बेडमी पुरी व हलवाईवाली आलू की सब्जी

बेडमी/ बेडवी पुरी व हलवाई वाली आलू सब्जी , खास मथुरेत बनणारी हा उत्तर भार तातील एक फेवरिट नाश्ता आहे. शेफ अजय चोप्रा ह्यांची रेसीपी बघि तली होती. आज ती करायला मुहूर्त व वेळ सापडला. यु ट्युब वर बघुन बघुन बनवली . आपल्याकडे रविवारचे ब्रंच म्हणून किंवा पाव्हणे नाश्त्याला बोलवल्यास पोट्भरीचा नवा व सात्विक पदार्थ आहे. भिशी पार्टीला पण छान होईल. जरा मेहनत आहे पण फायनल जोडी एकदम परफेक्ट चवीची पोट भरीची होते.

पूर्व तयारी मध्ये आदल्या रात्री उडीद डाळ व मेथी दाणे भिजत घालावेत. वेगवेगळ्या भांड्यात.

दुसृया दिवशी सर्व्ह करायच्या आधी एक तास सुरुवात करावी.

सारणासाठी: भिजलेली उडद डाळ चाळणीत उपसून घ्यावी. कढईत तेल गरम करून त्यात जिरे तड्तडावेत. मग त्यात हळद हिंग हिरवी मिरची व थोडी कोथिंबीर घालुन एकदा परतून उडद डाळ घालावी व चांगले परतुन घ्यावे. मध्यम आच असावी नाहीतर डाळ करपेल.
झाकण ठेवुन थोडा वेळ शिजू द्यावे. मग मीठ आमचूर पाव्डर लाल तिखट घालावे व शिजू द्यावे. पाणी घालायचे नाही. खुटखुटीत सारण झाले पाहिजे. हे एका भांड्यात काढून गार करावे व मग मिक्सर मधून हलके फिरवून अर्धबोबडे करून घ्यावे. थोडी थोडी डाळ दिसली पाहिजे.

कोथिंबीर पण घालावी.

आवरणासाठी कणीकः परा त मध्ये कणीक घेउन त्यात रवा व इतर पदार्थ घालावेत व हलक्या हाताने मिसळून घ्यावे. साजुक तुपाचे मोहन घालून व्यवस्थित मिसळून घ्यावे व साधारण घट्ट अशी कणीक भिजवून घ्यावी. फार सैल भिजवू नये. नाहीतर आवर् ण फाटेल व आतले सारण तळ ताना बाहेर येइल.

आलू सब्झी : साजुक तुपाची फोडणी करावी. जिरे, हिरवी मिरची, कोथिम्बीर हळद तिखट हिंग आले भिज वलेले मेथीदाणे घालावे व परतून घ्यावे. मग गॅस मंद करून बेसन घालावे व बेसन चांगले परतुन घ्यावे. खरपुस बेसन भाजल्याचा वास आला पाहिजे. मग मध्ये खळ गा करून बारीक कापलेले टोमाटो घालावे व परतुन घ्यावे. मी हे टोमाटो पण मिक्सरला कच्चेच फिरवून घेतले होते साला सकट. आता ही ग्रेव्ही चांगली परतावी व एक वाटी पाणी घालावे आणि उकळू द्यावे. चवीस मीठ आमचूर घालावे.

चांगले परतुन उकळी आल्यावर उकडलेले बटाटे हातानेच कुस्करुन घालावेत. आता ही मध्यम आचेवर चांगली शिजू द्यावी. व सिमर वर ठेवावे.
ग्रेव्ही दाट होते. कारण बेसन व बटाट्यामुळे छान दाट पणा येतो. सर्व्ह करताना एकदा परत पाणी घालुन सारखे करून उकळवून घ्यावे.

आता सर्व तयार झाले.

पुरी/ कचोरी बनवणे:

तळणीस तेल गरम करून घ्यावे. मध्यम आचेवर ठेवावे. कणकेचे पुरी साठी लाट्या कराव्यात व एक एक लाटुन घ्यावी.
मग हलका तेलाचा हात लावुन त्यात उड दाचे कोर डे सारण भरुन बंद करून हलक्या हाताने पुरी पेक्षा थोडे जाडसर लाटुन घ्यावे.

व एक एक कचोरी/ पुरी तळून घ्यावी. लालसर गुलाबी रंगा वर तळून घ्यावी.

सर्व्ह करताना मोठ्या वाड ग्यात भाजी वर कोथिंबीर व दोन् पुरी/ कचोरी द्यावी. शक्यतो ताजीच तळावी.

पार्टी असल्यास भाजी व पिठी( सारण) आदल्या दिवशी करुन ठेवता येइल. कणीक पण आधी भिजवून ठेवता येइल्. पण शक्यतो फ्रीझर मध्ये ठेवू नका. हलवाई च्या दुका नात रोज ताजी भाजी व कचोरी/ पुरी बनते तेच खरे पर्फेक्ट टेक्स्चर व टेस्ट आहे.

माहितीचा सोर्सः अजय चोप्रा यु ट्युब चॅनेल.

ह्यांच्या बाय कोनी बनवलेली व्हेज थाली व याखनी पुलाव पण फार छान रेसीपीज आहेत.