२०२० चे दिवाळी अंक

ह्यावेळी एकही अंक खरेदी केला नाही.:-(
धनंजय आवडता होता. पण आताशा नाही घेत.
नमिता देवीदयालचं नाव वाचुन आनंद झाला.

ऑनलाइन अंकात मी ऐसी अक्षरेचा दिवाळी अंक वाचला. त्यात मला कल्चर , गोवा आणि बाधा हे लेख आवडले. झेंगत कथाही चांगली जमलीये पण अदूबाल यांच्याकडून अजून अपेक्षा होत्या. कोल्हापूर मधील साथ निवारण हा लेखही माहितीपूर्ण आहे

यावर्षी लायब्ररीमधे दिवाळी अंक नाहीत.ऑनलाईन मेनका,माहेर मागवला.मेनका पाहून निराश झाले अर्धाअधिक अंक जाहिरातींने भरला होता.माहेर, पूण्याला पाठवल्याने त्याची काय स्थिती आहे माहीत नाही. मौज्,ऋतुरंग ऑनलाईन नव्हते.

ह्या वेळचा धनंजय छान आहे. जत्रा जाहीरातीने भरलेला आहे. वर्‍हाडी बोली भाषेतला 'चिरांगन' मला ठक सरांनी पाठवला आहे. अजून वाचला नाही, पण छान वाटतोय.

देवकी, 4 वर्षापूर्वी मी मेनका घेतलेला. तेव्हाही तीच परिस्थिती होती

'अनुभव' बऱ्यापैकी वाचून झाला.>>>>>> ऑनलाईन आहे का?

जर एखादा अंक पैसे भरून फक्त ऑनलाईनच वाचायचा असेल तर त्याची माहिती कुठे मिळते ?
मला छापील अंक मागवायचे नाहीत >>>

'अनुभव' ऑनलाईन आहे का? >>>

कुमार, अंजली,
अनुभव दिवाळी अंकाची पीडीएफ विकत घेण्याची लिंक :
https://www.instamojo.com/anubhavmasik/anubhav-diwali-2020/

मिवापु धाग्यावरून रिपोस्ट :

यंदाच्या पुण्यभूषण दिवाळी अंकात शाम भुतकरांचा जक्कलवरचा लेख आहे. अभिनव कॉलेजमध्ये भुतकर आणि जक्कल मित्र होते. मात्र जक्कलच्या इतर उद्योगांबद्दल भुतकरांना फारशी माहिती नव्हती. हत्याकांडानंतर आधीच्या एक-एक घटनांची संगती कशी लागली ते त्यांनी लिहिलं आहे. तो लेख वाचूनही असंच अनामिक दडपण येतं.

धन्यवाद

केकी मूस यांच्यावरचा लेख अतिशय वाचनीय आणि फारच सुंदर >> हा यंदाचा लेख नाही वाचला पण फार पूर्वी केकी मूस यांच्यावर असाच सुरेख लेख कोणत्यातरी अंकात (दिवाळी अंकातच असं नाही) वाचल्याचं आठवतंय.>>>> मागे कधीतरी निशिकांत भालेराव यांनी लेख लिहिला होता. कुठे आणि कधी हे आठवत नाही. मागच्या वर्षी त्याने तो लेख किंवा त्या संदर्भातले लिखाण फेसबूक वर परत एकदा शेअर केलं होतं.

लोकमत मधील लेख दिलीप कुलकर्णी यांनी लिहिला आहे

केकी मूस यांच्यावरचा लेख अतिशय वाचनीय आणि फारच सुंदर >> हा यंदाचा लेख नाही वाचला पण फार पूर्वी केकी मूस यांच्यावर असाच सुरेख लेख कोणत्यातरी अंकात (दिवाळी अंकातच असं नाही) वाचल्याचं आठवतंय.>>>> हो वाचला आहे तो लेख.दिवाळी अंकातच होता..

अनुभव दिवाळी अंकाची पीडीएफ विकत घेण्याची लिंक :>>>> थँक्यू ललिता. पण हे फक्त भारतातूनच विकत घेता येईल असं वाटतंय.

अनुभव चाअंक छान आहे. वाचतोय.

पण हे फक्त भारतातूनच विकत घेता येईल असं वाटतंय. >>> ओह! असं होतंय का? मी विचारून घेते. आणि इथे सांगते.

वावे, तुझा अनुभव दिवाळी अंकावरचा अभिप्राय संपादकांपर्यंत पोहोचवला.

ललिता प्रीती -
अनुभव दिवाळी अंकाची पीडीएफ विकत घेण्याची लिंक दिल्याबद्दल धन्यवाद
अक्षरधारा चा दिवाळी अंक त्यांच्या वेबसाईट वरसुद्धा (विक्रीसाठी) उपलब्ध नाहीये.
Amazon (भारत) वर बरेच अंक उपलब्ध आहेत विक्रीला.

उपयुक्त माहिती.

