पालकत्वाचा काटेरी मुकुट -किस्सा 8 *घर तिघांचे *

हे असे लेख वाचून मला फारच न्यूनगंड आला आहे की पालक म्हणून मी अगदीच नालायक ठरलो आहे. आता या नैराश्यावर काही उपाय आहे का, ते शोधतो.

नादिशा मित्रांबद्दल वाचून छानच वाटले. धन्यवाद आणि मुलाला खूप शुभेच्छा!!

प्रतिसाद आवडला नादिशा. धन्यवाद.
तुम्ही प्रत्येक प्रतिसादाला व्यवस्थित उत्तर देत आहात त्याबद्दल कौतुक .

<<<मुलाला सर्व गुण संपन्न करण्याच्या अट्टहास करू नका.>>> +१११
मलाही तुमचे लेख अतिशयोक्ती प्रकारातील वाटतात. पटत नाहीत रादर काही काही गोष्टी खोट्या वाटतात. जसे वर कुणीतरी लिहिलंय. पण ते माझे मत आहे म्हणून तुम्ही खोटे किंवा उगीच ओढून ताणून आदर्शवादी लिहिता असे म्हणणार नाही, तसे फक्त मला वाटते.
मला पालकत्वचा अनुभव नाही, उलट मी कधीच कुठल्याही मुलाला जवळ देखील घेतले नाहीये. आता मला बाळ होणार आहे त्याचे दडपणच जास्त आहे. ज्याचा अनुभव नाही त्यावर मत कशाला द्या म्हणून काही लिहीत नव्हते. पण आज थोडेफार माझ्या मताशी जुळते प्रतिसाद दिसले म्हणून लिहिले इथे.

मी आधी तुमचे सगळे लिखाण वाचले नाही, यावर खूप प्रतिसाद दिसले म्हणून लेख अन प्रतिसाद वाचले

<< आम्ही तिघेही वाढतो आहोत, घडतो आहोत यामध्ये. >>
हे खूप आवडले. शुभेच्छा.

"@mi _anu, तुमचे बरोबर आहे. प्रत्येकाची पद्धत वेगळी असते आणि आपल्याला सूट होणारी पद्धत प्रत्येकजण शोधत असतो. आमच्या लहानपणी सगळी मुले आपोआप च वाढायची अहो, दुर्दैवाने आता तसे होत नाही, हा आमचा अनुभव आहे."

अहो आम्ही आमच्या अपत्याला वार्‍यावर सोडले आणि ते आपोआप वाढले असं मी म्हणत नाहीये १० वर्षात योग्य ती काळजी घेतली.काही गोष्टी समजवल्या.काही ऐकल्या गेल्या.काही गेल्या नाहीत. आव्हानेही आली.
फक्त त्यावर लेख लिहिण्या इतके लक्षात ठेवलेले नाहीये गेल्या काही वर्षात, काहीही आठवत नाहीये इतकाच मुद्दा होता.
(आता हे लेख वाचून असं जाणवतंय की लेख लिहीणार्‍याचा सूर नकळत 'आम्ही हे हे असं असं इतके प्लॅन, ब्लू प्रिंट आखून केलं, किती छान केलं बघा, नाहीतर बाकीचे ते तसं करतात' होत जातो आणि मग वाचणार्‍यांचा बॅकलॅश तितक्याच जोराने येत जातो असं काहीसं होत असावं.)

अनु तसे वाटत आहे खरे. पण त्यांचा मुलगा पण एकदम गुणी दिसत आहे त्यांच्या प्रतिसादावरून. अपवादात्मक म्हणावा इतपत त्यामुळे त्यांचे अनुभव वेगळे वाटत आहेत. माझ्या प्रतिसादाला उत्तर देताना त्या म्हणत आहेत की त्यांच्या मुलाचा स्वभावच तसा आहे . त्यामुळे त्यांना ह्या गोष्टी करताना सोपं गेलं असेल. म्हणजे जी मॅच्युरिटी मुलांना थोडं मोठं झाल्यावर येते ती त्याला बऱ्यापैकी आधीच आली आहे आणि पुढचे सारे पालकांचे प्रयोग, जे आपण पण करत असतोच पण त्यात सांगण्यासारखे काही नाहीये

हे सगळे फारच भारी आहे बुवा!

अवांतर: मला हातवळणे भावंडे व त्यांच्यावरची पुस्तके आठवली. त्यानंतरचा ‘ अमुचीही आई अशी असती तर”चा ओझरता उल्लेख आणि धपाटा..

