बागकाम अमेरिका २०२१

धन्यवाद. पाहते जाऊन होम डिपोत.

जे जे आपणासी ठावे ... चर्चा नेहमीप्रमाणेच छान !
इथे वाचून मटार लावायचा मोह होतोय. घरी नेहमी फ्रोझन आणते.
आता एक भा. किंवा अ. प्रश्न !
इं . ग्रो. दुकानांत जे हिरवे वाटाणे कडधान्य म्हणून मिळतात ते भिजवून रुजले आणि रोपाला दाणे आले (च) तर ते मटार असतील का ?
की घरचे मटार खाण्यासाठी बिया विकत घ्याव्या लागतील ? कृपया मार्गदर्शन करावे

चंद्रा, मटारच्या बियांचे पाकिट मिळेल $१.२५- $२ किमतीत.

यावर्षी मार्चच्या शेवटच्या आठवड्यापासून हळूहळू बागकाम सुरु केले. सध्या खालील प्रमाणे पेरणी केली आहे.
वाफा १ - ३ ' x३': रेनबो चार्ड, साधा चार्ड आणि लेट्यूस. यात नंतर लेट्युसच्या जागी फरसबी
वाफा २- ३ ' x३' : लाल कांदे सेट्स आणि शेपू
वाफा ३- ३ ' x३' : स्ट्रॉबेरीज, लाल कांदे सेट्स
वाफा ४ - ४' x ४' : नेहमीचे मटार (अर्ली फ्रॉस्टी) आणि शुगर स्नॅप (ड्वर्फ ग्रे शुगर) , जोडीला लाल मुळा आणि पार्सली, यातच दोन काकडीची रोपे नंतर लावायला जागा मोकळी ठेवली आहे. मटार संपले की तिथे बटरनट स्क्वाश आणि झुकिनी लावेन.
वाफा ५ - ४' x 4' : केल, लाल मुळा, पालक , लेट्यूस

धन्यवाद , स्वाती 2!
बघते बिया मिळतात का Lowes / Home Depot मध्ये ..
तुमचा प्लॅन तर एकदम मस्त आहे ! मेधा यांचाही!
मी बिया लावायचा प्रयत्नही करत नाही! नेहमीची यशस्वी तयार रोपं आणून लावते - रोमा , sweet 100 टोमॅटो , भोपळी मिरची , काकडी आणि वांगी !
यंदा पहिल्यांदाच फारसबीच्या बिया सूचनेबरहुकूम पेरल्या आहेत. २ दिवस झालेत. त्यांना अजून जाग आलेली नाही. तरी अजून आशेला वाव आहे

@चंद्रा, हो ग्रोसरीतून हिरवे वाटाणे आणून ते भिजवून मोड आले कि पेरायचे, चांगले येतात.
एकदा आले कि मग त्यातलेच काही मटार झाडावर सुकू द्यायचे आणि पुढच्या वर्षी रोपांसाठी बिया म्हणून वापरु शकता.

ग्रोसरीतून हिरवे वाटाणे आणून ते भिजवून मोड आले कि पेरायचे>>
अरे वा ! हे पण भारी आहे ! धन्यवाद मी पुणेकर !!
काल ऑर्डर करायला जमले नाही आणि घराबाहेर पडायचाही आळस केला. आज थोडे वाटणे भिजवून मोड आले की पेरीन.
फरसबीला कोंब आलेले दिसल्यामुळे उत्साह दुणावला आहे !
पुन्हा मटार लावण्यासाठी झाडावर सुकवायची टीप नोंद करून ठेवली आहे. फरसबीसाठीही वापरीन.

मी पण इंग्रोमधून आणलेले वाटाणे, हरभरा आणि वाल पापडीचे दाणे भिजवून मोड आणून लावले.

मागच्या वर्षी काकड्या कमी आल्या आणि आल्या त्या बर्‍याच कडू निघाल्या.
म्हणून यावर्षी pahtenocarpic काकड्या ठरवल्या. याला फक्त मादी फुले येतात.
आता फुले भरपूर येत आहेत. पण फळ त्यामानाने कमी धरते आहे.
कुन्ड्या किचनच्या खिडकीत आहेत. भरपूर ऊन मिळते (आत्ता स्नो चालू आहे मात्र), कुंड्यांत potting soil आणि शेणखत आहे.
काय केलं तर जास्त फळे धरतील?

बनाना स्मुदी द्या रोपट्याला केळ्याची साल २ दिवस पाण्यात ठेवून मग ते पाणी डायल्युट करून झाडाला घाला. केळ्याची साल तशीच पुरलीत एका बाजूला तरी चालेल.

हो ना, मला पण झाडं बाहेर घ्यायची होती पण कायच्या काय टेम्परेचर होतं.

मी यंदा वेगळा बेड बनवून अ‍ॅस्परेगस लावलेत ते भारीपैकी उगवलेत, त्यात वीकेन्डला आपली ती ही मिळाली त्यामुळे आता आयुष्यात अचिव करण्यासाठी काही उरलंच नाही असं वाटतंय

सूझन काकी ऐसपैस पसरतात बर्का. आयरिस पण किती भराभरा पसरतात, मला आता रोपं काढून वाटून टाकावी लागणारेत.

माझ्याकडे शेजारणीने दिलेली जेटस्टार टॉमॅटोची २ झाडं कुंडीत लावलेली आहेत. ५ फुटांहून जास्त उंच झाली आहेत. अगदी गजरा करता यावा इतकी फुलं रोज येताहेत. पण एकही टॉमॅटो लागला नाहीये अद्याप

टोमॅटोचं झाड हलक्या हातानं हलवत जा, पॉलिनेशनमध्ये मदत होते. ओळखितले एक जण सांगत होते टोमॅटोला खत दिलंच पाहिजे. मी पहिल्यांदाच रोपं मिळाली म्हणून २-३ लावलीत. टोमॅटो स्पेशल फर्टिलायझर आणायचा विचार आहे कारण फार काही टोमॅटो लागले नाहीत.

टोमॅटोचं झाड हलक्या हातानं हलवत जा, पॉलिनेशनमध्ये मदत होते >>> लगेच करून पाहिलं आहे. सीझन संपत आला असला तरीही टॉमॅटो आले तर चालतील मला. खत म्हणजे मिरॅकल ग्रो घालते त्याला नियमित. म्हणूनच बहुतेक फोफावली इतकी.

कंपोस्ट कोणी करते का ? कोणते कल्चर वापरावे ?