी रेड सॉइल टाईप विडिओज खुप पाहायचे. मग कंटाळा आला. लिझिकि बंद पडली. तिच्या इथलीच दियांशी अजुन आहे पण आता तिचे विडिओ म्हणजे यश चोप्राचे स्विसि विडिओज वाटतात. ती गरिब होती तेव्हाच जास्त छान होती. या मंडळींपासुन प्रेरणा घेऊन आपल्याकडेही आता काहीजण पदार्थांवर पाव किलोभर उकळते तेल ओततात. भारतात कुठल्या प्रांतात अशी फोडणी देतात देव जाणे. वरुन दिल्या जाणार्‍या फोडणीत इतके तेल नसते.

हे सहज अवांतर. तेल उकळत नाही पण लक्षात आले. तेलाला उत्कलन बिंदू नाही, ज्वलन बिंदू आहे. ते जळते आणि धूर येतो. अलिबाबात चोरांवर सुद्धा मर्जिनाने उकळते तेल घातले होते, तिथून प्रेरित असेल. पण एकोणचाळीस चोर अशा फोडणीनेच गेले.

हो. एका सो कॉल्ड गावरान चॅनेलवर एका बाईने चुलीवर (कढईत) कॉर्न डॉग करून दाखवले. गावातल्या मुलांनी ते खाऊ नयेत किंवा बायकांनी ते बनवू नयेत असं माझं मुळीच म्हणणं नाही. पण ते गावरान चवीच्या नावाने का खपवता?

हे फूड चॅनेलवाले 3 कॅटेगरीत मोडतात
- पितळी कढया, मातीचे तवे, लाकडी चमचे वगैरे रस्टिक लूकवाले
- संजीव कपूर, रणवीर ब्रारसारखे एलिट ज्यांची भांडी उत्तम दर्जाची आणि त्या त्या पदार्थासाठी योग्य असतात म्हणजे बिर्याणीसाठी देग, नॉनव्हेजसाठी लंगडी, चिनी मातीचे/सिरॅमिकचे तेलाचे बुधले
- स्क्रॅच पडलेली नॉन स्टिक भांडी, सिलिकॉनचे स्पॅचुलावाले. या स्पॅचुलाचे रंगरूप अत्यंत गरम पदार्थ किंवा मसालेदार भारतीय पदार्थ ढवळून बदलेले असते.

अशाच एका माझी आजी का आजी आपली ह्या चॅनेलवर त्या ६५+ आज्जीने नगेट्स बनवल्या. त्या बाई काहीही बनवत असतात. दोन मिलियन फॉलोअर आहेत. अजून काय हवे. पिझ्झा बर्गर पास्ता सगळे बनवतात एकदम गावरान स्टाईल. म्हणजे बहुदा इटली वरून इकडे स्थलांतरित झाले असावेत त्यांचे पूर्वज.
अजून एक.. संक्रांत कशी रंगावर येते तशी यंदा दिवाळी चंपाकळी वर आली आहे. एकजात सगळ्या बाया तेच दाखवत आहेत चंपाकळी. वैताग.
बाकी हा धागा वर आला की अमांची फार आठवण येते.

अजून एक चॅनल आमच्या घरी खूप आवडायचं ते म्हणजे कोणीतरी दक्षिण भारतीय लोकांचा ग्रुप मोठ्या प्रमाणात जेवण बनवतो आणि ते लोक वृद्धाश्रम किंवा गरीब लोकांमध्ये ते अन्न नेऊन व्यवस्थित सर्व्ह करतात. त्यांचा हेतू चांगलाच आहे पण सगळे अन्न बनवताना फार जोरजोरात बोलत आणि आरडाओरडा करत असतात. त्यात भाषा अजिबात समजत नाही. त्यामुळे नंतर डोकं दुखतं. शिवाय मोठ्या प्रमाणात बनवतात त्यामुळे हायजिन फार मेन्टेन होत नाही ते खटकतं बघताना.

