निखळ आनंदास-गोविंदासही

खूप सुंदर लेख आणि मस्त प्रतिसाद !!
आज गोविंदामय केलं अगदी

गोविंदाचा हटके मूवी
"प्यार दिवाना होता है"
https://www.youtube.com/watch?v=qHYliM8WOtg
Govinda | Rani Mukherjee | Om Puri

झकास.

गोविंदाचे सिनेमे मूड इंप्रोव्ह करायला बघतो. कूली नं १, राजाबाबू, हीरो नं १, ऑंखें, साजन चले ससुराल, दुल्हे राजा … कोणताही, कुठूनही जेव्हढा निर्बुद्ध तेव्हढा जास्त आवडतो.

असेच इला अरुणची गाणीही आवडतात आणि I the Subhash The Ghai चे पिक्चर.

…greatest moments in life are the simplest - त्रिकालाबाधित सत्य ! And they are precious yet free

काल एक रोचक माहिती वाचायला मिळाली. गोविंदाचे एक गाणे मोहम्मद रफी यांनी गायिले आहे यावर कदाचित तुमचा विश्वास बसणार नाही. पण हे घडले आहे. त्याचे असे झाले १९८० च्या आधी संगीतकार बाप्पी लाहिरी यांनी एक गाणे रफींकडून गाऊन रेकॉर्ड करून घेतले: "फूल का शवाब क्या हुस्न महताब क्या"

https://www.youtube.com/watch?v=tnh7_86R5Bg

पण ते गाणे पुन्हा ऐकताना एक छोटीसी चूक त्यांच्या लक्षात आली. शेवटच्या कडव्यात रफिंनी "आपका जवाब क्या" ऐवजी चुकून "आपका जवाब का" असे गायिले होते. त्या काळात डीजीटल रेकॉर्डिंग होत नसल्याने ती चूक टेक्निकली दुरुस्त करणे शक्य नव्हते. म्हणून त्यांनी रफींना ते गाणे पुन्हा रेकॉर्डिंग करण्याची विनंती केली. आणि रफींनी ते मान्यही केले होते. पण गाण्याचे पुन्हा रेकॉर्डिंग होण्याआधीच दुर्दैवाने रफिंचे दु:खद निधन झाले.

नंतर नऊ दहा वर्षांनी बाप्पी लाहिरी यांच्याकडे "फर्ज कि जंग" या चित्रपटाच्या संगीत दिग्दर्शनाचे काम आले. यात नायक गोविंदा होता. तेंव्हा बाप्पी लाहिरिंना हे गाणे आठवले. त्यांनी विचार केला "एका छोट्याशा चुकीसाठी रफिंचे एक पूर्ण रेकॉर्डिंग वाया का घालवायचे? तशीही ती चूक फार कुणाच्या लक्षातही येणार नाही" त्यामुळे रफिंचे ते रेकॉर्डींग केलेले गाणे अखेर गोविंदाच्या नशिबी आले!

मस्त लिहीले आहे! आवडले. हे लेख तेव्हा कसा हुकला ते आठवत नाही. कदाचित नावावरून हे गोविंदाच्या पिक्चर्सबद्दल आहे हे लक्षात आले नसेल. पण मला वाचल्याचे आठवत नाही.

मी मित्रांबरोबर "राजा बाबू" बघितला तेव्हा हे काय बघायला आलोय अशा विचारात गेलो होतो. पण त्यातला आचरट विनोद, "नंदू, सबका बंदू", "समझता नही है यार!" वगैरेवर मनसोक्त हसलो हे ही लक्षात आहे. आपण हसतोय आणि तुफान एन्जॉय करतोय पण हे आपल्याला आवडले आहे हे स्वतःलाच कबूल करायची इच्छा नसते असे काहीतरी होत होते. डिनायल.

पण मग नंतर कुली नं १, साजन चले ससुराल वगैरे पाहिले आणि तोपर्यंत मी "कन्वर्ट" झालेलो होतो. हीरो नं १ सुद्धा ठीक होता. पण नंतर आलेले इतर काही पिक्चर्स इतके जमले नव्हते. कारण एकदा हे अ‍ॅण्टिक्स पब्लिकला आवडतात हे दिग्दर्शकांच्या लक्षात आले, की त्यातली ओरिजिनलॅटी निघून जाते व कृत्रिमरीत्या काहीतरी करायचा प्रयत्न केला जातो. ती नस पकडणे जमले नाही तर पिक्चर फसतो. त्यामुळे पुढचे ते पिक्चर्स इतके आवडले नव्हते पण इव्हन त्यातही काही सीन्स धमाल असत. तो एक सतीश कौशिक आणि एक गाढव एका इमारतीत पहिल्या मजल्यावर स्वॅप होतात तेव्हा हसून लोळल्याचेही लक्षात आहे. नंतर बडे मियाँ छोटे मियाँ मधला गोविंदा पुन्हा मस्त होता.