छान

तुम्ही प्रत्येक प्रतिसादाला व्यवस्थित उत्तर देत आहात त्याबद्दल कौतुक +१२३४५६७ आणि पॉझिटिव्ह ही घेत आहात.
मला जिज्ञासा, अमा, अस्मिता, रिया, लंपन, मि-अनु यांचे प्रतिसाद पटले.
आणि तुमच्या प्रतिसाद वरून लंपन यांनी दिलेला शेवटचा म्हणणं सुद्धा पटले.. (Submitted by लंपन on 22 October, 2020 - 00:32)
< आम्ही तिघेही वाढतो आहोत, घडतो आहोत यामध्ये. >>
हे आवडले. शुभेच्छा..+ १२३४५

मला पहा फुले वहा

लेख आवडला नादिशा

आता हे लेख वाचून असं जाणवतंय की लेख लिहीणार्‍याचा सूर नकळत 'आम्ही हे हे असं असं इतके प्लॅन, ब्लू प्रिंट आखून केलं, ........... अगदी सुरुवातीला मलाही तसेच वाटले होते.पण मग लक्षात आले की त्यांचे मूल खरंच गुणी आहे.
मग लंपन यांना मम.

मी अनु +११११११११११, अगदी मलाही असेच वाटते आणि हे मला त्यांच्या पहिल्या लेखात जाणवले. त्यावेळी माझा प्रतिसाद पण असाच काहीसा होता . त्यांनी अमा याना म्हटले आहे कि ती सर्व पुस्तके त्यांनी वाचली आहेत. म्हणजे अनु म्हणतात तसे आम्ही पहा असे आखीव रेखीव केले.
खरे सांगायचे तर त्यांचे शेअरींग न वाटता स्वतः परफेक्ट आहोत हे दाखवणे वाटते भलेही उद्देश तसा नसेल. दुसरी गोष्ट त्या प्रत्येक प्रतिक्रियेवर हिरहिरीने उत्तर देत आहेत ज्याचा सूर आमचे बरोबर आहे असाच वाटतो.
कुठल्यंही प्रतिक्रियेवर अरे असे पण आहे का? किंवा तुमचे अनुभव काय आहेत असा सूर नाही, उलट पक्षी उत्तर आहे त्यामुळे अनु म्हणतात तसे बकलश येत आहे.( यांचा आसेप्टन्स जाणवत नाही, उलट खोचक प्रश्न आहे ). जसे उपाशी बोका याना वाटले तसे मलाही यांचा पहिला लेख वाचल्यावर वाटले कि आपण फारच नालायक पालक आहॊत. पुढच्या लेख वरून एकदंर सूर काळाला मग सोडून दिले. जितके घायचे तितकेच घ्याचे. उदा. सुबोध दादाची गोष्ट या यु ट्यूब चॅनेल चे , मला आणि मुलाला दोघांनाही आवडले. पण पुढे लेखांचा सूर बदलेल असे वाटत नाही, सो I rest my case.

मलाही यांचा पहिला लेख वाचल्यावर वाटले कि आपण फारच नालायक पालक आहॊत. >> अरे काय हे... त्या त्यांच्या जागी, तुम्ही तुमच्या जागी. Parenting is like driving blindfolded. You know you made a mistake only when you hit gravel. तुम्हाला तुमचे ग्रॅव्हेल माहिती, त्यांना त्यांचे. Parenting is not a competitive sport. वाचा नि द्या सोडून... मी पण ते हेल्दी चॉकलेट वाचून सोडून दिलं.
इतर कुठे कुठे चांगलं लिहीतात ह्या आयडी. चांगलं लक्षात ठेवू, बाकी फिर कभी सोचेंगे...

नक्की लिहा नादिशा. तुमचे इतर विषयांवरचे लेख आवडतात. (इथे काटेरी मुकुट पासूनच डोक्यात लोचा चालू झालाय.) आणि तुमचा दृष्टीकोन पटणारेही बरेच आहेत. काहींचा पटले नाहीत सांगण्याचा सूर वेगळा आहे. यात तुम्हाला छळण्याचा किंवा बुलिईंग चा उद्देश नसावा.

त्यामुळे मी आजपासून मायबोलीची कायमसाठी रजा घेते आहे. बाय बाय.>>>>>> असं बिलकूल करू नका.इथल्या नवमातांना तुमचे अनुभव उपयोगी पडतील.तुम्ही प्रामाणिकपणे जे घडत गेले किंवा घडत आहे त्याबद्दल आपले अनुभव मांडत आहात.
तुमचा मुलगा बेसिकली मॅच्युअर आहे एवढ्याच अर्थाने तो गुणी बाळ आहे असे म्हणतेय.कारण त्या वयातील इतर मुले इतकी समंजस असतील असेही नाही.माझ्या एकाच मैत्रिणीचा मुलगा असा गुणी बाळ पाहिला आहे.

