Submitted by पाषाणभेद on 14 October, 2021 - 13:06
निळ्या जांभळ्या ढगांआडूनी कोण बरे बोलावतो?
इकडे आहे मी इकडे तिकडे देखील मीच आहे असे बोलतो.
लपाछपीचा डाव असा हा राज्य माझ्यावर यावेळी
शोधण्यासाठी त्याला निघालो वेळ अवेळी
शोधता शोधता मी दमतो थकतो
त्यानंतर हळूच कधी तो चाहूल देतो.
दडूनी पुन्हा तो ढागांआड मला पुकारी
शोध घेण्या पुढे जातसे कानोसा घेऊनी
हा डाव कसला ठावूक नाही कधी संपतो
कधी येईल समोर त्याची मी वाट पाहतो
पाषाणभेद
१४/१०/२०२१
विषय:
Groups audience:
Group content visibility:
Public - accessible to all site users
शेअर करा