Submitted by मुग्धमानसी on 5 November, 2021 - 15:06
तुझ्यावाचून दिवाळी
आल्या आल्या परतली
यंदा सणालाही तुझ्या
नसण्याची चव ओली...
यंदा गालावर तुझे
उटण्याचे बोट नाही
तुझ्या हातच्या चवीची
यंदा लयलूट नाही!
यंदा माझे घर मला
झाले अनोळखी कसे
यंदा शहाण्यात माझे
गेले हरवून पिसे....
आज तुझी साडी ल्याले
तुझा दागिना घातला
आरशात खोल खोल
किती शोधते मी तुला!
आई ये की गं एकदा
एकदाच मार मिठी...
तुझ्यावाचून दिवाळी
जशी अंधारात दिठी!
विषय:
शब्दखुणा:
Groups audience:
Group content visibility:
Use group defaults
शेअर करा
ओह..
ओह..
आई आहेच. आठवणींत, फराळाच्या
आई आहेच. आठवणींत, फराळाच्या चवीत, तिच्या साडीत आणि कवितेतही.
सुंदर!
सुंदर!
काय म्हणू? पोचली. अनुभवतेय
काय म्हणू? पोचली. अनुभवतेय याच जातकुळीतील तगमग.
हृद्य. या पुढील गीताची
हृद्य. या पुढील गीताची प्रकर्षाने आठवण आली.
https://www.youtube.com/watch?v=SXjTlBzp1y0
माझीही आईशिवायची पहिली दिवाळी
माझीही आईशिवायची पहिली दिवाळी , काल वाचली पण काही सुचेना. भावना पोचल्या !
निःशब्द!
निःशब्द!
हृदयस्पर्शी. समस्त स्वर्गीय
हृदयस्पर्शी. समस्त स्वर्गीय माता भगिनींना समर्पित.
आई आहेच. आठवणींत, फराळाच्या
आई आहेच. आठवणींत, फराळाच्या चवीत, तिच्या साडीत आणि कवितेतही. >> +१
फार वाईट वाटलं , वाचून आपसूकच
फार वाईट वाटलं , वाचून आपसूकच मन भरून आलं.