अच्छा, तुम्ही हे हे प्रयोग केले का? आम्ही हे हे केले होते, आमच्या एका मित्राने /नातेवाईकाने हे हे केले होते,>>>>>> हे मला नाही पटले.म्हणजे दुसर्‍याची रिअ‍ॅक्शन कशी असावी हे ही तुम्हीच ठरवणार का? भले तुमचा तो उद्देश नसेलही तरीही मनात आले ते लिहिले.

मला वैयक्तिकरित्या न आवडलेली बाब म्हणजे स्वयमच्या बाबांनी, लेकाने सांगितल्याप्रमाणे गणपतीची शाडूची मूर्ति आणली.जरी ही गोष्ट पर्यावरणाला चांगली असली तरीही.मला माझ्या मुलाने प्रेशराइज केलेले आवडले नसते कदाचित.
असो. बाकी तुमचा निर्णय!

मी_अनु, -+१. वाचकांचे प्रतिसाद तुमच्या अपेक्षेप्रमाणे आले नाहीत पण कोणीही वितंडवाद घातला असं वाटत नाही. जे खोचक प्रतिसाद वाटले त्यांकडे तुम्ही दुर्लक्ष करू शकता. मायबोलीसारख्या मोठ्या व्यासपीठावर थोडे मतभेद असायचेच.

(अवांतर:
शाडू पीओ पी पेक्षा चांगली असं आपण मानतो. पण शाडू माती मिळवायला कठीण असते. त्यासाठी कोकणात नदी पात्रांचे खोदकाम होते.शिवाय लॉकडाऊन मध्ये ज्यांना शाडू माती मोठ्या प्रमाणात मिळाली नाही त्यांनी बिनधास्त ३०% इंडस्ट्रीयल अ‍ॅश आणि बाकी शाडू माती घेऊन मूर्ती पूर्ण शाडू म्हणून महागात विकल्यात.शाडू मूर्तीचे विसर्जन केल्यास सिमेंट च्या रंगाची रेती जास्त दिसते आहे, जी माझ्या अंदाजाप्रमाणे नक्कीच शाडू माती नाही.पुढच्या वर्षी आम्ही पी ओ पी ची छोटी मूर्ती किंवा शेण किंवा मृत्तिका मूर्ती घेणार, तसेही आमच्या इथल्या नद्यांमधून मूर्ती लगेच नेट लावून काढून नंतर रिसायकल करतात)

Parenting is not a competitive sport.
>> Perfect.
वर नादिशा यांनी सर्वांना तुमची पॅरेटिंगची काय पद्धत आहे, तुम्ही पण लिहा हे वारंवार लिहूनही त्या खोचकपणे असं म्हणत आहेत , असे मानत असाल तर चर्चा कशी होईल?

वर त्यांनी अजून कोणाला व्हिडिओ पण पाठवण्याची तयारी दाखवली आहे. कोणी त्यांना मेल केला का? तरीही त्यांचे मूल गुणी नसेलच आणि त्या मुलावर अन्याय करत वाढवत आहे अशी खात्री का? मागच्या
पिढ्यांसारखी आदर्श, आईवडिलांचं ऐकणारी , गुणी मुलं आजकाल कमी असावीत पण तशी मुलं अस्तित्वात नाहीतच हा काय अट्टाहास? खरंच त्यांचे मूल मुळातच गुणी आणि हुशार असू शकते ना?

हे म्हणजे ऐश्वर्या राय इतकं सौन्दर्य असूच शकत नाही, तिला लहानपणी गोरे होण्याची इंजेक्शन दिले असतील, डोळ्यांमध्ये रोज सकाळी उठून लेन्स घालायला लावले असतील, आणि इतकी सुंदर मुलगी अभ्यासात पण हुशार? शक्यच नाही. पैसे देऊन मार्क मिळवले असणार, तिला तिच्या आईवडिलांनी किती त्रास दिला असणार असे म्हणण्यासारखे नाही का वाटत?

त्यांनी कुठल्याही लेखात इतरांच्या मुलांबद्दल लिहिले नाही, इतर मुलांशी तुलना केली नाही. उलट प्रतिसादातच लोकांनी (माझ्यासकट) त्यांच्या मुलाशी स्वतःच्या मुलांची तुलना केली आहे, त्यांच्या परेटिंगशी स्वतःच्या किंवा स्वतःच्या आई वडिलांशी तुलना करून माझे आईवडील किती कुल होते आणि तुम्ही तुमच्या मुलाला कसे अकाली प्रौढ करत आहात , वगैरे सुनावले आहे. वर एक जण म्हणतात परेटिंग वरची पुस्तके वाचा, तुम्ही तुमच्या मुलाला त्रास देत आहात हे लक्षात येईल, तर दुसऱ्या म्हणतात, उगीच परेटिंग वरची पुस्तके वाचून मुलाला तसे सर्वगुणसंपन्न बनवण्याचा अट्टाहास करु नका. सर्वाना त्यांनी अत्यंत संयत उत्तरे दिली आहे. तरीही त्याच दोषी? कारण त्या मोजक्या पालकांपैकी आहेत ज्या
स्वतः आदर्श वागून मुलालाही गुणी बनवत आहेत?

