कांजीवडे , कांजी , वडे

हे उन्हाळ्यात सरबत म्हणून पितात

फरमेन्ट होते , माईल्ड अल्कोहॉलिक असते , 1 to 2.5%

पाचक असते

दही न घालताही करतात

आज मिश्रण निवळले आहे

तयार झाले की राई वर येऊन तरंगू लागते

ह्याच्या जोडीला गोड म्हणून शाही तुकडा करतात म्हणे

पण आंबवलेला तिखट पदार्थ प्लस दुधाचा गोड पदार्थ चालते का ?

नैतर पोटात भांग होऊन बसायची

मलाही तीच शंका आहे

याच्याबरोबर फार फार तर गुलाबजमुन चालेल , नाहीतर बुंदीचा लाडू , जिलेबी इ

पातळ दुधाचा पदार्थ मला तरी पटत नाही
पण तिकडे सर्रास खातात

अप्पे आणि वडे दोन्ही करून बघणार आहोत
मूग उडीद मिश्र पीठ

राई वर येऊन तरंगत आहे.
वास मस्त येत आहे

चिंधड्या करीन राई राई एवढ्या

काही ठिकाणी उन्हात ठेवा म्हटले आहे
काही ठिकाणी तसेच ठेवा म्हटले आहे.
पण फ्रीजबाहेर.

जेंव्हा सर्व्ह करणार तेंव्हा मात्र वडे व कांजी घालून दोन तीन तास फ्रीजमध्ये ठेवल्यास मस्त लागतात म्हणे

आज गाजर कांजीतील एक गाजर व थोडे पाणी काढून प्लेटमध्ये घेतले.

अगदी सोनेरी गोल्डन यलो रंग आला आहे.
राईचे कण हलके होऊन वर तरंगत आहेत.
एकदोन गाजर तुकडे वर येऊन तरंगत आहेत.
मस्त वास येतो.

घाबरत घाबरत चव बघितली.

अगदी मस्त चव आहे. फार आंबट नाही, सरबत म्हणून देखील पिऊ शकतो इतपत आंबट , मसालेदार आहे.

बुंदी किंवा वडे सोडल्यावर खरोखरच मस्त लागत असणार.

सरबत म्हणून पिताना बुंदी घालून पितात. गाजरदेखील मस्त लागते.

आज वडे बनवले

उडीद डाळ अर्धी वाटी आधल्या दिवशी संध्याकाळी भिजत घातली होती , रात्री ती मिक्सरमधून वाटून घेऊन झाकून ठेवली होती. आज सकाळी दीड वाटी पिवळी मूग डाळ 3 तास भिजत घातली. तीही मिक्सरमधून वाटून घेतली. पाणी पूर्णपणे काढून वाटली.

दोन्ही एकत्र करून चमच्याने भरपूर फेटले. त्यात एक चमचा गव्हाचे पीठ घातले व मिसळून फेटले. त्यात हवा पकडली गेली पाहिजे. हवा भरपूर पकडली गेली , याची टेस्ट म्हणजे थोडे बॅटर चमच्याने पाण्यात टाकले तर ते वर तरंगते.

त्यात मीठ , थोडी कोथिंबीर , लाल तिखट , जिरे , धणेपूड घातली . कांदा लसूण आले घातले नाही.
आमचे पीठ थोडे पातळ वाटले , म्हणजे चमच्याने तेलात सोडता येईल असे. त्यामुळे धपाटे / चपटे करणे शक्य नव्हते.

तळल्यावर मस्त स्पॉंजी झालेत. मग ते अर्धा तास पाण्यात सोडले. मग दाबून पाणी काढून कांजीत सोडले.
थोडे अप्पेही केले. पण तळणे जास्त सोयीचे आहे.

वडे नुस्तेही मस्त लागतात. दहीवडेही करता येतील.

दोन्ही स्वतंत्र खाणे जास्त आवडले

दोन्हीची स्पेशल चव आहे.
त्यानिमित्ताने वडे करायची पद्धत माहिती झाली.

कांजिदेखील करून ठेवणार आहे, फक्त सरबताला करायची तर थोडी माईल्ड करावी. आयत्यावेळी एखादा चतकोर लिंबू , पुदिना घालतात