बाकी हा धागा वर आला की अमांची फार आठवण येते. >>>> +१११११

हेहे!! मजा आली हे वाचून.
शिवाय ते एक पूर्ण पीस चुरडून वाया घालवून दाखवणारे लोक, पदार्थ किती कुरकुरीत झालाय दाखवायला.जीव फार कळवळतो. इतकी मेहनत केलीय तर अशी मोडतोड का करायची पदार्थाची?एक छोटा तुकडा मोडून तो चुरडून दाखवा.
काल एक व्हिडिओ पाहिला(म्हणजे ट्रेंड बघून अल्गोरिदम ने तोंडात कोंबला) त्यात परातीच्या आजूबाजूला माश्या फिरत, कणकेवर बसत होत्या आणि मग त्या कणकेचा गोळा तोडून तो पोळपाटावर ठेवून त्यावर बऱ्यापैकी रंगीत आणि क्वेश्चनेबल स्वच्छता असलेले मडके फिरवून आपटून आपटून सपाट पोळी बनवली.ठिके आम्ही पण काय घरी हातमोजे घालून स्वयंपाक करत नाही, गरीब असतील पण किमान लोकांना दाखवताना तरी माश्या कमी असलेल्या जागी जाऊन शूटिंग करावे ना.

लिझिकी फारच सॉलिड होती.तिच्या कॅमेरा चे अँगल पाहून ती एकटी ट्रायपॉड वर कॅमेरा लावून हे सर्व करते यावर अजिबात विश्वास नाही.

सध्या मांजरे आणि त्यांच्यावर प्रेम करणारे, पाप्या घेणारे दाढीमिशाळ बुवाजी किंवा त्यांचे लाड करून त्यांना फटके देणाऱ्या माजी हाही ट्रेंड आहे.आणि ते मांजरांना कपडे आणि टोप्या घालून विमानात बसवून न्यूयॉर्क पॅरिस ला हिंडवणारे आणि खांद्यावरून सगळीकडे घेऊन जाणारे लोक.मला पुढचा जन्म ते स्पॉंजकेक किंवा बटरकप माऊ बनून पाहिजे.त्यांची मांजरं इतकी शिस्तीची आहेत की मांजरांना हिप्नॉताईझ केलंय अशी शंका यावी.शिवाय सारखं काय कडेवर घेऊन फिरायचं?आणि सतत कपडे आणि टोप्या?घरीपण घरातले कपडे म्हणून बनियान बर्म्युडा घालत असतील ही माऊ. किंवा त्या जुन्या पिक्चर मधल्या श्रीमंत इफ्तेकार किंवा प्राण सारखे रेशमी प्रिंटेड हाऊसकोट.

कधीतरी चालू दे ना त्या मावांना. त्यापेक्षा मग मला स्वामींनी फूड स्टॉल वाल्यांचा बबन बोक्याचा व्हिडीओ आवडतो.

यात आणि एक पीळ प्रकार म्हणजे 'घर मे कुछ नही है?फिरभी मिठा खाने का मन कर रहा है?ये लिजीए एक आसान मिठाई.' म्हणून पुढचा 1 तास किमान 10 नाजूक, कौशल्य पूर्ण स्टेप्स करून घेवर बनवणाऱ्या बायका.

लिझिकिची टिम होती. तिने एकदा दखवलेली. त्यांना तिने जेवण वाढल्यावर समोर येऊन खायला सांगितले होते. तिच्या मार्केटिंग मॅनेजर टिममुळेच तर तिची वाट्लागली.

आणि ते बांबुचे घर , त्याचे छप्पर त्यावर नुसती गुलाब आणि कसलिकसले फुले, शेतात हात घालेल तिथे रताळी बटाटे वगैरे एकट्याचे काम नाही.

एक वर्षापुर्वी ती परत आली पण दोन विडिओ करुन गायब झाली. तिच्या तुलनेत दियन्शी आवडली मला. तिचा छोटा भाऊ आता मोठा झाला.

