शशक पूर्ण करा -जखम - अमितव

Submitted by अमितव on 11 September, 2021 - 10:33

काहीच सुचत नाहीय. सगळीकडे फक्त अंधारच अंधार. कानावर फक्त पाण्याचा आवाज पडतोय. मनाला एक अनामिक हुरहूर लागून राहिलीय. तेवढ्यात दरवाजा उघडला जातो....
हे काय होतंय नक्की? आज सकाळी छान ऊन पडलेलं ऑफिसला आलो तेव्हा. मंगळवार म्हणून लवकरच आलेलो, कारण संध्याकाळी पोराची सॉकर प्रॅक्टिस! काही क्षणांपूर्वी कानठळ्या बसवणारा आवाज आणि आता आकाशात धुळीचे लोळ. काहीतरी प्रचंड गरम जाणवतंय आजूबाजूला. मला काही ऐकू येतंय का? हे ड्रिल वाटत नाहीये. माझ्या विभागातील सगळे बाहेर पडलेत ही खात्री करुन मी जिन्याच्या एकाबाजुने उतरतोय. दुसरीकडून अग्निशमन दलाचे जवान आता ४०व्या मजल्यावर पोहोचलेत. अजुन बरंच जायचंय त्यांना.
आज वीस वर्षे झाली! खपली खालची जखम भरली असेल?

विषय:

गद्यलेखन

उपक्रम

शब्दखुणा:

मायबोली गणेशोत्सव २०२१

Groups audience:

मायबोली गणेशोत्सव २०२१

Group content visibility:

Use group defaults

शेअर करा