मराठी म्हणी

Submitted by आ.रा.रा. on 28 August, 2021 - 11:53

परवा आमच्या अड्ड्यावर "लाकडं गेली वढ्याला, आन उठीव माझ्या घोड्याला" अशी म्हण वाचली.

आत्ताच चक्क पाककृतींच्या धाग्यात 'कणसाची आमटी' पहात होतो, तिथे डीजे नी लिहिलेली 'खेकडा बसला नटून अन् पाणी गेलं आटून' अशी म्हण वाचली. बहुतेक पहिली पण डीजेनीच लिहिलेली होती.

मजा आली!

ह्या म्हणी अन वाक्प्रचार हे खरं तर भाषेचे दागिने. आजकाल लुप्त होत चाललेत. कधी कुण्या वयस्क माणसाकडून कानावर पडलेत तर पडले. पण खूप काही सांगून जातात हे नक्की.

जुन्या म्हणी सहसा बहुजनांच्या ग्राम्य भाषेत. किंबहुना अश्लिल म्हणता येतील इतपत भाषा. पण त्यात पिढ्यान् पिढ्यांचा अनुभव, आयुष्याचे सार अन उत्स्फुर्त कवित्व एकत्र भरलेले. अतीपरिचयात् अवज्ञा सारखे संस्कृतही मधेच कानावर पडणार.

म्हणींचे जुने धागे माबोवर असणारच.

तर, जुन्या अन नव्या म्हणी तुम्हाला माहिती असलेल्या, ऐकलेल्या, शक्यतो म्हणीच्या अर्थासह, असलीच तर म्हणीच्या गोष्टीसह, पुन्हा एकदा एकत्र करूया का?

अ‍ॅडमिन मर्जी असेल तर जुन्या एकाद्या अश्या धाग्यासोबत मर्ज केलेत तरी चालेल.

विषय: 
होमिओपथी
शब्दखुणा: 
म्हणी
वाक्प्रचार
Groups audience: 
मराठी भाषा आणि व्याकरण
Group content visibility: 
Public - accessible to all site users
शेअर करा

अवघड जागेचं दुखणं अन् जावई डॉक्टर -

अर्थ : सांगताही येत नाही अन् सहनही होत नाही अशा स्थितीत आपणाला अशा माणसाची मदत घ्यावी लागते की तो माणूस मदत मागण्याच्या लायकीचा नसतो.

Submitted by DJ....... on 28 August, 2021 - 12:04

मस्त. अशा म्हणी ऐकल्या की ज्यांनी कोणी काढल्या असतील ते किती महान असतील असं वाटल्याशिवाय रहात नाही.

Submitted by सायो on 28 August, 2021 - 12:12

"लाकडं गेली वढ्याला, आन उठीव माझ्या घोड्याला" अशी म्हण वाचली.>> ही झक्कीला डेडिकेट केली होती. Wink बाकी चालुद्या.

Submitted by Filmy on 28 August, 2021 - 13:16

नाही नाही. आता आइटीवाल्यांनी नवीन म्हणी बसवायला हव्यात ना? शिळी कढी झाली जुनी. इटालियन लसान्या डबलढोकळी सुरू करा.
आधीच उल्लास त्यात नेट सफाचाट.

Submitted by Srd on 28 August, 2021 - 23:36

जुने धागे ही वाचते आता.
खेकड्याची म्हण फारच आवडली,
आधी इथे वाचलं आणि म्हणीचा उल्लेख कणसाच्या आमटीच्या धाग्यात आहे म्हणून तो धागा वाचला जाऊन.
मला आधी वाटलं रेसिपीच्या धाग्यात उल्लेख आहे म्हणजे खेकडा मसाला किंवा खेकडा आमटी करत असतील त्यात तो खेकडा मसाला लेऊन बसला आणि रश्शातल पाणी आटून गेलं असं काही असावं , म्हणलं आपण अशी म्हण वापरू वांग बसलं नटून अन पाणी गेलं आटून.

Submitted by वर्णिता on 29 August, 2021 - 00:01

आमच्या भाजीवाल्या आजीने एकदा एक वेगळीच न ऐकलेली म्हण म्हटली होती.

मी मेडला घेऊन भाजी आणायला गेले होते, तेव्हा मेड म्हणाली की तिला गवारीची भाजी आवडत नाही, त्यामुळे थोडीच घ्या. तेव्हा आजी पदराआडुन फुसफूसल्या ' भिकारीला ओकारी'. त्यांच्या गावठी टोनमध्ये ऐकल्यावर किंचित हसु आलं पण मेडने ऐकलं असतं तर दोघींची लढाई जुंपली असती.

Submitted by मीरा.. on 29 August, 2021 - 02:21