सुबह एक मिनिट मे चटपटा नाश्ता वाले किंवा अचानक मेह्मान आये तो ये बनाओ वाले तर डोक्यात जातात. विडिओत सांगणार नंतर की आदल्या दिवशी चार तास खपुन तयारी करा तेव्हा कुठे सुबह मे झटपट मिळणार.

आणि ते चुरुन दाखवतात ते बघितले की मी पुढे स्क्रोल करते. अन्नाची अशी नासाडी बघवत नाही. ते खात असतील नंतर पण तरी काय हा आचरटपणा….

आणि एक पीळ प्रकार म्हणजे 'घर मे कुछ नही है?फिरभी मिठा खाने का मन कर रहा है?ये लिजीए एक आसान मिठाई.' म्हणून पुढचा 1 तास किमान 10 नाजूक, कौशल्य पूर्ण स्टेप्स करून घेवर बनवणाऱ्या बायका >>>
अगदी अगदी
किंवा मग बिना मावा, खोया और मैदा बनाईएं ये मजेदार नाश्ता वाल्या बायका. जनरली असं म्हणून त्या रवा किंवा बेसनाचं इनो घालून काही तरी बनवतात.
किंवा आप के घर में अगर ये सब्जी पसंद नही तो इस तरह बनाईयें परवल/टिंडा/नवलकोल. एक की बजाय २ रोटी खाएंगे.
यांत एकाचवेळी आलं लसूण, हिरवी मिरची, लाल तिखट, रंगासाठी काश्मिरी मिर्च, जर्रासा गरम मसाला आणि ढीगभर तेल असतं. आणि जी काय तर्रीदार भाजी असते ती पाहता पोळीवाल्या ताईंचा पगार वाढण्याऐवजी डॉक्टरांची बिलं वाढण्याची शक्यता जास्त असते.

हो का, लिझिकी टीम दाखवली असेल तर बरोबर. लिझिकी चे मागे एकदा तिच्या pr टीम बरोबर काहीतरी लीगल भांडण झाले होते ना?
ते व्हिलेज कुकिंग वाले मला आवडतात.त्यांनी मोठ्या प्रमाणात पावभाजी, आणि एक मिक्स फ्रुट आईस्क्रीम बनवले होते ते दिसायला मस्त होते.
सध्या डॅनी पंडित चे व्हिडिओ बघतेय.आणि तो त्याच्या बरोबर चा तुंबाडची मंजुळा मधला मुलगा.अतिशय टॅलेंट वाली मुलं आहेत.व्हिडिओ वर खूप मेहनत घेतात.(प्राची इथेच उतर. पथकात कळलं नाही पाहिजे आपण बरोबर आलोय ते). तो दीपक रांगोळी वाल्यांवर बनवलेला झट पट पटापट चा व्हिडिओ पण खूपदा बघते.

पियू, तो village कुकिंग चॅनेल.
फार ओरडून बोलतात ते म्हातारे बाबा, पण तोच त्यांचा usp आहे म्हणे...

एखादा पदार्थ कुरकुरीत झाला आहे की नाही हे सांगण्यासाठी जसा तो पदार्थ चूरडून दाखवतात तसंच त्या पदार्थाला काट्या चमच्या ने खरवडून सुद्धा दाखवतात.
फूड चॅनेल मध्ये मला तरी सध्या संज्योत कीर भारी वाटतो. व्यवस्थित सांगतो मेन डिश बरोबर मसाला, चटणी रेसिपी पण नीट टिपासकट सांगतो. आता जरा जास्त ॲड करायला लागला आहे म्हणा.
लिझीकी चे व्हिडिओ आवडायचे. जबरदस्त होते. दियांशी चे व्हिडिओ पण आवडतात. भरभरून पदार्थ करते आणि मग ते सगळे कुटुंब खाऊन फस्त करतात ते पाहायला आवडते.
लिझीकीवर इथे एक धागा होता बहुतेक.
लंपन, चंपाकळी, भारीच

लिझिकीचा धागा वर आलेला पाहिला आणि तिथल्या हपांच्या कमेंटवरून इथे आले. धमाल सुरू आहे.

