शब्दरंजन (४)

Submitted by कुमार१ on 31 December, 2020 - 23:01

भाग ३ : https://www.maayboli.com/node/76921
...............................................................................................................

सर्व शब्दप्रेमी बंधू-भगिनींना नववर्षानिमित्त हार्दिक शुभेच्छा! या वर्षात आपणा सर्वांना उत्तम आरोग्य लाभो हीच महत्वाची इच्छा.

गतवर्षी आपल्याला बराच काळ घरातील बंदिवास सहन करावा लागला. एकंदरीत सामाजिक अभिसरण कमी राहिल्याने वैयक्तिक पातळीवर विरंगुळ्याचे घरबसल्याचे मार्ग शोधावे लागले. प्रस्तुत शब्दखेळ हा त्यातलाच एक प्रयत्न.
आतापर्यंत या खेळाचे तीन भाग होऊन गेलेत. शब्दांशी खेळता खेळता आपण भाषेच्या विविध प्रांतात विहार केला. शब्दार्थ, समानार्थ, म्हणी, वाक्प्रचार गूढकोडी, जोड्या जुळवा, गाजभ, लपलेली अक्षरे शोधा........ आणि बरेच काही. त्यानिमित्ताने आपल्याला साहित्य, नाटक, चित्रपट, संगीत, क्रीडा, समाजकारण आणि राजकारण अशा अनेक क्षेत्रांत मुशाफिरी करता आली. इथल्या नियमित सहभागींचे शब्दप्रेम अगदी शब्दव्यसनापर्यंत कधी गेले हे त्यांना देखील कळलेच नाही !

हाच आनंद पुढे चालू ठेवण्यासाठी हा नवा धागा - नव्या नावासह. या नववर्षात अजून काही नवे माबोकर यात सहभागी झाल्यास आनंदच होईल.

आता येऊद्यात तुमच्याकडून एखादा छानसा खेळ, नव्या जोशात !
धन्यवाद.

विषय: 
भाषा
शब्दखुणा: 
शब्दशोध
Groups audience: 
विरंगुळा
Group content visibility: 
Public - accessible to all site users
शेअर करा

पहिला शब्द बहुधा कुमार1 / मानव / माझं नाव यातलं काहितरी जुळतंय असं वाटून आला.
साधारण हे मायबोलीशी संबंधित असावे असं उगीच वाटलं. ते 3+4 मला आधी आपली मायबोली वाटलं होतं. तोच धागा पुढे नेला

Submitted by punekarp on 4 February, 2021 - 11:47

मला पहिलं कोडं वाचल्यावर सुटलं तसं,
पण दुसरं वाचलं तेव्हा खात्री झाली कारण हेच कोडं मी विकार चुकवल्यास या भेटतील? (३) असे बनवले होते, पण दिले नव्हते.

मग पुढे सगळे सोपे झाले.

६ आणि ८ सोडून बाकी लगेच आले.
६ आणि ८ साठी मागील पानावर गेलो तिथे नाव बघुन मग सुटले.

Submitted by मानव पृथ्वीकर on 4 February, 2021 - 12:04

जंगलचा राजा निर्मित वरील खेळामुळे आपण सर्वांनी या धाग्यावरील स्नेहसंमेलनाचा आनंद लुटला आहे !
यातील पहिल्या शोधसूत्रात जरी 'बाजूला हो' असे म्हटलेले असले, तरी तसे काही होणार नाही !!
मी इथे चिकटूनच राहणार आहे. काळजी नसावी !!! Bw

कोणी इच्छुक नसल्यास काही वेळाने नवे देऊ शकतो
धन्यवाद

Submitted by कुमार१ on 4 February, 2021 - 20:33

८ अक्षरी मराठी वाक्प्रचार (५ + ३) उपशब्दांसह ओळखायचा आहे. त्यामध्ये समाविष्ट असलेल्या काही उपशब्दांची शोधसूत्रे अशी :

१ ८ गृहस्थाश्रमधर्म
२ ४ छिद्र

३ जोडाक्षर (पक्के)
६ ७ वाद्यांचे सहवादन

४ ५ व्यक्तीस संबोधित करताना वापरतात.

संपूर्ण शब्दाचा अर्थ फसवणूक असा आहे. तो जरी फारसा परिचित नसला तरी त्याची काळजी करू नये.
सर्व उपशब्द आले की तो आपोआप तयार होईल.
.....................

Submitted by कुमार१ on 5 February, 2021 - 00:04

नाही
हिंदीत जास्त असले तरी मराठीत पण स्वीकारलेय

Submitted by कुमार१ on 5 February, 2021 - 05:30

भाई

Submitted by विक्रमसिंह on 5 February, 2021 - 05:32

चाचा

Submitted by विक्रमसिंह on 5 February, 2021 - 06:30

मानव
छान बरोबर !

गृहस्थाश्रमधर्म- घर

६ ७ वाद्यांचे सहवादन- बाजा

Submitted by कुमार१ on 5 February, 2021 - 08:15

शब्दव्यूह आणि अंताक्षरी
खाली ओळीने ९ शोधसूत्रे दिली आहेत. त्यानुसार तुम्हाला प्रत्येकी एक अर्थपूर्ण शब्द ( दिलेल्या अक्षरसंख्येचा) शोधायचा आहे. एक आड एक अपेक्षित शब्दाचे शेवटचे अक्षर दिले आहे. आता पुढे अंताक्षरी अशी चालू होईल:

• पहिला योग्य शब्द शोधल्यावर त्याचे शेवटचे (दिलेले) अक्षर घ्या.
• त्या अक्षराने सुरू होणारा दुसरा योग्य शब्द ओळखा.
• पुन्हा वरील शब्दाचे शेवटचे (दिलेले) अक्षर घेऊन तिसरा शब्द शोधा.
• असे क्रमाने खाली जात राहा.
• नऊव्या शब्दाचे शेवटचे अक्षर हे पहिल्या शब्दाचे सुरवातीचे अक्षर आहे. असे सिद्ध झाल्यासच कोडे पूर्ण झाले असे समजावे.
• कोडे मध्यावर असताना जर तुम्ही समानार्थी पर्यायी शब्द काढलेत तरी अंताक्षरी जुळलीच पाहिजे. आणि शेवटी १ व ९ ची अटही पूर्ण झाली पाहिजे. म्हणून अनुक्रमेच उत्तरे द्या.
• पहिली दोन लागोपाठची उत्तरे एकदम लिहा. पुढे क्रमाने एकेक सुटे चालेल.
…………….
१. डोळ्याच्या बाह्यांगाशी संबंधित भाग ( ४, स)
२. सुरवातीला (६)

३. अर्थशास्त्र (४, द)
४. राजवाड्यातील विभाग (६)

५. उत्सुकता (५, ट)
६. प्रसिद्धी (७)

७. पद्धती (४, त)
८. चपळ (५)

९. मौल्यवान वस्तू (४, क्र १ चे पहिले)
........................
फक्त एकच शब्द फारसी उगमाचा.

Submitted by कुमार१ on 6 February, 2021 - 23:05

Pages