बाकी लेखही धमाल आहेच या असल्या वाक्यांनी मजा आली.
बेसिकली मीच एकटी क्लासी यावर माझा अढळ विश्वास होता >>>
आळशी असल्याने मला अवघड कामापेक्षा सोपे काम आवडते >>>
त्यांनी माझा मेंदू धुवायचा पुष्कळ प्रयत्न केला पण मी नर्मदेतल्या गोट्यासारखी अभेद्य राहिले >>>
इथे मी बँकेशेजारी मांडी ठोकून बँकेतला अर्धा माल हडप करायचे त्याला कळायचं सुद्धा नाही. >>>

कधीतरी मोठमोठ्या तात्विक गोष्टींचा कंटाळा येतो, कशाचा ताळमेळ कशाला रहात नाही, आपण माणूस आहोत की घाण्याला लावलेला बैल वाटत रहाते. तेव्हा असे एकदोन क्षणही मनाला रम्य अशा आश्वस्त काळाची सहल करून आणतात.>>>> अगदी मनातलं लिहतेस. तुझे लेख वाचून ही आम्हा वाचकांना निर्भेळ आनंद मिळतो बघ.
जुना लेख असून मिसला होता. हिरा तुमचा प्रतिसाद (पान १) पण गोड आहे अगदी.

भागमभागमध्ये अक्षय कुमार सोबत होता, पण अक्षयकुमारने तो आपल्याला भारी पडणार हे समजल्याने त्याचा गेम केला त्या चित्रपटात>>> ईन फॅक्ट, भागम भाग मधे अक्की ला & पार्ट्नर मधे सल्लू ला गोविंदा ने खरंच खाल्लंय. तो निरागस विनोद करवून हसवत राहतो. त्याला चांगली साथ देणारे म्हणजे संजय दत्त & चंकी पांडे. जास्त ओव्हरपावर नाही करायचे.

गोविंदासोबत "माझा कट्टा" वरच्या मराठीतून गप्पा. या धाग्यावर नोंद व्हायला हवीच:
https://youtu.be/9ooQWx0LmA0

हे खूप खूप भारी आहे. केवळ तो इतके मस्त मराठी बोलतोय म्हणून नव्हे तर इतरही अनेक कारणांसाठी ऐकण्या पाहण्यासारखा इंटरव्ह्यू.

वा! छान लेख ! गोविंदाबाबतचा माझाही प्रवास सेम. अर्थात त्याचा नाच अधिक आवडतो. त्याचे विनोदाचे काय किंवा नाचाबद्दल काय, जबरदस्त टायमिंग आहे.
प्रतिसादही तेवढेच सुंदर आहेत. जी गाणी पाहिली नाहीत ती पहाण्यात येतील.

प्रांजळ निवेदनशैलीमुळे लेख आवडला; प्रतिसादही मस्तच आहेत.

हिंदी मी सिनेमे कमीच पाहतो पण तरीही गोविंदा माझ्या आवडत्या कलाकारांच्या यादीत आहे. गोविंदाचे पदलालित्य, मुद्राभिनय हे unique आहे.
त्याचे ओय राजू प्यार ना करीयो हे राणी मुखर्जीसोबतचे गाणे मी अगणित वेळा ऐकले-पहिले आहे.

आधी वाचलं होतं की नाही आठवत नाहीये. पण फार फार मजा आली वाचून. सहजसुंदर झालाय लेख.

हत्या गेल्या आठवड्यात बघायचा होता पण राहुन गेला. काल पाहिला. गोविंदाचा कंटाळा येत नाही. खरेतर सुमार चित्रपट आहे. हत्येचा टोटल प्लॅन व नंतर मुलाला पकडण्याचा प्लॅन हास्यास्पद आहे. पण गोविंदा असली जान ओततो की चित्रपट खिळवुन ठेवतो.

लेख छान आहे याबद्दल वादच नाही. गोविंदा आवडतो म्हणणे म्हणजे आपला स्तर खाली आणणे जबरदस्त अ‍ॅक्टर होता. आणि काय डान्सिण्ग स्किल होते त्याचे.

डांसिंग स्किल म्हटले की सचिन आठवतो. तोही खुप चांगला डांसर होता पण बघा मी किती छान नाचतोय हे त्याच्या चेहर्‍यावर दिसायचे . गोविण्दा नाचताना स्वतःही खुप एंजॉय करतो. तो त्याच्या विश्वात असतो तेव्हा, मी किती छान नाचतोय हा आविर्भाव अजिबात नसतो.

>>>>>हा लेख एकप्रकारे कबुलीजबाब आहे. Happy