ते एक पप्पा मम्मी किचन नावाचं आचरट चॅनल पाहिलंय का? त्यात अर्थात पप्पा कधीच जेवण करत नाहीत (बहुतेक). मी पूर्वी काही व्हिडिओ पाहिले आहेत या बाईंचे. राजस्थानी आहे आणि रांधून झाल्याझाल्या परस्पर घूमर नाचायला जायचं असल्यागत पारंपारीक ड्रेस घालून कायच्याकाय विचित्र पदार्थ करते. सुरू कुठे करते आणि मग काहीतरी कॉम्प्लिकेटेड स्टेप्स घेऊन भलतीकडेच कुठेतरी पदार्थ जातो. हिचा आवाजही इला अरुणसारखा आहे. तो डोक्यात जातो.

हिची एक रात्रीच्या उरलेल्या चपातीची रेसिपी अशीच आचरट होती. चांगलीच लक्षात आहे.

तीन शिळ्या चपात्यांपायी या बाईनं दीडेएक लिटर दूध, बदाम, केशर, पिस्ते, साखर, दुधाची पावडर, कॉर्नस्टार्च, सुक्या नारळचा खिस, बडीशोप, तीळ, मिक्सर, अनेकानेक बोल्स, कढई , तवा इतक्या वस्तू वापरल्या. रबडी बनवली. आता या स्टेजला रबडी आणि शिळ्या चपात्या खाऊन टाकल्या असत्या तर चाललं असतं की. पण नाही. तो ऑप्शन इला अरुणला नव्हता कारण तिनं आधीच उकळत्या दुधातून त्या शिळ्या चपात्या बुडवून काढल्या होत्या. मग त्या चपात्या मिक्सरला लावून त्यांची पुन्हा कणीक बनवली. ( इथे माझा धीर खचला आणि माझ्या ममव मनात ( दुधात न भिजवता) मिक्सरमधून काढलेल्या शिळ्या चपात्या आणि त्यापासून तयार होणारा 'फोडणीची चपाती' हा अजरामर पदार्थ दरवळू लागला). या कणिकेत दूध घालून त्याची खळ केली. त्या खळीत बेकींग सोडा घालून त्याचे पॅनकेक्स बनवले आणि त्यावर रबडी घालून खा म्हणाली. तुम्हीही नक्की करून पहा - https://www.youtube.com/watch?v=lFlJ581dlfo&list=PLTtMvzuAVJj8xsPYj_uLu4...

त्या ओरडणार्‍या बाप्यांच्या चॅनेलवर राहुल गांधी जाऊन मशरूम बिर्याणी जेऊन आलाय.

https://www.youtube.com/watch?v=5LHyK9zMhMM

मामी, वर्णन वाचूनच मला कसंतरी झालं...
पोळीचा लाडू किंवा फोडणीची पोळी करायची सोडून हे काय भलतंच! खरंच एकदम भारी पदार्थ आहे तो, आणि मी बरेच वर्षांपूर्वी पुण्यात अ‍ॅमेनोरा किंवा तत्सम मॉलातल्या एका खाऊच्या दुकानात "चपातीचा चिवडा - २२० रुपये" ही पाटी वाचून गहिवरले होते! आपल्या शिळ्या पोळीच्या पदार्थाला मॉलात इतका मान बघून दुसरं काय होणार!

चपातीचा चिवडा - २२० रुपये" >>>

लंपन चंपाकळी निरीक्षण एक नंबर , ह्या वर्षी प्रत्येक जण करतेय चंपाकळी.
मामी वाचून ही कसतरी झालं. फोडणीची पोळी 220रुपये.. मॉल ची कमाल.
ह्यांचा एक ही पदार्थ कधी बिघडत नाही. तोंडात टाकल्या वर लगेच हाताने छान ची खुण झालीच पाहिजे.

