Submitted by _आदित्य_ on 28 October, 2021 - 03:09
सुखदुःखांच्या हिंदोळ्यांवर.. झुलते जीवन माझे !
कधी पाचोळा, कधी कळीसम खुलते जीवन माझे !
लाटांवरती नाव जशी.. असहाय तरंगत जावी..
परिस्थितींवर तसे काहीसे.. हलते जीवन माझे !
जीवनास कंटाळून जीवन स्वप्न मनी रंगवते..
त्या स्वप्नांना जीवन समजत भुलते जीवन माझे !!
प्रश्न अनावर होता, उत्तर धुंडाळत फिरताना..
कवितेच्या क्षितिजावर हळूच कलते जीवन माझे !
संभ्रमात असल्याची येता प्रचिती.. होऊन हळवे,
डोळ्यांमधल्या आसवांसवे... गळते जीवन माझे !
संसारातील सत्य - असत्याशी घेते जमवून..
निमुटपणे संसारामध्ये.. रुळते जीवन माझे !
झुलते, खुलते, हलते, भुलते, कलते, गळते, रुळते !!
परंतु कधी खरेच मजला.. कळते जीवन माझे??
.................
विषय:
Groups audience:
Group content visibility:
Use group defaults
शेअर करा
छान लिहिलंय
छान लिहिलंय
Thanks.. @देवभुबाबा !
Thanks.. @देवभुबाबा !
अर्थपुर्ण, सोप्या शब्दातील
अर्थपुर्ण, सोप्या शब्दातील सुंदर रचना
Thank you @indrajoshi !!
Thank you @indrajoshi !!