सकाळ साप्ताहिक दिवाळी अंकात मंगला गोडबोले यांचा 'थेंबे थेंबे..' नावाचा लेख आहे. लॉकडाऊन काळात पुणे जिल्ह्यातील वेल्हे तालुक्यातील विविध गावांमधल्या बचत गटाच्या महिलांनी करून दाखवलेल्या प्रचंड कामावरचा हा लेख अतिशय आवडला. लॉकडाऊनच्या सुरुवातीला अनेक अडचणी उभ्या राहिल्या असताना गावागावांमध्ये पिकणारी भाजी सुसूत्र नियोजन करून पुण्याच्या ग्राहकांपर्यंत पोचवणं, गावांमध्ये असलेल्या गरोदर स्त्रिया, वृद्ध, मधुमेह-रक्तदाबासारख्या आजारांचे रुग्ण यांच्यापर्यंत त्यांना लागणारी औषधं पोचवणं, करोनाबद्दलची योग्य ती माहिती लोकांना देणं अशी अनेक महत्त्वाची कामं या अल्पशिक्षित महिलांनी ज्ञान प्रबोधिनीच्या कार्यकर्त्यांच्या मदतीने पार पाडली. यातून त्यांचा आत्मविश्वास वाढला, गावातली, कुटुंबातली पत वाढली.

डॉ. अपर्णा महाजन यांचं श्रीलंकेचं प्रवासवर्णन आवडलं.
गौतम पंगू यांची 'पूर' ही कथाही छान! त्यांच्या कथा याआधीही वाचल्या आहेत, त्याही आवडल्या होत्याच.

https://www.mazamarathichabol.org/

हा आमचा दिवाळी अंक. कथाविभागासाठी मी मदत केली आहे. माझीही कथा आहे. नक्की वाचा. गेल्या चार वर्षांतले अंकही याठिकाणी वाचायला मिळतील.

वावे, गौतमचीही कथा आहे या अंकात.

आज लायब्ररीतून 'माहेर' आणि 'लोकमत' हे दोन दिवाळी अंक मिळाले.

माहेरमध्ये अनेक मायबोलीकरांचे लेखन आहे. दीपक ठाकरे, शिवकन्या शशी, चिन्मय दामले, आदित्य कर्नाटकी, केतन दंडारे ही ओळखीची नावं दिसली.
कथांमध्ये संदीप सरवटे यांची 'अपघात' ही कथा चांगलीच जमली आहे. हॅक्ड ही डॉ. केदार आठवले यांची कथा सुरुवातीला भारी वाटली, पण शेवट काही आवडला नाही.. 'संचित चिंता' ही दीपक ठाकरे यांची कथा पूर्णपणे समजली नाही. 'मुक्त' ही नीता गोडबोले यांची कथा वाचून मायबोलीवरच्या 'रुबिक क्यूब आणि कृष्ण' या दाद यांच्या कथेची आठवण झाली. शिवकन्या शशी यांच्या कविता मस्तच!

चिन्मय दामले यांचा 'बोटलर वेंकटसामीचे खीडपप्पूस' हा लेख वाचला. तंजावरच्या सरफोजीराजांच्या प्रयत्नातून निर्माण झालेल्या पाककृतींंच्या हस्तलिखितांची माहिती भारीच!

बाकी लेख अजून वाचून झाले नाहीत. पण एकंदर अंक आवडला!

लोकमत अंकात नोबेल विजेते अभिजित बॅनर्जी आणि ईस्थर डफ्लो यांची मुलाखत आहे, झाकिर हुसेन यांची मुलाखत आहे. अजून त्यातलं काहीच वाचून झालं नाही.

@मोहना, वरची लिंक पाहते. धन्यवाद

शिवकन्या शशी असाच आयडी आहे.

मोहना, नक्की वाचेन अंक

एक महत्त्वाचा उल्लेख राहिला आहे

हा अंक
आपल्या माबोकर
किल्ली
सिद्धी
अर्चना
यांनी निर्मित केलेला आहे .
त्याचं पुरेपूर श्रेय त्यांना आणि खूप अभिनंदन .
पुढील प्रवासासाठी खूप शुभेच्छा आपण त्यांना देऊ या .

तसेच

या अंकात एकच नव्हे तर - आपल्या अनेक - अनेक माबोकरांचे लेखन आहे ... !

भरत,

आभार अन क्षमस्व .

-----------------------------------

स्पंदनचा दिवाळी अंक. यात मायबोलीकर कविता नवरेनं एक कथा आणि एक कविताही लिहीलेली आहे. हा ऑनलाईन आणि फ्री अंक आहे.

https://drive.google.com/file/d/1uQ-JAgtehZN4fglqBOGIGO59nHZ7mp7Z/view?f...

Submitted by मामी on 1 December, 2020 - 12:54

माहेर दिवाळी अंकातला केतन दंडारे यांचा 'विज्ञानाची खिडकी' हा लेख विचारांची एक नवीनच खिडकी उघडणारा आहे. लोकशाहीवादी विज्ञानशिक्षण आणि लोकशाहीसाठी विज्ञानशिक्षण या दोन पैलूंचा ऊहापोह, प्रत्येकाला कुठलातरी दृष्टिकोन असण्याची, एकाच वेळी मर्यादा आणि अपरिहार्यता, त्याचे होणारे परिणाम, त्यांची जाणीव ठेवल्यास होणारे फायदे, असं सुरुवातीला जरा क्लिष्ट वाटणारं, पण रोचक असलेलं विवेचन आहे.
मधुकर धर्मापुरीकर यांचा 'माझ्या कथांच्या नायिका' हा लेखही आवडला. त्यांचे कथासंग्रह वगैरे मी वाचलेले नसले, तरी पूर्वी अंतर्नाद मासिकात त्यांच्या आलेल्या कथा वाचल्या आहेत, त्या खूप आवडायच्या.
आदूबाळ यांनी अनुवादित केलेला एका चिनी कादंबरीचा भाग (उन्माद आणि आवाज) अंगावर काटा आणणारा.
डॉ. नंदू मुलमुले यांची कडू आणि गोड ही कथा मस्तच.