माझं मूल अजून लहान आहे. पण हे वाचून एक धडा मात्र घेतला की आपलं मूल भारी असेल तर कोणालाही सांगू नये, कोणीही विश्वास ठेवणार नाही.
तसंच उद्या माझ्या बाळाच्या वयाची इतर अनेक मुलं भेटतील, त्यापैकी कोणी फार गुणी असेल तर ते मूळचे गुणी असू शकतात किंवा माझा माझ्यावर (इंटरनेट वापरणे, संतापी पणा किंवा इतर काही बाबतीत) कंट्रोल नसल्याने मी बाळाला योग्य ती शिकवण देऊ शकत नाही. पण त्या गुणी बाळाला त्रासच दिला जात असेल, त्याचे आईबाबा फुशारकी मारत आहेत वगैरे मानणार नाही.

आम्ही ज्यांच्याकडुन मुर्ती घेतो त्याने सांगीतले होतेच की शाडु मुर्तीतही भेसळ करावी लागते, अन्यथा मुर्तीची विटंबणा होण्याची शक्यता असते बरेचदा जर निट हाताळली गेली नाही कारण त्या मुर्त्या खुप नाजुक असतात.

आम्ही पिओपीच घेतो अन कृत्रिम तलावात विसर्जन करतो

नादिशा, तुम्हाला खोचक प्रतिक्रिया वाचून त्रास होत असेल. पण कदाचित ही मानवी प्रवृत्ती असावी. प्रत्येकाला आपलं मुलं प्रिय असतं आणि आदर्श व्हावं असं वाटतं असतं. त्यामुळे स्वप्नवत खरंच गुणी कोणी आहे असं दिसल्यावर अशा प्रतिक्रिया येत असाव्यात. तुमचे लेख मी वाचते आणि त्यावर विचारही करते. मला ह्या लेखांचा उपयोग होतो. काल लिहिले तसे मी आदर्श आणि सर्व गुणसंपन्न वडील- मुलगा पाहिले आहेत, त्यामुळे तसे अस्तिवात असू शकते, मुलाला त्रास न होता मूल छान घडू शकते हे मला माहिती आहे.
मी अजिबात आदर्श नाही. माझ्यातले मला माहिती असलेले दोष मला काढून टाकायला जमत नाही, त्यामुळे मला पाहून बाळ काही चुकीच्या गोष्टी शिकत असेल तर त्या नोट करायला आणि त्या कशा सुधाराव्या यासाठी मला या लेखाचा उपयोग होईल.
तुमचे मनस्वास्थ्य बिघडवून मात्र हे लिहिण्यात अर्थ नाही. या लेखांवर अशाच प्रतिक्रिया येत राहतील अशी तयारी ठेवून जमलं तर लिहा.

मलाही निदिशा यांचे लिखाण आवडते
त्या प्रामाणिकपणे लिहितात
त्यांना अशा प्रकारचे प्रतिसाद मिळावेत हे दुर्दैवी आहे
त्यांनी त्यांची मूल वाढवण्याची पद्धत शेअर केली आणि कुठंही असं म्हणलं नाही की हीच पद्धत सर्वोत्कृष्ट आहे
आम्हीही आमच्या मुलाला वाढतोय तसा वाढू देतोय
असले काहीही पद्धतशीरपणे प्लॅनिंग वगैरे केलं नाही
पहिलेच पालक असल्याने अनेक चुकाही झाल्या
पण आजी आजोबा घरी असल्याने त्यांनी चांगले सांभाळून घेतले
त्यांच्याच तालमीत जास्त तयार झाला तो आणि त्यामुळे गुणी बाळ पण झाला
असो, तर निदिशा तुम्ही लिहीत रहा
प्रतिसाद कसे येतील याची चिंता न करता

स्वतःच्या आई वडिलांशी तुलना करून माझे आईवडील किती कुल होते आणि तुम्ही तुमच्या मुलाला कसे अकाली प्रौढ करत आहात , वगैरे सुनावले आहे. >> पीनी, सिलेक्टिव्ह रिडींग करू नका. हा माझा प्रश्न अत्यंत ज्येन्यूईन होता आणि त्याला नादिशा यांनी सविस्तर उत्तरंही दिलं आहे. आणि पेरेंटींगच्या धाग्यावर आपले आईवडील कसे कूल होते हे लिहीलं तर काय गैर आहे?