लोल मामी, कहांसे आते है इतने तेजस्वी लोक आपके फीड में!

भारीच आहे हा पण धागा. फारच मजा येतेय वाचायला. आधीच्या पानांवरच्या कमेंट्स पण वाचते आहे.
मी इतके फूड ब्लॉगर्स सबस्क्राईब केलेले नाहीत. पण अर्थात काहीकाही लोक फीड मधे येतातच.
त्या गावरान आज्या चेपलेल्या तव्यांवर वगैरे पनीर ची भाजी का करतात काय माहिती? गप आपलं ठेचा, पिठलं, भरली वांगी करावी आणि देवदेव करावं ते नाही. लेकीबाळी हो, पोराहो अशा हाका घालत वाट्टेल ते पदार्थ करतायत चीज वगैरे घालून डोक्यावरचा पदर सावरत.
लिझिकी एकेकाळी खूप पाहिले. आता बंद झालं का? Vlogers च्या बॅकस्टोरीज मात्र कळत नाहीत.
ओरडणारे बापे चॅनेल शोधते आता.
पापा मम्मी चॅनेल न आवडणारी या जगात मी एकटीच आहे असं वाटत होतं तिथल्या कमेंट्स वाचून. लोक अगदी गहिवरून लिहितात. मला ते ड्रेसिंग, आवाज, कायच्या काय इंग्रेडिएंट्स यातलं काहीच आवडत नाही. सुरुवातीला पापा निदान फ्रेम मध्ये असायचे बहुतेक. आता फक्त मम्मीच असतात. पापांचे नाव टेबलाच्या त्या बाजूला आहे म्हणून लिहिलं असावं.

>> "चपातीचा चिवडा - २२० रुपये"
त्यांच्याकडे फोडणीचा भात पण असतो.
तिथलं थालीपीठ, कट वडा सँपल आणि साबुदाणा वडा मस्त असतात. सगळ्यां पदार्थाना असाच मान आहे पण तिथं.

सगळ्यां पदार्थाना असाच मान आहे पण तिथं.>>>बाब्बो! म्हणजे मी महासुगरण आहे की! फो पो, उरलेलं वरण-भाजी-आमटी-जे_काय_हाती_लागेल_ते घालून थालिपीठ, उरलेल्या भाकरीची दहीभाकरी हे सत्त्व-रज-तम या गुणांइतकं मानाचं आहे आमच्याकडे आणि ते रांधून खाऊ घालत असल्यामुळे मी महासुगरण!

प्रज्ञा आणि ममो, वाचूनच कसंतरी झालं असा संकुचित दृष्टिकोन बरा नव्हे. व्हिडिओ बघून घ्याच.

सुरुवातीला पापा निदान फ्रेम मध्ये असायचे बहुतेक. >>> आता ते भिंतीवरल्या फ्रेममधे गेले असतील

व्हिडिओ बघून घ्याच.>>> कळतात बर्का असली बोलणी

पप्पा मम्मी किचन नावाचं आचरट चॅनल ..

एकदा मी याच्या तावडीत सापडत होते पण वाचले.
असेच काही तरी चित्र विचीत्र पदार्थ करत होते, ज्यात चार अने की मुर्गी आणि बारा अने का मसाला असा प्रकार होता.

मला परवापासून वेगवेगळ्या लोकांच्या बेसन लाडवांच्याच रेसिप्या भरवल्या जात आहेत (“फीड”मध्ये येणे - याला काय म्हणावं मराठीत)! बाकीचे लाडू संपले का? बेसनाची साथ आली आहे. शिवाय लाडू चांगले झालेत की नाहीत याची दृश्य कसोटी म्हणून तो अर्धा तोडून दाखवतात. त्यापेक्षा शबरी बरी!

“फीड”मध्ये येणे - याला काय म्हणावं मराठीत ०> मला त्या रेसिप्या येऊन फीडतात. (फीड मध्ये येऊन पिडतात)

रेसिप्या येऊन फीडतात >> आवडला शब्द